Kirkjuritið - 01.09.1975, Qupperneq 68

og erlendis
„Guði sé lof fyrir járntjaldið“!
„Ég varð fyrir svo miklum vonbrigð-
um á Vesturlöndum, er ég kynntist
þar svonefndri nútíma guðfræði, að ég
vildi heldur vera í þrælabúðum í önn-
ur 6 ár í viðbót heldur en að búa við
hana. Guði sé lof fyrir járntjaldið. Hinir
rússnesku trúbræður okkar myndu
ekki þola niðurlægingu kristninnar á
Vesturlöndum.“
Þetta mælti maður nokkur úr píslar-
vottakirkjunni í Sovétríkjunum við
Bertil Gártner, biskup í Gautaborg,
eigi alls fyrir löngu. Maður þessi var
þó orðinn heilsulaus eftir 6 ára vist
í þrælabúðum. Það var á prestafundi
í Gautaborg, sem biskupinn sagði frá
þessu og bætti því við, að þetta væri
allt sem segja þyrfti um kirkju Vestur-
landa og hina útþynntu trú hennar.
Um kvenpresta í ensku kirkjunni
Undanfarin tvö ár hefir mikið verið
rætt um vígslu kvenna til prestsþjón-
ustu í ensku kirkjunni. Geysimikið hef-
ir verið ritað um þetta í blöð og auð-
vitað hafa ekki allir verið á sama máli.
Málið hefur verið rætt í hinum ýmsu
biskupsdæmum og á kirkjuþinginu
(General Synod). í meginhluta bisk-
upsdæmanna mælti meiri hluti þeirra,
sem áttu að greiða atkvæði, með því,
að konur fengju vígslu til prestsþjón-
ustu. Voru þá greidd atkvæði um það,
orðalag, ,,að ekki væri nein hindrun
fyrir vígslu kvenna, er reist væri á
guðfræði“. í nokkrum biskupsdæmum
var mælt gegn vígslu kvenna með
nokkrum atkvæðamun.
Þótt nokkur meiri hluti atkvæða sé
fyrir vígslu kvenna, þá er minni hlutinn
það mikill, að kirkjuþingið hafnaði því
að konur fengju prestsvígslu að sinni.
Það er mjög á valdi erkibiskupanna,
hvenær þetta verður tekið fyrir að
nýju á kirkjuþinginu, en ekki er gert
ráð fyrir, að svo verði í náinni fram-
tíð.
Minni hlutinn, sem þó er svo mikill,
sem raun ber vitni, hefir haldið því
fram, að ranglega hafi þetta mál verið
lagt fram, þar eð sífellt hafi verið spurt
um guðfræðilegar hindranir. Minni
hlutinn taldi, að spurningin hefði átt
að beinast að því, hvort eitthvað mælti
eindregiS með þvi að vígja konur iil
prestsþjónustu frá sjónarmiði guðfræði
og trúar.
Meirihlutinn og minnihlutinn eru
sammála um það, að hér sé ekki rætt
um kvenréttindi. Afstaðan til vigslu
kvenna skuli aldrei mörkuð með kven-
réttindi í huga. Það hafa þær konur
einnig viðurkennt, sem harðast hafa
226