Heimilisblaðið - 01.07.1933, Síða 7

HEIMILISBL AÐIÐ
101
Um nóttina skrifaði hann kvikmyndina
Cabiria. Hún veitti honum 80,000 króna
tekjur.
Þegar honum fanst orðið of heitt í Pa-
rís, settist hann að í Arcrchon, og þar
var hann þar til í maí 1915, að hann sneri
heim til Italíu, í: þeim tilgangi, að tala
fyrir því, að ítalir færu í heimsstyrjöld-
]na. Með hinni miklu mælsku sinni hreif
hann hugi fjöldans; neistar andans og
áhugans breiddust út. Italía fór í stríðið
nieð Bandamönnum.
Innan skams gekk d’Annunzio í flug-
herinn. Hann hafði í fyrsta skifti flogið
1909 með Glen Curtiss. Og nú ávann hann
sér brátt almenningsorð sem duglegur
flugmaður. 1916 misti hann sjón á hægra
auga af slysi í lendingu. Flís hafði hrokk-
ið í það. Dóttir hans, Renata, flýtti sér
til hans og' stundaði hann í veikindunum.
Og á meðan bæði augun voru reifuð, skrif-
aði hann blindandi hið fræga kvæði sitt
Alottumo, til minningar um failna félaga.
Hann skrifaði það á pappírsrenninga, eina
Hnu á hvern renning.
Af hetjudáðum hans á sjó og í lofti
leikur sérstaklega orð á. flugi hans
yfir Wien, er hann kastaði niður tilkynn-
ingu urn það, að hann ætlaði að hlífa óvin-
Um sínum við slíkri loftárás sem þeirri,
er Austurríkismenn hefðu gert á Venezia.
Aður en vopnahléð komst á, var hann
sæmdur fimm heiðursmerkjum, úr gulli,
fyrir hreysti sína.
Eftir þetta settist skáldhetja vor að við
Gardavatnið, í húsi, sem áður hafði ver-
ið eign þýsks listsagnaritara, Henry Thode
(dáinn 1920), og hafði hann nú verið
sæmdur furstatitli.
Fjöldi Norðurlandabúa, sem koma til
Norður-ítalíu, setjast að í nágrenni hans,
1 þeirri von, að geta orðið þeirrar ánægju
aðnjótandi, að fá að heimsækja hann. En
yfirgnæfandi meirihluti þeirra kemst ekki
Uema að hliðinu, en þess gætir vopnaður
vörður. Proibíto! segir hann. Aðgangur
bannaður! Það er mjög erfitt að fá að-
gönguleyfi. Vingjarnleg forsjón í konuliki
útvegaði mér aðgang að húsi hans, þar
sem vel er hægt að flakka um tímum sam-
an án þess að koma nálægt húsbóndan-
um II Commandante.
Það er sagt að d’Annunzio hafi ánægju
af því að skifta á ncttu og degi. Þegar ég
kom til hans lá hann í legustól í umgirt-
um garði. Ég gægðist þar inn en fylgdar-
maðurinn gaf merki um að við yrðum aó
halda áfram. Það mátti ekki trufla II
Commandante.
I garði sínum hefir d’Annunzio komið
fyrir fremra hlutanum af herskipinu
Puglia, sem skotið var niður í stríðinu.
Skipið er vel hirt að öllu leyti eins og vera
ber á sjó og undir þiljum hefir hann safn-
að ýmsum minjagripum, þar á meðal er
flughjálmur hans. Á skipi þessu, sem er
gjöf frá ítölsku stjórninni, eru fallbyssur,
og er skotið af þeim, þegar furstanum
þóknast.
Þarna hefir hann líka leiksvið undir
beru lofti, sem skreytt er eins og þegar
sýnt var þar leikritið La figlia di Jorio
(Dóttir Jorios).
Á heimili hans eru líka fjórir legstað-
ir og hvíla þar fjórir kærustu félagar hans
frá stríðinu. Fimti legstaðurinn er í und-
irbúningi og ætlar d’Annunzio að hvíla
þar sjálfur.
Einn daginn heldur d’Annunzio stór-
veizlu fyrir vini sína. Annan daginn
lifir hann sem einbúi, niðursokkinn í and-
legar hugleiðingar. Valdamenn ríkisins líta
til hans með velvild. Mussolini hefir látið
gefa út alþýðuútgáfu af öllum skáldverk-
um hans (h. u. b. 80). En jafnframt er
haldið vakandi auga með honum og fram-
ferði hans. Ilann er hættulegur maður,
og reynslan hefir sýnt að aldrei er hægt
að vita hvað honum getur dottið í hug.
Að segja, að hann hafi leikið hlutverk sitt
til enda, gæti sem bezt verið óvarlegt.