Heima er bezt - 01.12.1964, Síða 18

reyna kraftana á því, sem annars var hlutverk lækjar-
ins: að snúa hinum þunga kvarnarsteini, spaðahjólinu
og öllu saman gangverkinu. Ég var orðinn dálítið æstur
út í viðfangsefnið, því að mér var ljóst, að það yrði
Látrasmalanum til mikils álitsauka, ef honum tækist að
leysa mölunar-vandamálið.
Ég lagði nú báðar hendur á broddstafinn og tók á
því, sem ég átti til við snúninginn. Þetta var ofboðslega
erfitt í fyrstu, en smám saman liðkaðist og léttist allt í
höndum mínum og mér varð ljóst að ég hafði unnið
fullan sigur.
Kófsveittur eftir áreynsluna skauzt ég til bæjar og
náði mér í fötu, sótti korn upp á hjallhúsloft og hóf svo
malverkið allshugar glaður og fullur eftirvæntingar.
Var nú sæmilega auðvelt að snúa steininum með báð-
um höndum, en býsna erfitt með annarri. Það varð ég
þó að gera, því að með hinni varð ég að sáldra korninu
ofan í steininn. Dró ég víst ekki af mér, því að svo var
sigurgleðin orðin mikil og tilhlökkunin að sjá og heyra,
hvernig húsbændur mínir tæki fréttunum af lausn vanda-
málsins.
Þegar kominn var allverulegur slunkur af fínasta
mjöli í kvarnarstokkinn, hætti ég að mala, enda var ég
orðinn allþreyttur og mjög sveittur eftir erfiðið. Gekk
ég,þá heim til bæjar og hitti húsfreyju. Sagði ég henni,
að nóg væri nú af mjöli í kvarnarstokknum. Hún skyldi
bara skreppa sjálf út í myllu og sjá, hvort ég segði ekki
satt.
Elíná rak upp stór augu og allir viðstaddir, héldu all-
ir fyrst, að ég færi með fleipur, því engum hugkvæmd-
ist, hvað hafði gerzt. Fór húsfreyja þegar út í myllu og
þótti þá sjón sögu ríkari. Undraðist hún mjög úrræði
mín og þakkaði mér með sterkum hrósyrðum fyrir af-
reldð. En Jónas hló og sagði drýgindalega:
„Já, kona góð. Þetta hefði enginn gert, nema Sæmsi!“
Piltarnir fóru nú að forvitnast um verklag mitt og
reyndu hver af öðrum að „mala með broddstafnum“,
en þeim gekk ekki of vel að koma myllunni af stað,
tókst það auðvitað, en undruðust mjög, að ég skyldi
hafa þrek til að mala í kvörninni, því að sannarlega var
hún ekkert barnameðfæri, hafði fyrst og fremst ekki
verið gerð fyrir handafl, heldur vatnsafl. Stóð þetta
verklag a. m. k. í hálfan mánuð. Lækurinn hafði að vísu
nálgast á þeim tíma, en ekki var vogandi að höggva
klakann úr rennustokknum undir myllunni, þar eð hann
var orðinn gamall og hálflélegur. Var því beðið eftir
hlákunni. Þá tók ég broddstafinn niður og afhenti
læknum sitt fyrra starf. En því er ekki að leyna, að ég
óx mjög að virðingu við þetta tiltæki, og auk þess átti
það sinn þátt í að efla hjá mér nokkurt sjálfstraust, a.
m. k. skýra meðvitund um, að ég var að verða „maður
með mönnum“, eins og það var orðað um fullgilda
verkmenn. Og víst var um það, að ég fékk minn skammt
vel úti látinn af okkar ljúffenga brauði þann tímann,
sem ég sneri myllusteininum, — og auðvitað miklu leng-
ur.
BRÉFASKIPTI
Anna Eiríksdóttir, Suðurgötu 106, Akranesi, og Elsa Halldórs-
dóttir, Suðurgötu 118, Akranesi, óska eftir bréfaskiptum við pilta
á aldrinum 15—16 ára. Æskilegt að mynd fylgi fyrsta bréfi.
