Vikan - 27.05.1982, Side 24

Umsjón: Hrafnhildur
Viðskipti
Chríster Erícsson,
einn ríkasti maður í Svíþjóð:
Geymir fé
sitt í
gámum
— ogspilará trommur
tilaðslakaá
1971: Fyrsti stýrimaður á sænskri ferju.
1982: Eigandi eins ríkasta einkafyrirtækis
i Svíþjóð, eftir að
hafa breytt gámum / vistarverur
og seltþá á borpallana. Nú erhann
heimsins stærsti eigandi íbúðarborpalla.
Fyrir rúmlega tíu árum ákvaö
Christer Ericsson, fyrsti stýrimaður á
sænskri ferju, að hætta á sjónum og
stofna einkafyrirtæki. Hann skíröi
fyrirtækið Consafe. Fyrsta verkefni
hins nýfædda fyrirtækis var að útfæra
hugmynd hans um nokkurs konar
öryggisbelti á gáma um borð í flutn-
ingaskipum. Þar sem hann hafði sjálf-
ur unnið við þess háttar flutninga vissi
hann nákvæmlega hvar skórinn
kreppti. Sú reynsla reyndist honum
arðbær í miskunnarlausum heimi við-
skiptanna.
Gámar eru lykillinn aö velgengni
Consafe-fyrirtækisins. „Einhver sagði
mér einhvern tíma aö bílbelti þyldu
þriggja tonna átak áður en þau brystu.
Eg hannaði því einfalda stálvindu sem
rúmaöi tíu metra rúllu af sama efni og
bílbeltin eru gerö úr. Þetta kerfi leysti
síðan af hólmi fyrirferðarmiklar keðj-
ur og víra sem notast hafði veriö við
til að halda gámunum stööugum viö
flutninga.”
„Dryggisbeltin” nutu strax mikillar
hylli og brátt voru þau lögboðin við alla
flutninga í Svíþjóð. En þó undarlegt
megi virðast áttu sænsk yfirvöld í
erfiðleikum með að ákveða hvar ætti
aö flokka þennan iönaö. Niðurstaðan
varð sú að „öryggisbeltin” voru flokk-
uð meö brjóstahöldurum og beltis-
sylgjum. „Ég reyndi aö útskýra aö við
værum ekki að selja undirfatnaö. En
þeir neituöu að hlusta. Ef önnur fyrir-
tæki eru flokkuð á jafnfáránlegan hátt
og við skal mig ekki undra þótt opin-
berar skýrslur gefi einkennilega mynd
af sænskum iðnaði.”
Þegar vinsældir „öryggisbeltanna”
voru ljósar flykktust keppinautarnir á
markaöinn með eftirlíkingar. En
Christer Ericsson hafði notað vel það
eina og hálfa ár sem forskotið gaf hon-
um. Hann haslaöi sér völl á nýjan leik,
með því að selja notaða gáma, en það
haföi engum hugkvæmst áður. Núna
stunda margir þess háttar viöskipti.
„Þessi hugmynd var einnig mjög
einföld. Ef það er hægt aö versla með
notaða bíla því þá ekki aö gera slíkt hið
sama meö gáma? Ollum hefði getaö
dottiö þetta í hug,” segir Christer
Ericsson.
Þegar olíukreppan skall á 1974—75
átti Consafe 4 milljónir dollara (40
millj. ísl. kr.) í banka og var tilbúið
til aö taka þátt í nýjum ævintýrum.
„Þá datt mér í hug að breyta gámum í
vistarverur fyrir starfsmenn í
olíuiönaðinum. Við höfum nú selt um
15000 vistarverur af þessu tagi víös
vegarumheiminn.”
Eftir aö Christer Ericsson haföi náð
fótfestu í útflutningi fóru hjólin aö snú-
ast fyrir alvöru. Stærsta skrefiö tók
hann árið 1977 þegar hann lét reisa
„Safe Astoria” — fyrsta fljótandi
íbúðarpallinn sem byggður var sem
slíkur. Þá hafði fyrirtæki hans tekið að
sér að betrumbæta vistarverur á yfir
20 borpöllum.
„Ég vissi af eigin reynslu hvernig
aðstæður höfðu breyst um borð í flutn-
ingaskipum. Því skyldu olíuverka-
menn láta sér nægja aö kúldrast
margir saman í pínulitlum klefum
þegar sjómenn höfðu búiö i eins til
tveggja manna káetum um margra
áraskeiö?”
Nú á fyrirtækið átta slíka borpalla,
og hefur undirritað verkefnasamning
27 ár fram í tímann. Um sjötíu manns
vinna við stjómunarstörf og 300 manns
á borpöllunum.
Fyrstu tvö árin, sem fyrirtækið
starfaði, hafði Christer Ericsson að-
stöðu í litlu herbergi inn af eldhúsinu á
heimili hans, fyrir utan Gautaborg.
Hann hefur ætíð reynt að halda fjölda
starfsmanna í lágmarki, þó fyrirtækið
sé nú eitt af stærstu fyrirtækjunum í
Svíþjóð. „Varkár” og „heilsteyptur”
eru algeng lýsingarorö þegar talað er
um Christer Ericsson. Hann er sá sem
situr viö stjómvölinn á fyrirtækinu en
einbeitir sér að hugmyndum og
samningum sem varða framtíöina.
„Ég ver nú mestum tíma til aö ákveða
verkefni fyrir árin 1983—1985 og einnig
í að gera langtímaáætlanir fram til
ársins 1900.” Hann ætlast til þess af
starfsfólki sinu aö það sé fært um aö
sjá um daglegan rekstur á fyrirtækinu.
Einkennandi fyrir allt skrifstofuhald er
samstarf, enda er það skoðun Erics-
sons aö ef tveir vinni vel saman verði
árangurinn þriggja manna afköst.
Christer Ericsson er þekktur fyrir að
vera vinnuhestur. En hann á þaö til að
yfirgefa vinnuna um miðjan dag.
„Þegar mér finnst ekkert ganga þýðir
ekkert aö sitja við skrifboröið og glápa
út um gluggann. Þá forða ég mér heim,
dútla í hesthúsinu, vinn í garðinum og
spila á trommur. Lífiö væri frámuna-
lega leiðinlegt ef þaö snerist einvörð-
ungu um viðskipti,” segir þessi 39 ára
gamli viðskiptajöfur sem er ótvírætt
vaxandi burðarás hins norræna við-
skiptaheims.
U
Þegar Christer Ericsson finnst sem ekkert gangi í vinnunni fer hann á hest-
bak eða spilar á trommur, á meðan hann veltir fyrir sér lausn mála.
24 Vikan 21. tbl.