Kirkjuritið - 01.06.1959, Qupperneq 39

KIRKJUIUTIÐ
277
Jóhann Ingibjörgu ísaksdóttur verzlunarmanns á Eyrarbakka,
Jónssonar, mikilhæfri konu og vel menntri. Bjó hún manni
sínum fagurt og hlýlegt heimili, og samhent voru þau hjón
Um háttprýði og gestrisni. Var það svo alla þeirra tíð á Melstað,
að gestum, sem að garði komu, þótti hver stund góð, er á
heimili þeirra var dvalið. Mun þessa lengi verða minnzt meðal
sóknarbarna og f jölmargra annarra vina.
Frú Ingibjörg lifir mann sinn ásamt fjórum börnum þeirra
hjóna, en þau eru: Steindór skrifstofumaður í Reykjavík, Ólöf
hjúkrunarkona í Danmörku, Kamilla ógift í Reykjavík og Sig-
urður fulltrúi í menntamálaráðuneytinu.
Séra Jóhann Briem var einn hinna kyrrlátu í landinu. Alla
starfskrafta sína helgaði hann með einstakri alúð prestsstarf-
inu og þeim menningarmálum, sem því eru skyldust. Prédikun
orðsins og fræðsla ungmenna var honum heilagt alvörumál, sem
hann rækti af einstakri alúð og skyldurækni. Og ekki var hin
þögula prédikun hans, grandvör framkoma og samúð með kjör-
um annarra, síður áhrifamikil. Aldrei hraut honum Ijótt né
hvatvíslegt orð af vörum, en ljúflega glaður var hann í vina-
hóp og aufúsugestur, hvar sem hann kom. Hann var söngfróður
og söngstjóri ágætur. Um langt skeið stjórnaði hann söngkór
við erfiðar aðstæður, en með þeim árangri, að framtíðargengi
þeirrar fögru listar er þar í héraði vel borgið. Komu söngfélagar
hans, ásamt mörgum öðrum sóknarbörnum, að norðan til þess
að vera viðstaddir útför síns látna hirðis. Tóku þeir að sér að
annast söng við útförina undir stjórn Ragnars söngstjóra
Björnssonar frá Hvammstanga.
Hinn 1. janúar 1952 var séra Jóhann sæmdur riddarakrossi
Fálkaorðunnar. Var hann vel að þeim heiðri kominn, en fjarri
niun það hafa verið skapi hans að óska slíkrar viðurkenningar.
h'egar séra Jóhann settist að í Reykjavík, gerðist hann strax
félagi í Félagi fyrrverandi sóknarpresta. Sótti hann þar hvern
fund, þegar heila leyfði, og er hans nú sárt saknað að félags-
bræðrum.
Þegar ég hugsa til séra Jóhanns Briem, nágrannaprests míns
°g hugljúfs vinar um langt skeið, þá finn ég að framkoma hans
°g ævistarf minnir mig á orð postulans: Ver þú fyrirmynd
trúaðra, í orði, í hegðun, í kærleika, í trú, í hreinskilni.
Jón Guðnason.