Aðalbjörg Guðmundsdóttir, Jórvíkurhjáleigu, Hjaltastaðarþing-
há, N.-Múlasýslu, óskar eftir bréfaskiptum við pilt eða stúlku á
aldrinum 17—19 ára. Æskilegt að mynd fylgi.
Astnín Einarsdóttir, Stóra-Steinsvaði, Hjaltastaðarþinghá, N.-
Múlasýslu, óskar eftir bréfaskiptum við pilt eða stúlku á aldrinum
15—17 ára. Æskilegt að mynd fylgi.
Hafdis Gunnarsdóttir, Hótel Fornahvammi, Norðurárdal, Borg-
arfirði, óskar eftir bréfaskiptum við pilta á aldrinum 17—19 ára.
Hrefna Viggósdóttir, Hótel Fornahvammi, Norðurárdal, Borgar-
firði, óskar eftir bréfaskiptum við pilta á aldrinum 18—21 árs.
María Gunnarsdóttir, Hótel Fornahvammi, Norðurárdal, Borg-
arfirði, óskar eftir bréfaskiptum við pilta á aldrinum 16—19 ára.
Karólina Benediktsdóttir, Hvammstanga Vestur-Húnavatnssýslu,
óskar eftir bréfaviðskiptum við pilt á aldrinum 16—20 ára. Mynd
fylgi bréfi.
Knútur Óskarsson, Laugum, Suður-Þingeyjarsýslu, óskar eftir
bréfaskiptum við pilt eða stúlku á aldrinum 12—14 ára. Mynd
fylgi fyrsta bréfi.
Guðrún Guðmundsdóttir og Erla Vilhjálmsdóttir, Hlíðargötu 6
Akureyri, óska eftir bréfaskiptum við pilta eða stúlkur á aldrin-
um 13—15 ára.
Svanhildur Sigfúsdóttir, Steintúni, Lýtingsstaðahreppi, Skaga-
firði, óskar eftir bréfaviðskiptum við pilta og stúlkur á aldrinum
12—14 ára.
Guðmunda Sigfúsdóttir, Steintúni, Lýtingsstaðahreppi, Skaga-
firði, óskar eftir bréfaviðskiptum við pilta og stúlkur á aldrinum
8—10 ára.
Helga Steindórsdóttir, Nautabúi, Lýtingsstaðahreppi, Skagafirði,
óskar eftir bréfaviðskiptum við pilta og stúlkur á aldrinum 13—15
ára.
Sigrún Sigurjónsdóttir, Njálsgötu 75, Reykjavík, óskar eftir bréfa-
skiptum við pilta á aldrinum 17—20 ára. Mynd fylgi fyrsta bréfi.
Kristján Tryggui Sigurjónsson, Njálsgötu 75, Reykjavík, óskar
eftir bréfaskiptum við stúlkur á aldrinum 13—15 ára. Mynd fylgi
fyrsta bréfi.
Rósa Ágústa Helgadóttir, Skálagerði 3, Reykjavík, óskar eftir
bréfaskiptum við pilta á aldrinum 16—20 ára. Mynd fylgi fyrsta
bréfi.
Einar Kristjánsson, Lambastöðum, Laxárdal, Dalasýslu, óskar
eftir bréfaskiptum við pilta og stúlkur á aldrinum 15—16 ára.
Mynd fylgi.
Guðlaugur Gisli Reynisson, Bólstað, Mýrdal, Vestur-Skaftafells-
sýslu, óskar eftir bréfaviðskiptum við stúlkur á aldrinum 14—16
ára.
Þorbergur Þorsteinn Reynisson, Bólstað, Mýrdal, Vestur-Skafta-
fellssýslu, óskar eftir bréfaviðskiptum við stúlkur á aldrinum 15—
17 ára.
Sigríður Wium Hansdóttir, Reykjum, Mjóafirði, Suður-Múla-
sýslu, óskar eftir bréfaskiptum við stúlkur á aldrinum 16—20 ára.
Páll Eyþór Jóhannsson, Laugarási, Biskupstungu, Árnessýslu,
óskar eftir bréfaviðskiptum við pilta eða stúlkur á aldrinum 13—15
ára. Æskilegt að mynd fylgi.
446 Heima er bezt