Vikan - 17.10.1985, Blaðsíða 45
BERTI
MÖLLER
Bertram H. Möller, sem flestir þekkja sem Berta
Mölier, starfar hjá Rannsóknarlögreglu ríkisins.
Hann hóf störf hjá lögreglunni þann 10. októb-
er árið 1964 en fyrir þann tíma hafði hann getið
sér gott orð sem tónlistarmaður og söngvari. I
hugum flestra tengist Berti rokktímabilinu og
um nokkurt skeið hefur hann séð um þætti á rás
2 þar sem tónlist frá því tímabili er leikin. Hann
er kvæntur Guðríði Erlu Halldórsdóttur og eiga
þau hjón tvær dætur og son.
Bílskúrar: Nytsamlegir til margra hluta. Sumir nota þá
fyrir bílana sína. Aðrir opna myndbandaleigur í þeim og
svo eru þeir sem fylla þá af dóti svo að bílarnir komast
ekki inn.
6x taflan: Lærði hana strax í 7 ára bekk . . . í Melaskól-
anum.
Viðreisnarstjórn: Eflaust sú besta sem verið hefur . . .
eða reisti hún ekki allt við?
Brilljantín: ,,Klístrað."
Hin gömlu kynni: „Gleymast ei."
Iðnaðarmenn: Virðast fátækir þegar maður sér þá í
vinnunni.
Útigrill: Meinarðu sólbað?
Lúdó: Sennilega ein mesta bylting hér á landi fyrr og síð-
ar.
Lögreglukórinn: Góð afþreying fyrir lögreglumenn sem
eru komnir á eftirlaun.
Tjakkar: Yfirleitt neðst í skottinu sem er fullt af farangri
þegar springur.
Fjárlagagöt: Allir sjá þau en enginn vill viðurkenna það.
Æskuástin: Rafmögnuð.
Stækkunargler: Ættu þeir að nota sem ekki sjá fjárlaga-
götin.
Fegurðarsamkeppni: Hef ekki tekið þátt í henni.
Mjólkurbílar: Voru rómantísk farartæki hér áður fyrr,
samanber ,,Við brúsapallinn bíður hans hans mær".
42. tbl. Vikan 45