Ægir - 01.01.1985, Qupperneq 16

hrygningarstofninum hrakandi
og var hann kominn í tvær og
hálfa milljón tonna árið 1963. Á
árunum 1963—1965 óx hrygning-
arstofninn aftur og náði 3.7 mill-
jónum tonna árið 1965 enda
bættist honum þá 2 góðir
árgangar (1959, 1960). Á tíma-
bilinu 1966—1969 hrundi hrygn-
ingarstofninn algerlega vegna
þess að honum bættust ekki
neinir nýliðar er náðu kynþroska-
aldri en einnig vegna þess að
sóknin í fullorðnu síldina hafði
aukist hröðum skrefum á þessum
árum.
Eins og að framan greinir eru
þessir útreikningar á stofnstærð
byggðir á svokallaðri ald-
ursaflaaðferð (V.P. greiningu).
Fyrri útreikningar vinnunefnd-
ar Alþjóðahafrannsóknaráðsins
voru fyrst og fremst byggðir á
endurheimtum síldarmerkjum.
Þessum tveimur ólíku aðferðum
ber mjög vel saman á tímabilinu
frá 1950 og fram yfir 1960. Um
miðjan 7. áratuginn benda niður-
stöður merkinganna hins vegar til
þess að stofninn hafi verið stærri
helduren niðurstöður aldursafla-
aðferðarinnar gera ráð fyrir. Á
þessum árum urðu mjög miklar
breytingar á göngum síldarinnar
og lífsskilyrði í hafinu milli
íslands og Jan Mayen breyttust
mjög til hins verra. Þetta gæti
hafa valdið því að meira hafi
drepist af svokölluðum náttúru-
legum ástæðum en venjulega og
flýtt fyrir hruni stofnsins. Senni-
lega verður seint úr því skorið
hvort eða hve stóran þátt versn-
andi lífsskilyrði áttu í hruni norsk-
íslenska síldarstofnsins.
Undanfarin 10—12 ár hefur
verið fylgst með ástandi norsk-
íslenska síldarstofnsins með
rannsóknum á útbreiðslu síldar-
lirfa, bergmálsmælingum á síld-
arseiðum og merkingartilraunum
á stórsíld.
3. mynd. Afli úr norsk-íslenska síldarstofninum 1950-1982. Smásíldaraflinn er
sýndur með slitróttri línu.
4. mynd. Stærð árganga norsk-íslensku síldarinnar í milljörðum sílda. Heila
línan sýnir síldarfjöldann á 1. ári en brotna línan sýnir hve margar síldar náðu 4
ára aldri. Árgangarnirfrá 1965-1969 voru nánast allirveiddir áðuren þeir urðu
4 ára.
4-ÆGIR