Vikan - 22.03.1990, Page 54

Herramaðurinn þarf ekki lengur að fylgja
einhverjum tfskustaðli.
Nú getur hann klætt sig eins og honum sýnist
og hann telur sér best fara. í þröngt eða vítt
eftir því hvað hann kýs.
Auðvitað er tsland með á alþjóðlegri
herrafatasýningu þótt íslenskir fata-
framleiðendur komi þar hvergi nærri.
Þessi peysa var framleidd í Bretlandi.
von á byltingu á næstu misserum, ef marka
má alþjóðlega tískusýningu á herrafatnaði
sem haldin var í Köln á dögunum.
Það var satt að segja með blendnum
huga sem tíðindamenn Vikunnar voguðu
sér inn á þessa umræddu sýningu, vopnað-
ir myndavélum og skriffærum. Einhvern
veginn höfðu þeir það á tilfmningunni að
þessi myndi verða allt öðruvísi en hinar
fjölmörgu húsgagna-, híbýla-, bíla- og fata-
sýningar sem þeir hafa heimsótt ffam til
þessa. Og það stóð heima.
Um leið og komið var í anddyri sýning-
arhallarinnar bar mikið á fólki á öllum
aldri, af öllum stærðum og gerðum, sem
var á þönum út eða inn. Eitt átti allt þetta
fólk sameiginlegt; það var áberandi ný-
tískulega klætt. Ilmvatnsstrókurinn stóð
aftur af konunum og karlarnir voru undan-
tekningarlaust með blásið hár og velflestir
með svokallað þriggja daga skegg. Allir
voru sem klipptir beint út úr tískublöðum
og gengu um með mjaðmasveiflum og
talsverðum tilburðum enda sjálfsagt þjálf-
aðir í tískuskólum hér og hvar í veröld-
inni.
Það verður að viðurkennast að undirrit-
uð drógu sig heldur í hlé þegar þau sáu
hvernig vindar blésu enda þótt sunnu-
dagafötin hefðu verið dregin fram fyrir
túrinn. Svo var bara að láta sig vaða inn á
svæðið.
Ótrúleg litadýrð
Það sem vakti mesta athygli, þegar inn
var komið, var sú ótrúlega litadýrð sem
tískuhönnuðir boða í karlmannafatnaði
næsta haust og vetur. Mikið bar á bindum,
slaufúm, hálsklútum og mittislindum í öll-
um regnbogans litum og rúmlega það.
Áberandi voru ýmiss konar bláir tónar, svo
og rauðir, sem blandað var saman á mis-
munandi vegu. Svo mátti einnig sjá háls-
klúta og bindi í sterkum grænum, gulum
og/eða rauðum litum.
Skyrturnar eru kapítuli út af fýrir sig af
sömu sökum. Auk hinna hefðbundnu bar
mikið á marglitum silkiskyrtum eða
blöndu úr bómull og viskosi, svokölluðum
hawaiiskyrtum sem hafa mikið verið að
ryðja sér til rúms að undanförnu. Kragarn-
ir geta verið hvort heldur sem er kínversk-
ir eða venjulegir. Af þessari sýningu að
dæma eiga þær eftir að festa sig í sessi
næsta haust og veturinn 1991.
Hvað herrabuxur varðar er varla hægt
að tala um tísku í sambandi við þær því allt
verður leyfilegt. Þeir sem kjósa uppbrot
geta haft slík því það er í tísku. Þeim sem
finnst uppbrot ljót geta fengið sér buxur
án uppbrota því þær eru líka í tísku. Vídd-
in skiptir heldur ekjd öllu máli en þó eru
buxurnar það víðar að ofan að þær eru
yfirleitt felldar undir streng.
Vestin föst í sessi
Vestin víkja ekki næsta vetur ffemur en
endranær. En það gegnir sama máli um
þau og bindin og skyrturnar; þau eru afar
litskrúðug og í sterkum litum. Að sjálf-
sögðu verða hin sígildu jakkafatavesti
áfram til staðar.
Jakkarnir verða ýmist ein- eða tví-
hnepptir. Áberandi voru jarðarlitirnir,
grænn, brúnn og jafnvel út í gult, en yflr-
leitt voru stöku jakkarnir í afar mildum og
mjög fallegum litum. Eins mátti sjá rauða
jakka, með appelsínugulum tón. Líklega
virðist þetta ekkert sérstaklega spennandi
á prenti en staðreyndin er sú að þessir
jakkar voru býsna fallegir. Kraginn var oft
úr öðru efni en jakkinn sjálfúr, til dæmis úr
leðri eða rúskinni.
Nóg var af herrapeysum á sýningunni
og voru þær afar mismunandi. Sem dæmi
má nefna breska, gamalgróna fyrirtækið
Wolsey sem sýndi sígildar, hnepptar vest-
ispeysur eða einlitar peysur með V-háls-
máli. Frá öðrum fyrirtækjum mátti sjá
skrautlegar peysur með ásaumuðum
myndum, þar sem á voru saumuð nöfn
ýmissa landa, borga í Bandaríkjunum
o.s.ffv. Þegar að var gáð stóð auðvitað
skýrum stöfúm „ÍSLAND" á einni peys-
unni. Þetta voru annars hinar þekkilegustu
flíkur, framleiddar í Bretlandi ef marka
mátti miðana innan í þeim.
Þetta var annars í stórum dráttum það
sem bar fyrir augu á fatasýningunni í Köln.
Samkvæmt því er hagur herramannsins sí-
fellt að vænkast. Hann þarf ekki lengur að
fylgja einhverjum tískustaðli. Nú getur
hann klætt sig eins og honum sýnist og
hann telur sér best fara, í þröngt eða vítt
eftir því hvað hann kýs. □

HJALLAHRAUNI 13
HAFNARFIRÐI
SÍMI 53955
52 VIKAN 6.TBL.