Heima er bezt - 01.10.1965, Qupperneq 24

sem orðið hefur á staðnum frá því, er ég kom þar í
fyrsta skipti vorið 1929. Á Laugarvatni eru nú fjórir
skólar, auk héraðsskólans, sem venjulegast er kallaður
Laugarvatnsskólinn. Eru það: Menntaskólinn að Laug-
arvatni. Þar voru í vetur 106 nemendur. íþróttakenn-
araskólinn að Laugarvatni. Þar voru nemendur 14 í vet-
ur. Húsmæðraskólinn að Laugarvatni, en nemendur
voru þar í vetur 39, og barnaskóli fyrir Laugardalinn,
en í honum voru veturinn 1963 til 1964 alls 32 börn. í
Laugarvatnsskólanum (héraðsskólanum) voru í vetur
173 nemendur. Er því Laugarvatn nú fjölsóttasta skóla-
setur í strjálbýlinu. Rösklega 300 nemendur stunduðu
þar nám síðastliðinn vetur, en auk þess eru þarna kenn-
arar allra skólanna og fjölskyldur þeirra, og annað starfs-
fólk skólans og fjölskyldur. Þarna er því yfir vetrar-
tímann byggðahverfi með um 400 íbúa.
Laugarvatn hefur frá fyrstu tíð íslands byggðar ver-
ið fyrirmyndar bújörð, og oft hafa búið þar mikilsvirtir
höfðingsmenn, en með staðsetningu héraðsskólans, og
stofnun annarra skóla á staðnum, er Laus;arvatn orðið
merkasta skólasetur í strjálbýlinu, sem á væntanlega
framundan glæsilega framtíð, sem hin íslenzka æska í
hinum dreifðu byggðum landsins nýtur góðs af á næstu
áratuffum og öldum.
o o
Þegar Laugarvatnsskólinn var þrítugur, tók Bjarni
Bjarnason, skólastjóri, saman drög að sögu staðarins og
skólans í glæsilegu riti, sem hann nefndi Laugarvatns-
skóli þrítugur. Þar minnir hann á það í inngangi ritsins,
að tvívegis er Laugarvatn nefnt í sögu íslands í sam-
bandi við merka atburði.
Leyfi ég mér að taka hér upp orðréttan kafla:
„I niðurlagi 12. kapítula í Kristni sögu segir svo:
„Þorgeir lauk svo tölunni, að hvorir tveggju játtu því,
að þau lög skyldi halda, er hann réð upp að segja. Þá var
það uppsaga Þorgeirs: Að allir menn skyldu skírðir á
íslandi og trúa á einn guð, en um barnaútburð og hrossa-
kjötsát skulu haldast hin fornu lög; menn skyldu blóta á
laun, ef vildi, en varða fjörbaugsgarði, ef vottum kæmi
við; sú beiðni var aftekin nokkrum vetrum síðar.
Allir Norðlendingar og Sunnlendingar voru skírðir í
Reykjalaug í Laugardal, er þeir riðu af þingi, því að
þeir vildu eigi fara í kalt vatn. Hjalti mælti, er Runólfur
goði var skírður: „Gömlum kennum vér nú goðunum
að geifla á saltinu.“ Það sumar var skírður allur þing-
heimur, er menn riðu heim. Flestir Vestmenn voru
skírðir í Reykjalaugu í Syðri-Reykjadal.“ (Nú Lundar-
reykjadal.)
Kristni saga er talin rituð um 1200, eða jafnvel nokkru
fyrr, og er því góð og gömul heimild. Þá hefur laugin
heitið Reykjalaug, og bærinn hefur þá vafalaust heitið
Reykir, cins og svo margir aðrir bæir um allt ísland, þar
sem mikið rauk úr jörðu vegna jarðhita.
Katólskir menn höfðu mikla trú á vígðu vatni. Það
hefur lengi verið þeim helgur dómur og læknandi með-
al og hefur þótt sérstaklega gott við augnveiki. Og enn
eimir eftir af þessari trú á vígt vatn um öll Norðurlönd.
Laugarvatnsskóli.
372 Heima er bezt