Vikan - 13.08.1987, Page 18

NAFN VIKUNNAR:
Senn líður að árlegum stórviðburði í íslenskum íþróttum. Reykjavíkurmaraþonið verður haldið í fjórða sinn
þann 23. ágúst. Hlaupararnir hafa þegar sett á sig trimmskóna og sjást skokkandi sveittir um alla borg.
Steinunn Jónsdóttir er einn skokkaranna sem ætla að hlaupa hálft maraþon. Hún er nítján ára og hefur getið
sér gott orð í hlaupaíþróttinni. Þetta er í fyrsta skipti sem Steinunn tekur þátt í Reykjavíkurmaraþoninu. í fyrra
var hún erlendis þegar hlaupið fór fram en fyrir þann tíma hafði hún ekki uppgötvað hversu hratt fæturnir
gátu borið hana.
Steinunn stundar nám við Menntaskól-
ann í Reykjavík og þaðan mun hún
útskrifast næsta vor. Hún stefnir hátt
í íþróttunum en lætur skólann samt
hafa forgang. Eftir stúdentsprófið er hún
staðráðin í að halda áfram í námi. í því
skyni lítur Steinunn Bandaríkin hýru auga.
Þar hyggst hún læra arkitektúr ef hún finnur
skóla sem hentar.
Fyrir sex árum hóf Steinunn að æfa sund
en fyrir tveimur árum ákvað hún að skipta
yfir í hlaupin. Undanfarið hefur hún æft
með Armanni enum næstu áramót mun hún
færa sig yfir til ÍR. Ég byrjaði á að spyrja
hvers vegna hún hætti i sundinu.
„Þannig var að Marta Ernstdóttir,
hlaupakona og vinkona min, byrjaði að æfa
hlaup. Við vorum þrjár sem hættum í sund-
inu á þessum tíma og fórum að hlaupa. Sú
þriðja heitir Hulda Björk Pálsdóttir. I raun
eru ekki margar fleiri sem stunda langhlaup
að einhverju marki. Einhverra hluta vegna
virðast stelpur ekki hafa áhuga á að taka
þátt í langhlaupum. Samt veit ég að það eru
margar konur, bæði ungar og gamlar, sem
skokka. Maður sér þær oft úti á götu en
fæstar koma í víðavangshlaupin. Sennilega
eru tvær meginástæður fyrir því. í fyrsta lagi
held ég að þær séu feimnar við að hlaupa
opinberlega og svo finnst mér mörg víða-
vangshlaup mjög illa auglýst. Fólk tekur
ekki eftir auglýsingunum nema það viti af
þeim. Þrátt fyrir að ég sé í góðu sambandi
við ýmsa hlaupara hef ég misst af hlaupi
vegna þess hversu illa það var kynnt. Þetta
er mikill galli á framkvæmd margra hlaupa.
Ég vil endilega taka það fram að megin-
markmiðið með þátttöku í víðavangshlaup-
um er að vera með en ekki að vera fyrstur.
Víðavangshlaup er ekki bein keppni heldur
setur hver og einn sér sitt eigið markmið.
Ég hvet allar stelpur, sem hafa áhuga á lang-
hlaupum, að byrja að æfa markvisst og sýna
sig meira í víðavangshlaupunum. Það bráð-
vantar stelpur í íþróttina. Við vinkonurnar
þrjár, ásamt nokkrum fleiri, höfum staðið í
því að halda heiðri kvenþjóðarinnar á lofti.
Við höfum hlaupið saman í gegnum súrt og
sætt um leið og við höfum hvatt hver aðra.
Það er nefnilega svolítið erfitt að hlaupa
mikið einn. Allir verða að fá vissa hvatn-
ingu. Ef enginn er til að drífa mann áfram
er hætt við að maður lyppist niður og hætti
fljótlega.“
- Hleypurðu á hverjum degi?
„Ég hleyp yfirleitt sex daga vikunnar.
Þann dag sem ég tek mér frí reyni ég að
synda svolítið. Það er góð hvíld. í vetur
hljóp ég að meðaltali tíu kílómetra á dag
en nú í sumar hef ég stytt vegalengdirnar
aðeins.“
- Geta langhlaup verið hættuleg
heilsunni?
„Að sjálfsögðu getur fólk ofreynt sig.
Það getur náttúrlega enginn tekið þátt í
maraþonhlaupi eða hálfu maraþonhlaupi
þótt hann hafi um skeið hlaupið nokkra
kílómetra á dag. Það er álitið óhollt fyr-
ir börn og unglinga að hlaupa mjög
langar vegalengdir. Þetta sést best á því
að aldurstakmark er sextán ár í fullt
maraþon í Reykjavíkurhlaupinu. Ég sjálf
hef hlaupið mikið í tvö ár en tel mig samt
ekki tilbúna í heilt maraþon. Þjálfunin
tekur svo langan tíma. Ég get nefnt dæmi
úr keppnisferð sem ég fór í til Portúgal.
Þar voru margar mjög góðar hlaupakon-
ur og þær bestu flestar komnar yfir
þrítugt. Ég man eftir einni sem er búin
að æfa í fjórtán ár og er fyrst að komast
framarlega í íþróttinni núna. Þetta litla
dæmi varpar skýru ljósi á hversu mikla
þjálfun fólk þarf að leggja á sig til að
geta hlaupið langar vegalengdir. Og
þjálfunin þarf náttúrlega að vera enn
meiri ef maður vill ná langt í íþróttinni.“
- Ertu búin að setja þér ákveðið
markmið fyrir hálfmaraþonið?
„Já, auðvitað hef ég reynt að finna út
Viðtal: Jóna Björk Guðnadóttir
18 VIKAN 33. TBL