Ægir - 01.03.1989, Blaðsíða 33

3/89
ÆGIR
141
^strar á Taiwan
sjávarafurða, en einnig eiga þeir stór verksmiðjuskip
þar sem afurðir eru mismikið unnar. Þeir veiða mjög
margar fisktegundir til vinnslu, þó einungis fáa í
stórum stíl. Sagt er að þeir veiði um 1.600 fisktegund-
ir, fjörtíu rækjutegundir og um 140 tegundir af öðrum
krabbadýrum. Meðal helstu tegunda sem veiddar
eru, skipta túnfiskur, smokkfiskur og rækja einna
mestu máli í útflutningi þeirra. Mikið er lagt upp úr
því að fullvinna sem mest heima og ekki er síður lagt
upp úr gæðunum, enda eru taiwanskar sjávarafurðir
víða rómaðar. Þá hafa þeir komið sér upp fiskeldi í
stórum stíl og m.a. rækta þeir rækju og þara til
manneldis.
Markaðsmál
Eins og áður sagði var efnahagur Taiwana heldur
bágborinn eftir stríð og þeim því mikilvægt að finna
útflutningsvörur sem öfluðu þeim gjaldeyris. Farið
var að selja rækju og túnfisk til Bandaríkjanna og Jap-
ans sem þarlendir kunnu vel að meta. Smátt og smátt
komust þeir inn á aðra markaði með aukinni vöru-
þróun. Fram til 1960 var viðskiptaha11 inn þó tölu-
verður, en þá fyrst tókst þeim að snúa dæminu við og
hafa að mestu haldið því síðan. Útflutningur sjávara-
furða hefur aukist verulega undanfarna áratugi og
árið 1986 nam hann 317 þús. tonnum, sem var um
29 prósent af heildarútflutningi það árið. Engin þjóð
flytur út meira af rækju og túnfiski. Þá hafa Taiwanar
farið út í það að flytja út lifandi fisk og rækju og hefur
það gefist svo vel að þeir anna vart eftirspurn. Þá
hefur aukin eftirspurn á sjávarafurðum orðið
innlands. Árið 1950 var fiskneysla á mann á ári að
meðaltali 11 kíló, en er í dag komin upp í um 50 kíló
á mann.
Lokaorð
Taiwanar fylgjast vel með allri þróun í sjávarútvegi og
leggja mikið upp úr að starfa með öðrum þjóðum að
vöruþróun og gæðaeftirltii, enda hefur það skilað
þeim góðri markaðsstöðu. Þeir gera sér grein fyrir að
aðeins vönduð vinnubrögð og gott hráefni skilar arði,
sem er höfuðskilyrði góðrar afkomu.
Cofí hráefni og vönduö vinnubrögð eru
aðalsmerki taiwanskrar framleiðslu.