Vikan - 09.09.1943, Blaðsíða 2

2
VIKAN, nr. 36, 1943
Gullbrúðkaup áttu 7. sept. Anna og Nic. Bjarnason kaupmaður.
P ósturinn
' 24. ágúst 1943.
Kæra Vika!
Ég sé að þú birtir oft Ijóð fyrir
lesendur þína, sem þá langar til að
læra. Nú langar mig til að biðja þig
að birta fyrir mig ef þú getur ljóð,
sem hefir oft verið spilað og sungið
í útvarpinu, en mér hefir ekkí tekizt
að læra ljóðið ennþá, en lagið kann
ég aftur á móti, og ■ langar því til
að læra allt ljóðið við það. Það byrjar
svona, minnir mig: „Kenndu mér að
kyssa nett.“ Með fyrirfram þökk
fyrir birtinguna. Norðlenzk stúlka.
Svar: Vísurnar eru svona:
Kenndu mér að kyssa rétt
og hvernig á að faðma nett.
Hvernig • á að brosa blítt
og blikka undur þýtt.
Ég, sem er svo ungur enn,
af ástarþránni kvelst og brenn.
Tækifærin fæ ég ei,
flestar segja nei.
Og vona minna fagra fley
er flotið upp á sker.
Þú sérð, að gjörvöll gæfa mín,
er geymd í hendi þér.
Kenndu mér að kyssa rétt
og hvemig á að faðma nett.
Þú færð í laun, minn ástaryl,
— allt sem ég á til.
Kæra Vika!
Getur þú sagt mér hvort guitarar
fást hér í bænum. Var það ekki
Guitarskóli, sem kom út um daginn,
og eftir hvern var hann. Óska eftir
svari í næsta blaði.
Söngelsk og Fáfróð.
Svar: Guitarar fást hér ekki núna
sem stendur. Guitarskólinn, sem út
var gefinn um daginn, er eftir Sigurð
H. Briem.
Kæra Vika! !
Viltu svara spumingu minni?
Þarf maður að hafa gengið
menntaveginn til að verða tannlækn-
ir (smíða tennur og gera við). Hvar
fær maður að læra tannsmíði? Með
fyrirfram þökk fyrir svarið.
Áhugasamur.
Svar: Við spurðumst fyrir um
þetta hjá tannlækni, og fengum þær
upplýsingar, að þeir, sem lærðu
tannsmíði þyrftu að kunna eitt
tungumál auk íslenzku, námið tekur
tvö ár til að smíða venjulegar tenn-
ur, en þrjú ár, ef nemandinn ætlar að
læra líka að smíða gulltennur. Tann-
smíði er kennd hjá tannlæknum.
Tannlæknar geta menn ekki orðið,
nema að hafa lokið stúdentsprófi.
Reykjavík, 26. júlí 1943.
Kæra Vika!
Segðu okkur, hvort smákvikindi,
sem lifir í húsum og spinnur þráð,
sem það notar til þess að síga i,
heitir Dordingull eða Fiskikarl.
Vænti svars í næsta blaði Vikunn-
ar, vegna þess, að hér er um veðmál
að ræða.
Þrætir.
Svar: Dordingull er réttnefni þessa
„smákvikindis“, sem þér talið um,
enda þótt einhverir kunni, að kalla
það Fiskikarl.
12. ágúst 1943.
Kæra Vika!
Margir leita ráða hjá þér, þegar
vanda ber að höndum, og ég veit að
þú reynir að leysa flestra vandamál,
ef þér er það mögulegt. Mig langar
til að biðja þig að ráðleggja mér eða
gefa mér einhverjar upplýsingar um
hvernig á að fá lækningu á því, að
ég hefi mjög mikið af sprungnum
æðum í hörundinu, og veldur það mér
miklum áhyggjum. Ég hefi annars
hvíta húð, að öðru leyti en þessu, að
það koma eins og rauðar rákir eða
vefir útundir skinnið.
Vonast eftir svari.
Ahyggjufull.
Svar: 1 Fegrun og snyrting, segir
um blæðingar í húðinni: „Blæðingar
í húðinni eiga ævinlega rót sína að
rekja til innri truflana. Þær geta
verið mjög mismiklar, smádílar og
stórir blettir. Oftast sjást blettirnir á
fótleggjum eða upphandleggjum, en
mjög sjaldan í andliti.
Blæðingamar eru ekki sérstakur
sjúkdómur, heldur einkenni innri
sjúkdóma oftast blóðsjúkdóma. Á síð-
ari árum hafa menn komizt að raun
um, að smáblæðingar i húðinni era
einkenni þess, að C-bætiefni vanti í
fæðuna. Á þessu ber mest í skamm-
deginu.
Við sjúkdómnum er ráðlagt kalk
Hið veglega aðsetur Landsbókasafns Islands við Hverfisgötu. Þegar horn-
steinn hússins var lagður 23. september 1906, sagði Hannes Hafstein ráð-
herra meðal annars: „Samkvæmt gamalli venju verður iögð niður í grund-
völl hússins stutt skýrsla um bygging þess. Hún er rituð á bókfell, sem
ásamt gildandi bankaseðlum og póstmerkjum verður sett í loftþétt blý-
hylki, og hljóðar skýrslan þannig: Hús þetta er byggt handa landsbóka-
safni og landsskjalasafni Islands samkvæmt lögum um stofnun bygg-
ingarsjóðs og bygging opinberra bygginga, staðfestum 20. dag. októberm.
1905 og er hyrningarsteinninn lagður á dánarafmæli Snorra Sturlusonar
23. septemberm. 1906, á fyrsta ríkisstjórnarári Frederiks konungs hins VIII.
Ráðherra: Hannes Hafstein. Landritari: Klemens Jónsson. Forsetar
alþingis: Eiríkur Briem, Július Havsteen, Magnús Stephensen. Byggingar-
nefnd, kosin af alþingi: Guðmundur Björnsson, Jón Jakobsson, Tryggvi
Gunnarsson, teikning gerð af Magdahl Nielsen byggingameistara. Verkið
framkvæmt af: Félaginu „Völundur". Umsjónarmaður við bygginguna: F.
Kiörboe byggingameistari. Bókavörður landsbókasafnsins settur: Jón
Jakobsson. Skjalavörður landsskjalasafnsins: Dr. Jón Þorkelsson. /Etlast
er til, að aukið sé við bygginguna eftir þörfum síðar. Mennt er máttur."
Lestrarstofa Landsbóka-
safnsins í alþingishúsinu,
en þar var það árin 1881
til 1908, eftir að hafa
verið á dómkirkjuloftinu
1825 til 1881.
Lestrarsalur
Landsbókasafnsins.
og fæða, sem auðug er af C-bætiefn-
'um (grænmeti og aldin).“
Kæra Vika!
Viltu vera svo góð og segja mér,
hver sé höfundur sögunnar, „Hann
var knár, þótt hann væri smár“, sem
birtist í 7. tölublaði Æskunnar '43.
Ungur sjómaður.
Svar: Þessari spumingu getum við
því miður ekki svarað, því sagan er
skrifuð undir dulnefni. Við spurð-
umst fyrir um það, en það var eng-
inn, sem gat upplýst það, hver höf-
undurinn væri.
Útgefandi: VIKAN H.F., Reykjavík. — Ritstjóri og ábyrgðarmaður: Jón H. Guðmundsson, Kirkjustræti 4, sími 5004, pósthólf 365,