Ægir - 01.01.1923, Blaðsíða 24

18
ÆGIR
alt verið gert sem unt er, til þess nð
þrifnaður aukist, með því að baðklefar
hafa verið útbúnir á tveim farrýmunum,
og ennfremur rúmgóðir ræstiklefar á öll-
um farrýmum og þvottaáhöld í öllum
klefum sem ætlaðir eru farþegum.
Margt hefir verið skrafað um þetta
skip, sem enn er í smíðum og dómar
manna um það hafa verið háværir, þótt
fáir hafi séð það og enginn reynt. í fyrstu
var svo tilætlað, að öðru farrými væri
skift í tvent, þannig, að það væri bæði
í framparti skipsins og aftur i og fyrsta
farrými í miðju skipi. Þá mun hafa verið
svo til ætlast, að þriðja farrými væri
ekkert, en þessu er nú hreytt og er þar
stigið stig, sem kemur sér betur og vinnur
meira að siðmenningu ferðafólks, en þótt
skipið aðeins hefði haft fyrsta farrými og
ekkert annað fyrir farþega, að vísu væri
það bezt, eins og sést hefir á prenti, að
allir væru svo stæðír, að þeir- ferðuðust
þannig, en enn sem komið er verður
slíku ekki lcomið við, sökum þess að
vilja vantar hjá sumum, til að greiða
fyrir flutning, nema bið allra minnsta
sem hægt er að komast af með og svo
kemur getuleysið, sem ekki verður ráðin
bót á í svip, en eftir öllum sólarmerkjum,
verður máske ekki svo langt að bíða, að
við allir verðum að ferðast á sama far-
rými — og þá fá þeir vilja sinn, sem
halda þvi fram að svo eigi að vera.
Erindi farþega eru svo mörg og rnarg-
brotin og allir vilja fá far, þegar þau
erindi kalla að. Sumir fara sér til skemt-
unar og eru í sínum beztu flikum, aðrir
hafa verk að inna, sem leyfir þeim að
vera í góðum fötum. Svo eru aðrir, sem
eru i þeim erindum að leita sér óvissrar
atvinnu; þeir ferðast i vinnufötunum og
skilja sparifötin eftir heima, sömuleiðis
þeir, sem eru á leið til sjávar, eða eru á
ieið úr verinu heim til sín. Þessir síðar-
töldu, munu sjálfir kjósa að geta verið
út af fyrir sig, þar sem búningur þeirra
verður ekki ásteylingarsteinn. Eftir þá
ferð, þegar þeir sömu eru heim komnir,
getur vel svo farið, að þeir bæði hafi
vilja og ráð til að ferðast á fyrsta far-
rými, þurfi þeir eitthvað að bregða sér,
en þá ferðast þeir í þeim flíkum, sem
þar á við. Öll skrif og stælur um þetta
efni breytir engu.
Góð herbergi fyrir 32 menn á þriðja
farrými eru framfarir í okkar fólksflutn-
ingum og eitt af því, sem þjáð hefir þá,
sem neyðst hafa til að ferðast á hinu svo
nefnda 3ja farrými á strandaskipunum,
sem hefir verið lestin, er hve ilt og örð-
ugt hefir verið að fá vatn til að þvo
andlit og hendur, en það er meðal sem
hressir hálfsjúkt fólk jafnt og heilbrigt.
A »Esju« er úr þeim vandræðum leyst.
Framkvæmdastjóri E. Nielsen mun
fastlega hafa mælt með þessu þriðja far-
rými, enda mun honum öðrum fremur
kunnugt um hvernig þvi fólki líður, sem
neyðist til að dvelja í lestinni í marga
sólarhringa, á leið kringum land.
Hvernig hið nýja skip fari að renta
sig þannig útbúið og því er lýst, verður
timinn að sýna, engin ágizkun gerð hér,
en til vöruflutninga inilli landa virðist
lestarrúm vera of lítið, þegar þess er
gætt, að þannig útbúið skip, þarf að fá
miklu meira fyrir það, sem það flytur,
heldur en t. d. »Borg«, þar sem sára
litlu hefir verið kostað til að því, er
herbergi og nýtýzku útbúnað snertir.
Hér hefir sú saga gengið milli manna,
að vél sú, sem setja á i skipið, sé gömul,
sumir segja úr botnvörpuskipi. Slíkar
upplýsingar eiga eflaust að hressa upp
huga manna.
Þegar þessar flugufregnir fóru að ber-
ast út og bárust til eyrna framkvæmdar-
stjóra E. Nielsen, sendi hann þegar i