Vikan - 13.08.1987, Page 37

Terence Trent D'Arby
Þessi ungi maður er einn þeirra sem
eru mikið áberandi í poppinu í dag,
enda ungur og laglegur maður. Hann
hlýtur töluverða umfjöllun í popp-
pressunni sökum þess hve mikla trú
hann hefur á sjálfum sér. Surnir kunna
svo illa við þetta álit karls á sjálfum
sér að þeir kalla hann monthana. Fyr-
ir stuttu var hann hnefaleikamaður en
er nú orðinn poppstjarna sem hefur
gert nokkuð góða hluti á vinsældalist-
um í Evrópu með lögunum If You Let
Me Stay og Wishing Well. Nú kom
út fyrir stuttu fyrsta breiðskífa kapp-
ans, Introducing the Hardline Accord-
ing to Terence Trent D’Arby svo að
nú kemur í ljós hvort hann hefur haft
efni á að tala svona digurbarkalega eða
hvort hann ætti að drífa sig í frí á ein-
hvern fáfarinn stað.
Michael Jackson
Michael Jackson er aftur kominn á
kreik. Aðdáendur hans hafa beðið lengi
eftir að heyra eitthvað frá honum.
Hann gaf síðast út metsöluplötuna
Thriller sem sló nær öll met sem hægt
var að slá. Þessi nýja afurð frá meistar-
anum hefur verið á leiðinni nokkuð
lengi en nú mun vera öruggt að nýja
breiðskífan BAD kemur út í ágúst og
höfum við nú þegar fengið forsmekk-
inn af henni í laginu I just Can’t Stop
Loving You. Verður hver og einn að
dæma sjálfur hvort biðin hefur verið
þess virði.
Europe
Poppsíðunni hefur borist fyrirspurn
um aðdáendaklúbb sænsku rokksveit-
arinnar Europe, þeirrar sömu og sótti
okkur heim í júlímánuði. Heimilis-
fangið er:
Europe Fan Club
P.O. Box 23128
S-103 45 Stockholm
Sweden.
Jody Vanessa Watley
Margir muna eftir diskósveitinni Shal-
amar. í þeirri sveit var ung söngkona
sem hefur nú hafið sólóferil. Þessi unga
dama heitir Jody Vanessa Watley. Hún
á eina systur og einn bróður (sem er
tónlistarmaður). Hún hætti í Shalamar
fyrir nokkrum árum og fluttist þá til
Bretlands þar sem hún tók m.a. þátt í
Band Aid, vann með Art of Noise og
gaf út nokkrar smáskífur sem urðu lít-
ið vinsælar. Á síðasta ári sneri hún
aftur heirn til Bandarikjanna þar sem
hún fór að undirbúa sólóferil sinn af
alvöru og nú hefur komið út lagið
Looking for a New Love. Hefur það
gert nokkuð góða hluti á vinsældalist-
um og er vonast eftir að fyrsta breið-
skífa hennar, Jody, komi til með að
ganga jafnvel.
33. TBL VIKAN 37