Kirkjuritið - 01.09.1975, Page 66

þá gert ráð fyrir sama meðaltali kirkju-
gesta og hér á undan, ættu kirkjugestir
á messudag að verða um 3.800 eða
tæplega tveir af hundraði þjóðarinnar.
Sú tala er of lág.
Á reikningi þessum er þó ekki mikið
byggjandi. Þó kynni að vera, að sá
kjarni, sem nefndur var hér áður, væri
um 30—40 manns í hverjum söfnuði
landsins að meðaltali. En þá er ótal-
inn sá fjöldi fólks, er kemur í kirkju
stöku sinnum, jafnvel einu sinni á ári
eða sjaldnar. Þá eru og ótaldir allir
þeir, er sækja kirkju við jarðarfarir eða
aðrar sérstakar athafnir, sem ekki er
venja að telja með guðsþjónustum
eða messum. Þar með má telja helgi-
hald í sumarbúðum, í skólum og víðar.
Jafnframt eru ótaldir kirkjugestir frí-
kirkjusafnaða og ýmissa kristinna sér-
safnaða, svo og þeir, er sækja fundi
í kristilegum félögum. Loks er trúlegt,
að allstór hópur landsmanna hlýði á
guðsþjónustur eða annars konar helgi-
stundir í hljóðvarpi eða sjónvarpi, og
benda kannanir reyndar til þess. Að
öllu slíku saman töldu yrði sá hluti
þjóðarinnar, sem hlýðir á einhvers
konar kristna boðun að jafnaði ellegar
öðru hverju, áreiðanlega býsna drjúg-
ur.
Skólaprestur kominn til sögu
Skýrsla skólaprests fylgir nú synód-
usskýrslum í fyrsta sinni. Ekki verður
glögglega séð, hort guðsþjónustur og
altarisgestir skólaprests teljast með á
hinni almennu skýrslu um slíkt. Svo
virðist þó ekki vera, og er þá nokkur
viðbót þar, sem rétt væri að bæta við
þær tölur, sem áður voru fram taldar.
Skólaprestur hafði níu messur í Hall-
grímskirkju á árinu og 14 annars stað-
ar, en tók 1228 manns til altaris. Mess-
urnar í Hallgrímskirkju hafa verið mjög
vel sóttar af ungu fólki.
i skýrslunni kemur ennfremur fram,
að skólaprestur hefur unnið að því að
koma á reglulegum biblíulestrarstund-
um í skólum í Reykjavík og nágrenni.
Voru haldnir biblíulestrar í um 20 skól-
um á s. I. vetri. Þá hefur hann sótt
nokkra skóla heim og þá haldið erindi
og haft umræðufundi með nemendum.
Skólaprestur er jafnframt fram-
kvæmdastjóri Kristilegs stúdentafél-
ags, og vann hann sem fulltrúi þess
manna mest að undirbúningi norræna,
kristilega stúdentamótsins, sem hér
var haldið í ágúst í sumar og stjórn-
aði því. Hefur sá þáttur starfsins að
sjálfsögðu orðið umfangsmestur á
þessu fyrsta starfsári hans.
Að þessu sinni verður látið hjá
líða að birta tíðindi af öðrum skýrsl-
um, þótt margt sé þar fréttnæmt að
finna. En hvort tveggja er, að rými
skortir hér í ritinu, og ætla má, að
skýrslurnar séu aðgengilegar þeim,
sem í þær vildu skyggnast. Þær eiga
að vera í fórum allra sóknarpresta.
Fjölmennt viS kirkju
Norræna stúdentamótið var að sjálf-
sögðu einhver merkastur atburður í ís-
lenzku kristnilífi á sumrinu. Því verða
þó iítil skil gerð hér að sinni, en 1
þessu hefti birtist þó viðtal, er Gísli
Friðgeirsson, menntaskólakennari og
eðlisfræðingur átti við einn hinna
kunnari gesta á mótinu, frú Ragnhild'
224