Afturelding - 01.01.1984, Blaðsíða 25

Matthías Ægisson:
Hvernig mun lúöur Drottins
Tónlistin er allt í kringum
okkur. Hún hljómar til okkar er
svefni léttir, á leið í og úr vinnu,
um daga, kvöld og nætur. Þessi
tónlist lætur misjafnlega í eyr-
um. Æskan ávirðir ellina fyrir
þröngsýni og þumbarahátt og
ellin ber æskuna sömu sökum.
Sætta er ekki að vænta og hinn
eini sanni tónn virðist víðs
fjarri.
En hver er hinn eini sanni
tónn? Er hann að finna í tónlist
þessa heims eða þurfum við
e.t.v. að leita út fyrir þann
ramma? Getur verið að við höf-
um leitað langt yfir skammt og
ekki vitað að þessi tónn stendur
okkur svo nærri að við þurfum
aðeins að draga niður í okkur
sjálfum til að heyra hann?
Sá dagur kemur er hinn eini
sanni tónn mun hljóma. Það
kemur sá dagur er lúður Drott-
ins hljómar og boðar cndalok
þessa heims og upphaf annars.
Fyrir þá sem hafa þjónað Kristi
og elskað hann, mun þessi
tónn verða ljúfastur allra tóna
og þoða eilíft líf með honum.
Fyrir þá sem haft hafa á sér yfir-
bragð guðhræðslu mun hann
verða sárastur allra tóna og boða
kvalir og angist og viðskilnað við
Krist, því að þegar hulunni hefur
verið svipt af, verður falsið opin-
bert og jafnvel guðleysinginn
> hlýturbetri örlög.
Hvar stendur þú? Þér bregður
kannski við þcgar spjótið þeinist
allt í einu að þér, en þannig er
það og þannig verður það. Þú
ert kjarni málsins, það sem allt
snýst um. Þegar kemur að loka-
uppgjörinu milli þín og Guðs
verður hismið skilið frá kjarn-
anum og þú stendur berskjald-
aður frammi fyrir skapara
þínum.
Hvernig mun Drottins lúður
hljóma í þínum eyrum? Prófaðu
sjálfan þig. Er tilhlökkun í
hjarta þínu þegar þú hugsar um
endurkomu Krists, eða kvíði og
angist? Ef þú kvíðir endurkomu
hans, þá gjör viðbúnað. Ákalla
Drottin og hann mun frelsa þig.
Kristur býður okkur að velja
á milli lífs og dauða. Hefur þú
efni á að hafna lífinu?
Matthías Ægisson cr
blaöamaftur við Aftur-
eldingu og Bamablaðið
og hefur gegnt þvf starfi
er siglfirskur að upp-
runa, en hefur búið í
þrjú ár.