Vikan - 26.08.1971, Side 19

Middle of the Road: Sally, lan, Eric og Ken.
Ómar Valdímarsson
heyra
&ra má
Það borgar sig yfirleitt ekki að
þræta við kvenfólk. Þær hafa
hvort eð er oftasf síðasta orðið.
Meðlimir hljómsveitarinnar
Middle of the Road ráku sig alla-
vega á það. Skoðun söngkonunn-
ar varð til þess, að í staðinn fyrir
að lenda í skuldafangelsi, lenti
lag hljómsveitarinnar, „Chirpy
Chirpy Cheep Cheep" í efsta sæti
brezka vinsældalistans og víðar,
til dæmis hér á íslandi.
Það eru að minnsta kosti fjórar
aðrar útgáfur af laginu: Ein með
höfundi þess, Lally Stott, önnur
með Mac & Katie Kissoon, sú þriðja
með House og loks hafa The Oters
sungið og leikið lagið inn á plötu.
En það eru Middle of the Road
sem náðu lengst. En hvaða hljóm-
sveit er þetta svo og hver er saga
hennar?
Meðlimir hennar eru fjórir:
Söngkonan Sally Carr, lan Lewis
sem leikur á gítar, bróðir hans,
bassaleikarinn Eric Lewis (sem
jafnframt er hljómsveitarstjóri) og
trommuleikarinn Ken Andrews. —
Undanfarin tvö ár hefur hljóm-
sveitin verið á Italíu og nú eru
þau nýkomin úr hljómleikaferða-
lagi um Skandinavíu og fleiri
Evrópulönd. Það var á Italíu að
Lally Stott, höfundur lagsins, kom
með það til þeirra og stakk upp
á því að þau settu það á plötu þar
í landi. „Við vorum upprunalega
ekki hrifnir af laginu," segir Er-
ic, „en svo var það Sally sem
varð ástfangin af því og vildi
taka það, þannig að þetta er í
rauninni allt henni að þakka."
Og því fór sem fór: Middle of
the Road léku lagið inn á plötu
fyrir RCA Italiana og síðar tók RCA
í Bretlandi lagið upp á sína arma
og gaf það út þar. Þegar það var,
hafði hljómsveitin ekki beinlínis
verið heimsfræg. „Þegar við kom-
um til Ítalíu fyrir tveimur árum,
bjuggum við í tjaldi og átum lítið
annað en kjötbollur og franskar
kartöflur," segir Eric og hlær við.
„Svo fengum við loks vinnu á
klúbb í Forte dia Marmie, sem er
á norð-vesturströnd Ítalíu. Klúbb-
eigandinn sagði okkur að við gæt-
um verið hjá sér í tvær vikur og
ef honum líkaði við okkur fengj-
um við borgað, annars ekki."
Til allrar hamingju líkaði eig-
andanum við hljómsveitina og
fljótlega upp úr því bauðst þeim
hljómplötusamningurinn við RCA
Italiana.
Upphaflega kom hljómsveitin
frá Glasgow í Skotlandi, þar sem
Framhald á bls. 47.
Brezka hljómsveitin WHO sendi
frá sér nýja tveggja laga plötu !
síðasta mánuði, og heitir aðallag-
ið „Won't Get Fooled Again". Hef-
ur platan rokselzt, enda afburða-
skemmtileg og sögð mest „com-
mercial" plata sem WHO hafa
sent frá sér um árabil. Til að aug-
lýsa plötuna fór trommuleikari
hljómsveitarinnar, Keith Moon, á
Ijósmyndastofu með gömul undir-
föt af mömmu sinni og sést árang-
urinn hér til hliðar.
Þá er ekki úr vegi að koma því
að hér, að Bob Dylan sendi frá
sér nýja tveggja laga plötu um
sama leyti og hefur hún hlotið
jafnvel enn betri viðtökur en
WHO. Kallar Dylan lag sitt
„Watching the river flow".
☆
34.TBL. VIKAN 19