Menntamál - 01.10.1945, Side 13

MENNTAMÁL
163
I sveitum fer nú vaxandi áhugi fyrir því, að koma upp
heimavistarskólum og víða er hafin fjársöfnun til undir-
búnings undir framkvæmdir. Fréttir berast um rniklar
fjárgjafir einstakra manna til skólabygginga. Menn, sem
hafa hugboð um, að þeir eigi skammt eftir ólifað, ráðstafa
svo eignum sínum, að andvirði þeirra renni til skólabygg-
inga. Þeir menn eru lífinu trúir, þótt sjálfir horfi móti
dauða. Slíkt hugarfar til skólamála finnst hjá einstaka
mönnum, sem brenna af áhuga til úrbóta. Má því vænta
þess, að á næstu árum verði hafizt handa og ráðizt til
framkvæmda, ekki sízt ef ný fræðslulög verða samþykkt
og vald fræðslumálastjórnar til meiri sóknar í þessum
málum aukin. En hætt er þó við, að sums staðar geti enn
of lengi dregizt.
Ennþá eru til menn, sem þykjast sjá ýmsa annmarka á
heimavistarskólaforminu og andæfa gegn því. Stefán Jóns-
son námsstjóri gat fyrir nokkru í útvarpserindi þeirra
mótmæla, sem andófsmennirnir bæru fram. Kannaðist ég
við þau öll, svo að þau virðast ekki fara eftir landsfjórð-
ungum. Eru þau venjulega borin fram af andófsmönnun-
um, þegar á þessi mál er minnst. Stefán Jónsson svaraði
þeim svo, að ég hef þar litlu við að bæta, en ég vil þó
lítillega á sum þeirra minnast.
Veiklynd börn eiga að bíða tjón af því að vera tekin frá
heimilum sínum og sett í heimavistaskóla, þar sem þau eru
öllum ókunnug.
Hægur vandi mundi foreldrum að gera kennurum ljóst
um veiklyndi barnsins, svo að þeir gætu hjálpað því til
þess að yfirstíga það. Einhvern tíma þarf það að læra að
umgangast ókunnugt fólk, og því hollast að það verði sem
fyrst. Ef veiklyndi barnsins er sjúkleiki, svo að það hefur
ekki gagn af skólavist, eru líkur til þess að koma þess í
skólann verði til þess, að læknir athugi það og allt verði
gert því til hjálpar.
Önnur mótbára er sú, að skólarnir taki börnin frá heim-