Muninn - 01.03.1978, Blaðsíða 39
Fll’l GÆMBRA
Öllum er ljóst að enginn kom Gambrinn út í vetur, því miður.
Við sem erum ábyrgir aðilar blaðsins viljum þvi gera hér örstutta
grein fyrir því hvers vegna svo slysalega vildi til.
í upphafi viljum við benda á atriði sem virðist hafa verið
að bindast sem hefð i félagslífinu. Þegar Skólafélagið Huginn
leitar að nýjum kröftum til starfa jafnt í stjórn Hugins sem ann-
arra félaga, rær hún fyrst á mið Gambra enda er þar jafnan aflavon.
Þannig voru þeir JÓn Steindór Valdimarsson og Óðinn Jónsson veiddir
í net í Gambrakútnum og í haust náðist til þeirra þriggja sem eftir
voru.
Við stofnun Kvikmyndaklúbbsins óg Bókmenntafélagsi.ns tóku
sæti í stjórnum þeirra Friðjón Axfjörð, Skúli Skúlason og Arnar
Björnsson. Síðar fór Arnar úr stjórn bókmenntafélagsins og tók
við formennsku Hugins. Við þetta bættist síðan starfsemi tveggja
okkar í 1. des. dagskránni sem varð ansi tímafrek. Á seinni önn
bættist enn við starfsemina þegar tveir Gambramenn tóku sæti í
framkvæmdanefnd Listaviku.
Vissulega hefðum við getað gefið blaðið út og í raun og veru
voru til drög að blaðinu. En þar sem Gambri hefur ætíð verið
gott blað, fannst okkur það synd að vinna blaðið sem hliðarverk-
efni. Hann á betra skilið. Slíka niðurlægingu gátum við ekki
sýnt honum. Þess vegna hefur það verið ákveðið að gefa honum
hvíld í vetur og leyfa honum að safna kröftum fyrir næsta vetur.
Gambri er nauðsynlegur áhrifaaðili í félagslífi skólans.
Allt frá því að Gambri hóf göngu sína hefur Muninn reynt að feta
í fótspor hans og reynt að tileinka sér ýmsar nýjungar sem Gambri
fyrstur blaða hér við skólann bryddaði upp á. Meira að segja
gengur það svo langt að svokallað Laufblað hefur einnig apað
ýmislegt eftir Gambra (en það er önnur saga).
Það sem fyrst og fremst skorti hjá Gambra í vetur var dug-
legt fólk sem reiðubúið var að helga sig óskipt að blaðinu, og það
er okkar sök að það fólk var ekki útvegað. Við óskum þess heitt
að slík óhæfa komi ekki fyrir aftur. Og þeir sem ala í brjósti
sér von um frekari metorð í skólalífi M.A., ættu að byrja á réttum
stað. Ganbri er sá stökkpallur sem síst brotnar eða bregst.
Friðjón Axfjörð Árnason.
Skúli Skúlason.
Arnar Björnsson.
39