Ægir - 01.01.1930, Blaðsíða 34

28
ÆGIR
Fiskiveiðar Rússa.
í hafinu, sem liggur að Múrmanns-
ströndinni er fiskignægð mikil, svo að
varla er annarsstaðar meiri. En þrátt
fyrir það fluttu Rússar þó inn 25-30
þús. smál. af fiski fyrir stríðið og var
meiri hlutinn af þeim fiski frá Noregi.
1 rússneskum blöðum er nú farið hörð-
um orðum um það hve fiskveiðarnar
hafa verið vanræktar á Rússlandi. Er
þar minst á fiskiveiðar Norðmanna, sem
afli árlega 200 þús t. af þorski og 400
þús. t. af síld, er nemur 60 milj. rúbla,
en í norðurhöfum Rússlands sé aflinn
ekki nema 25—30 þús. t. og þó öll vötu
i Múrmannshéraðinu og Korelien séu
full af fiski, þá sé tæpast hægt að fá i
soðið í Petrosavodsk og Kondopog. 1
Noregi hafi 150 þús. menn atvinnu af
fiskiveiðum og þar af 85 þús. sem ekki
hafi aðra atvinnu, en á Norður-Rúss-
landi stundi að eins 5 þús. menn þessa
atvinnu.
A stríðsárunum keypti Zarstjórnin 15
botnvörpuskip frá Englandi, er átti að
nota til þess að leggja lundurdufl. Eftir
striðið fékk fiskiveiðahringurinn umráð
yfir þessum skipum, og átti það að vera
sem nokkurskonar undirstaða til þess að
koma betra skipulagi á útgerðina. Ekki
voru menn samt hrifnir af þessari nýung
fyrsl í stað, og álitu að sú aðferð mundi
lítið til batnaðar, en þrátl fyrir andúð
og mótspyrnu voru þó togararnir gerðir
út. Eru nú ekki mörg ár liðin síðan þetta
var, en nú er þó hægt að segja, að öll
mótstaða á móti botnvörpuveiðum sé
hætt. Árið 1920, þegar toggraútgerðin byrj-
aði, voru 22°/o af aflanum togaraafurðir,
en 78"/o bátafiskur. En siðan hefir þetta
snúist við, og var síðastl. ár 75° o af afl-
anum togarafiskur en 250/o bátafiskur.
Árið 1928 var verðið á togarafiski 167
rbl. pr. smál. og fyrir bátafisk 279 rbl.
Að meðaltali var kaup háseta á bátum
75 rbl. um mánuðinn, en á tognrunum
120 rbl.
Litið fé hefir verið lagt í útgerðina að
þessu, og var það á timabilinu 1925 —
1928 ca. 3,4 milj. rbl. En nú eru togar-
arnir orðnir 21 og auk þess tveir í smið-
um í Þýzkalandi. Togararnir hafa haft
aðsetur í Arkangelsk, en eru nú flultir
til Múrmansk, og er höfnin þar íslaus
alt árið; þar er fiskurinn verkaður til
útflutnings.
Eru nú ráðagerðir um það, að auka
fiskiflotann að miklum mun, Hafði áðuur
verið ráðgert að 1932 væri búið að smíða
17 nýja togara, en nú eru menn það
stórtækari, að áællunin er að 1933 verði
togararnir orðnir 300 og aflinn alt að
450 þús. smál. á ári. Innan 5 ára á þá
að vera komið svo vel á veg i Múr-
mansk, að ekki þurfi neinn fiskinnflutn-
ing, heldur fái fjöldi héraða þaðan fisk,
er þau þurfi að nota, og verði jafnvel
talsvert afgangs til útflutnings.
Nú í ár hefir verið flutt talsvert af fiski
frá Norður-Rússlandi til Englands, en
sá útflutningar á að vera bvrjunin, þvi
1930 er fiskúiflutningurinn áætlaður að
verðmæti 11 milj. rúblur og 1931 28
milj. rbl.
Fiskhringurinn hefir nú i ár varið 5
milj. rbl. til ýmsra mannvirkja í útgerð-
arinnar þágu; er verið að byggja kælihús,
tunnuverksmiðju, geymsluhús fyrir salt
og kol o. fl. 14 togarar eru i smiðum,
þar af 12 hjá skipasmíðahringnum í
Leningrad og tvö i útlöndum.
(Udenrigsministeriets Tidskrift).
Ritstjóri: Sveinbjörn Egilson.
Rikisprentsmiðjan Gutenberg.