Heima er bezt - 01.07.1952, Blaðsíða 10

202
Heima er bezt
Nr. 6
GEIMFARIR
Hugmyndir vísindamanna um ferðir út i himingeiminn
Síðan heimsstyrjöldinni síðari
lauk, hafa vísindamenn stór-
þjóðanna keppzt við að gera
tæki, sem hægt væri að fljúga á
til annarra hnatta, eða að
minnsta kosti út fyrir lofthjúp
jarðarinnar. Ef þetta tækist,
eru allar líkur til þess, að einn-
ig væri hægt að koma fyrir
gerfitungli utan við lofthjúp
jarðarinnar og byggja það
mönnum, sem hefðu aðstöðu til
þess, með hjálp nýjustu vísinda-
tækja, að fylgjast með öllum
hernaðaraðgerðum eða hernað-
arundirbúningi hvar sem er á
jörðinni. Slík aðstaða mundi
einnig opna stjörnufræðingum
algjörlega nýjan heim, því að
úti í geimnum mundi ekki gæta
þeirra truflana, sem gufuhvolfið
hefur á allar stjörnuathuganir
frá yfirborði jarðar. Mönnum er
fyrir löngu orðið það ljóst, að sú
þjóð, eða þau þjóðasamtök, sem
fyrst yrðu til þess að nema him-
ingeiminn, fengju um leið slík
hernaðarleg yfirtök, að þeim
yrði í lófa lagið að ráða lögum
og lofum á allri jörðinni. Það er
því ekki lítið undir því komið,
hvers sinnis það ríki er, sem
þessari aðstöðu nær fyrst, og
ekki er ósennilegt, að það hafi
úrslitaáhrif í þeirri baráttu, sem
nú er háð milli austurs og vest-
urs, hver verður fyrstur til þess
að leysa vandamál geimflugsins.
Eitt þýðingarmesta skrefið,
sem stigið hefur verið í áttina á
seinni árum, var vetnis-sprengja
Þjóðverjanna, „V-2“. Ýmsir þeir
vísindamenn, sem stóðu fremst-
ir í flokki um gerð „V-2“ sprengj-
unnar, og rannsóknir á geim-
flugi, fluttu búferlum til Banda-
ríkjanna eða Rússlands eftir að
styrjöldinni lauk, og þó mun
fleiri til Bandaríkjanna. Þessir
menn hafa haldið áfram geim-
flugsrannsóknum í samvinnu
við vísindamenn í Bandaríkjun-
um og í Rússlandi. Ekki er kunn-
ugt um, hvað gerzt hefur í þess-
um efnum í Rússlandi, en líklegt
er, að árangur hafi orðið
allmikill. Meira hefur verið lát-
ið uppi um rannsóknirnar í
Bandaríkjunum, og nýlega skrif-
uðu nokkrir helztu geimflugs-
sérfræðingar þar í landi greina-
flokk um málið í stórblaðið
Collier’s. Fróðleikur sá, sem hér
fer á eftir, er unninn úr þeim
greinum.
Myndin sýnir hina jöstu braut geimstöðvar-
innar. Brautin er 1075 mílur jrá jörðu, og
á þessari braut jer geimjarið á 2 tímum um-
hverfis jörðina.
Eftir svo sem tíu til fimmtán
ár verður nýr fylgihnöttur á
sveimi umhverfis jörðina. Þessi
nýi hnöttur verður gerður af
mannahöndum og verður annað
hvort hið öflugasta tæki til
varðveizlu friðar í heiminum,
sem þekkzt hefur í mannkyns-
sögunni, eða hið ægilegasta
vopn, eftir því hvernig á er hald-
ið. Þessi fylgihnöttur þýtur í
kring um jörðina með ótrúlegum
hraða, og í honum búa menn frá
jörðinni. Þetta gerfitungl verð-
ur fullsmíðað niðri á jörðinni,
og síðan flutt í geimförum, í
pörtum, upp í háloftin, og sett
saman þar. Því verður valin
braut 1075 mílur ofar jörðu og
í þeirri hæð mun það svífa heil-
an hring umhverfis jörðina á
hverjum tveim klukkustundum.
Hreyfiaflið leggur náttúran sjálf
til. Það helzt á braut sinni af
fullkomnu jafnvægi milli síns
eigin hraða og aðdráttarafls
jarðarinnar, á nákvæmlega
sama hátt og tunglið. Gervi-
tunglið, eða geimstöðin, eins og
einnig mætti nefna það, fer
tuttugu sinnum \ hraðar en
hljóðið. íbúar stöðvarinnar
finna þó ekki til hraðans, fyrir
þeim stendur stöðin grafkyrr, á
sama hátt og jörðin stendur kyrr
fyrir okkur, enda þótt hún þjóti
með meira en 66.000 mílna hraða
á braut sinni umhverfis sólina.
Frá geimstöðinni verður aðeins
stutt bæjarleið til tunglsins, á
fjarlægðarmælikvarða stjarn-
fræðinga. Með sérstaklega gerð-
um sterkum sjónaukum, radar-
sjám og myndavélum verður
vakað yfir öllu, sem gerist niðri
á jörðinni. Braut geimstöðvar-
innar má hugsa sér með því að
draga línu i gegnum segulpól-
ana. Jörðin snýst því dagsnún-
ing sinn innan brautar hennar.
Ef stöðin fer yfir New York
klukkan tíu að morgni (á suð-
urleið), verður hún yfir Los An-
geles (30 gráðum vestar) á há-
degi, og er þá búin að fara um-
hverfis jörðina í millitíðinni.
Enda þótt svona mikið land-
flæmi sé á milli yfirreiða, er
hægt að fylgjast með ýmsu því
sem athyglisverðast mætti
þykja, eins og t. d. því, að hóp-
ur sprengjuflugvéla væri búinn
til árásar á heimaflugvelli, flug-
vélar gerðar tilbúnar á þilfari
flugvélamóðurskips o. s. frv. Með
öðrum orðum, það mundi verða
ógerningur fyrir nokkra þjóð að
leyna undirbúningi undir hern-
aðaraðgerðir nema um stuttan
tíma.
Þann 14. september 1944 var
þýzkri V-2 eldflaug skotið 109
mílur í loft upp af lítilli eyju í
Eystrasalti. Tveim árum seinna.