Vikan - 23.10.1969, Blaðsíða 9
í næsta mánuði ráðgera Bandaríkjamenn að
senda menn til tunglsins í annað sinn. Mikið
hefur verið skrifað um fyrstu tunglferðina, en
frásagnir geimfaranna sjálfra hafa þó ekki
birzt hér á landi. ViKAN hefur fengið leyfi til
að birta þær, og hér segir Neil Armstrong í
eigin persónu frá stórkostlegustu ferð, sem
farin hefur verið. í næstu blöðum birtast síðan
frásagnir Collins og Aldrins.
EEKERT
LEN6UE
ÚMÖGULEGT
Endurprentað úr tímaritinu LIFE. © Time Inc. 1969.
Armstrong leikur á píanó í tómstundum sínum og hér tekur hann lagið fyrir
konu sína, Jan.
Þegar ákveðið var í janúar að
senda okkur til tunglsins, virtist tak-
mark okkar algjörlega vonlaust.
Meirihluti þeirrar vitneskju sem
nauðsynleg var fyrir tunglferð, með
það fyrir augum að lenda þar, var
ekki fyrir hendi. Og mánaferjan
hafði aldrei flogið, auk þess sem
margt í sambandi við yfirborð
tunglsins var okkur ráðgáta. Það
var heldur ekki svo öruggt, að Hou-
ston-stöðin gæti haldið sambandi við
tvö farartæki úti í himingeimnum
án þess að sekúndubrot dytti úr, og
ef ég á að vera fullkomlega heiðar-
legur, þá var ég mjög efins í því að
Appollo 1 1 myndi verða fyrsta tungl-
farið til að lenda á tunglinu. Það var
bara svo margt sem við áttum ólært
— svo margt sem við vissum ekki
hvernig átti að bregðast við.
En þá voru Appollo 9 og 10 til-
raunirnar framkvæmdar, og fieppn-
uðust framar öllum vonum. Frá og
með þeim degi, fórum við að eygja
möguleikana, raunverulega mögu-
leika á því að við gætum lent Ern-
inum á tunglinu, og undirbúningur
hófst af fullum krafti og alvöru.
Við höfðum ekki ýkja mikl'ar
áhyggjur af öryggi okkar á meðan
á undirbúningi stóð. Það sem við
höfðum áhyggjur af var hve giftu-
samlega áætlun okkar tækist, og
hve vel við myndum vera færir um
að framkvæma það sem við áttum
að gera. Ég hafði á tilfinningunni
að vel heppnuð mánalending gæti
haft þau áhrif á mannkynið að það
færi að trúa að ekkert sé ómögulegt,
og að það er von til þess að vanda-
mál mannkynsins megi leysast á
farsælan hátt.
Öll þjóðin treysti á NASA (Geim-
ferðastofnun Bandaríkjanna), og
NASA treysti á okkur. Margir lögðu
höfuðið í bleyti, og það varð æ
bersýnilegra, að jafnvel hin minnstu
mistök gætu haft skaðleg áhrif á
orstír bandarísku þjóðarinnar.
Við gerðum okkur fulla grein
fyrir táknrænu gildi ferðar okkar,
43. tbi. VIKAN 9