Vikan - 28.01.1982, Blaðsíða 20

Texti: Sigurður Hreiöar
Starfsmenn
G lasgowskrif stof unnar
stofnuðu lceland Airtours
Vonum að
íslenskar
ferða-
skrifstofur
notfæri
sér þjónustu
okkar
1 i í 'r ’:

1 m 11
I $
1 1
í 1 ■ i-
1 f f f ■ 1 í: *
Þótt sumir íslendingar, sem komið hafa til
Glasgow, haldi að Glasgow sé litið annað
en Argyle Street og Levis’ s kannast þeir þó
líklega flestir við Royal Exchange Square.
Þar var skrifstofa Flugleiða til húsa til
skamms tíma og þar áður var skrifstofa
Flugfélags íslands á horninu á móti þessu
torgi. Hins vegar vita líklega ekki allir að
Flugleiðir hafa nú lagt niður skrifstofu sína
í Glasgow og nú situr annað flugfélag þar í
húsi sem íslendingum þótti áður sem þeir
væru komnir heim.
Vikan var á ferð í Glasgow snemma á
þessum vetri, í þann mund sem verið var að
breyta gamla skrifstofuhúsnæðinu fyrir
þarfir þess sem inn átti að flytja. En við
héldum upp á loft því við höfðum af því
sannar fréttir að ísland væri ekki heillum
horfið á Royal Exchange Square þótt Flug-
leiðir væru fluttar þaðan. Stuart Cree, sem
lengi var starfsmaður Glasgowskrifstofu
Flugleiða, hefur einfaldlega flutt sig á loftið
og sett þar upp fyrirtæki sem heitir Iceland
Airtours.
Þetta var einn af mörgum bankafrí-
dögum í Bretlandi. Að þessu sinni hafði
hann skollið yfir Glasgow. Þá þykir yfirleitt
til hlýða að aðrir í staðnum taki sér frí líka,
rétt eins og við hér heima tökum okkur öll
frí á frídegi verkamanna og frídegi
verslunarmanna. Sú er þó bót í máli að
frídagar sem þessir skella yfir allt ísland
samdægurs, en bankafrídagar í Bretlandi
taka aðeins lítinn part hver fyrir sig en eru
alltaf að skjóta upp kollinui|n. Ég man varla
eftir því að hafa komið svo í sameinaða
konungdæmið að ég lenti ekki einhvers
staðar á bankafrídegi.
En þeir félagar tveir hjá Iceland
Airtours, Stuart Cree og Ronnie Macavlay,
létu bankafrídag ekki trufla sig heldur sátu
við sitt. Hins vegar var velkomið að láta
Vikuna trufla og Stuart bar mér sjóðheitt
kaffi meðan við spjölluðum saman.
Skrifstofan
ekki lengur nauðsynleg
„Jæja, svo Glasgowskrifstofa Flugleiða
lenti í niðurskurði,” sagði ég, um leið og ég
dreypti af ýtrustu varkárni á þessu brenn-
heita kaffi.
„Við orðum það svo að Glasgowskrif-
stofan hafi ekki lengur verið nauðsynleg,”
svaraði Stuart og brosti góðlátlega, enda
ekki óvanur orðhvötum íslendingum. „Það
var nokkuð bersýnilegt að miklar
breytingar voru að verða i Glasgow. Starfs-
liði skrifstofunnar fór jafnt og þétt
fækkandi þangað til við vorum aðeins þrjú
eftir, enda var ferðatíðni hingað orðin aðeins
eitt flug á viku. Það er dálítið kaldhæðnis-
legt að British Airways, sem var orsökin að
þessum samdrætti hér í Glasgow, hefur
síðan ekki reynst bera gæfu til að halda úti
því flugi milli Glasgow og Kaupmanna-
hafnar, sem það var þó að reyna að yfir-
taka með því að takmarka flug Flugleiða
um Glasgow, og er nú að gefast upp á því.
Þetta islenska flug milli íslands og
Kaupmannahafnar með viðkomu í
Glasgow var mjög mikilvægt. British
Airways sá ofsjónum yfir því og fékk
bresku stjórnina til að beita þrýstingi til að
ýta Flugleiðum út úr þeirri samkeppni.
20 Vikan 4. tbl.