Æskan - 01.05.1994, Blaðsíða 12

F R Á UNGLINGAREGLUNNI
VORMÓTIÐ í
C ALTALÆ KJ AR5KÓCI
Vormót barnastúkna á Suður- og Vesturlandi
var að þessu sinni haldið 28.-29. maí sl. Þar var
aó venju keppt í þríþraut og nú tóku um hundrað
börn og unglingar þátt í henni. Keppt var í fjórum
flokkum drengja og stúlkna. Sá stigahæsti í
hverjum flokki hlaut verðlaunagrip og sigurvegari
í hverri grein verðlaunapening. Allir fá viðurkenn-
ingarskjal fyrir þátttökuna.
Gott veður var á laugardeginum og tækin á
leiksvæðinu óspart nýtt eftir þríþrautina. Um
kvöldmatarleytið voru veittar pylsur, að sjálf-
sögðu vel þegnar eftir amstur dagsins.
Eftir matinn var haldin kvöldvaka. Félagar
stúknanna sáu um skemmtiatriði. Þau reyndust
svo mörg að fresta varð nokkrum!
Meðal atriðanna var sýning brúðuleikhúss sem
Kærleiksbandið flutti og harmoníkuleikur eins fé-
laga Stjörnunnar.
Mótið sóttu um 130 félagar og gæslumenn -
úr barnastúkunum Kærleiksbandinu í Hafnarfirði,
Nýársstjörnunni í Keflavík, Stjörnunni á Akranesi
og Æskunni í Reykjavík og ungmennastúkunni
Eddu í Reykjavík, auk nokkurra unglinga sem
munu vinna vió Tívolíið á Bindindismótinu um
verslunarmannahelgina.
UNOLINCARECLUÞINC
Þing Unglingareglunnar (sambands barna-
stúkna) var haldið í Templarahöll Reykjavíkur 1.
júní sl. Tveir fjórtán ára piltar fluttu þar ávörp,
Matthías Matthíasson æðstitemplar Stjörnunnar
á Akranesi og Stígur Þórhallsson æt. í ung-
mennastúkunni Eddu í Reykjavík. Matthías sagði
frá veru sinni í Stjörnunni en hann hefur verið fé-
lagi hennar frá sjö ára aldri. Stígur sagði frá því
að Edda hefði nýlega verið endurvakin eftir langt
hlé á starfi.
Kristinn Vilhjálmsson fyrrverandi stórgæslu-
maður minntist þess að hann hefði verið fyrsti
æðstitemplar Eddu þegar hún var stofnuð fyrir
sextíu árum.
Að loknum þingstörfum var farið í Ráðhús
Reykjavíkur og skoðuð sýning á myndverkum
fólks á aldrinum 6-20 ára. Hún er haldin á vegum
samstarfsnefndar um íslandsferð fjölskyldunnar.
Þaðan var farið í Húsdýragarðinn og gengið þar
um í góðu veðri.
Jón K. Guðbergsson lét af starfi sem stór-
gæslumaður. Unglingaregluþingið mælti með
Lilju Harðardóttur gæslumanni Æskunnar í hans
stað og var hún kjörin á Stórstúkuþingi.
í stjórn voru kjörin: Bryndís Þórarinsdóttir,
Jóna Karlsdóttir og Sigurður B. Stefánsson.
Varamaður er Sigurður Flosason.
Fylgst með brúðu-
leikhúsi á vormóti
barnastúkna.
Félagar barnastúkna
og ungmennastúku á
Unglingaregluþingi -
á tröppum Templara-
hallar Reykjavikur.
Á sýningu i
Ráðhúsi
Reykjavikur.
Pað er gaman að
strjúka dýrum i
Húsdýragarðinum.
7 2 Æ S K A N