Ægir - 15.12.1964, Síða 65

ÆGIR
451
Haraldur Böðvarsson:
TÆKNI OG VÍSINDI
Mér var að detta í hug, hvort mönnum
geti orðið bumbult eða óglatt af of mikilli
vísindaítroðslu eða tali, líkt og þeim, sem
borða eða drekka yfir sig, en vísindi og
tækni eru mjög nauðsynleg í nútímaþjóð-
félagi og af því að við erum svo skammt
komin í þessu verðum við að byrja á þeim
verkefnum, sem mestar líkur benda til að
gefi fljótfenginn arð, sem getur staðið
undir nauðsynlegum framkvæmdum í
þjóðfélagi okkar og á ég þar við fiskveið-
ar og fiskiðnað.
Við erum komin talsvert áleiðis í fisk-
veiðitækni og fiskiðnaður er líka á upp-
leið, en betur má ef duga skal.
Eitt af þeim verkefnum, sem nú er
mest aðkallandi, er flutningur á síld frá
fiskimiðunum þegar mest aflast, til staða
í öðrum landsfjórðungum, sem hafa að-
stæður til að geta unnið mikið magn með
heimafólki sínu. Flutningur á bræðslusíld
er venjulega framkvæmdur með algeng-
um flutningaskipum eða tankskipum,
einnig mætti sennilega taka upp nýmæli
hér og flytja síld í gúmbelgjum, eins og
sumsstaðar tíðkast að flytja í olíu, þessir
belgir, sem eru slöngulagaðir, eru dregn-
ir aftan í skipum langar leiðir, ennfrem-
ur gætu togarar komið að liði, bæði sem
flutningaskip og dráttarskip belgjanna.
Þá komum við að mesta vandamálinu,
þ.e. flutningi á síld til frystingar og
og söltunar af fjarlægum miðum. Það er
þegar komin nokkur reynsla á geymslu
fisks og síldar í kældum sjó, 0—-f-30
Celcius, og er talað um að fiskur geti
geymzt þannig óskemmdur jafnvel 2—3
vikur eða lengur, og fiskur eða síld á að
geta geymzt nokkra daga óskemmt, þó að
hitastigið fari 2—3° yfir frostmarkið í
kældum sjó.
Nú vil ég beina geiri mínum til tækni-
fræðinga og vísindamanna og skora á þá
að hjálpa til við að finna heppilega og
hagnýta lausn á þessu máli, það duga ekki
orðin tóm, heldur verða að fylgja í kjöl-
farið tilraunaskip, sem flytja aflann ó-
skemmdan að landi. Komið getur til mála
að nota togara eða venjuleg flutningaskip,
sem gætu m.a. geymt aflann í gerfiefna-
eða gúmtönkum í lest og jafnvel á dekki.
Slíkar tilraunir sem þessar geta hvorki
fjárvana útgerðarmenn né eigendur
vinnslustöðva gert á sinn kostnað í byrj-
un, en ég geri ráð fyrir, að þeir muni
fljótlega geta gert þetta á eigin spýtur,
ef þessar tilraunir lánast, sem ég er ekki
í vafa um. — Islendingar hafa sýnt, að
þeir eru ekki neinir eftirbátar í fiskveiði-
tækni og þeir geta líka verið fremstir á
þessu sviði, ef rétt er að farið.
Atvinnudeild Háskólans og rannsóknar-
stofnanir sjávarútvegsins ættu að hafa
forgöngu í þessu mikilvæga máli, það er
til mikils að vinna og þessar tilraunir
mega ekki mistakast.
Akranesi 4. des. 1964.
H.f. Kol & Salt
Höfum jafnan fyrir hendi beztu fáanlegar tegundir af
KOLUM, KOKSI og SALTI.
Fljót og góð afgreiðsla.
H.f. Kol & Salt
Garðastrœti 3 — Reykjavík — Sími 111 20