Ægir - 01.01.1991, Side 26

18
ÆGIR
1/91
skrápflúrustofninn mælst stærstur
(17. mynd). Stofnvísitalan hefur
verið frá 42 þús. tonnum árið
1989 til 62 þús. tonna árið 1986
en mældist nú 48 þús. tonn.
Þessar vísitölur gefa til kynna að
hér sé um nokkuð stóran ónýttan
stofn að ræða. Auk þess ber að
hafa í huga að stofnmælingatrollið
er ekki sniðið sérstaklega fyrir flat-
fiskveiðar. Áreiðanleiki mæling-
anna er mjög góður (18.mynd).
Staðalfrávik stofnvísitölu skráp-
flúru eru hlutfallslega lægst af
þeim tegundum þar sem reiknuð
hefur verið stofnvísitala (6-8%) og
er það í samræmi við nokkuð
jafna útbreiðslu skrápflúru.
Nýliðun
Á grundvelli fyrirliggjandi stofn-
mælingargagna og eldri gagna frá
árunum 1976—1982 er unnt að
meta stærð yngstu árganga þorsk-
stofnsins með nokkurri nákvæmni
en meiri óvissa ríkir með ýsuna.
a) Þorskur
Utreikningar á árgangastyrk
þorsks miðað við þriggja ára
nýliða gefa eftirfarandi niðurstöð-
ur: Árgangur 1986 virðist vera
einn slakasti árgangur sem fram
hefur komið síðustu áratugina og
er metinn um 130 milljónir
nýliða. Árgangar 1987 og 1988
virðast einnig vera mjög rýrir, en
þó lítið eitt skárri en árgangur
1986 og eru metnir á 140 og 150
milljónir nýliða. Árgangur 1989
virðist einnig vera lélegur en mat á
honum byggist þó á mjög tak-
mörkuðum gögnum. Hann er met-
inn á 170 milljónir nýliða. Á
heildina litið hefur nýliðun í
þorskstofninn því verið mjög slök
síðustu 4 árin.
b) Ýsa
Nýliðunarmat á ýsu, byggt á
niðurstöðum stofnmælingarleið-
angra, kann að vera nokkru meiri
óvissu háð en hjá þorksi þar sem
lítið er um gögn fyrir 1985 til að
styðjast við. Árgangar 1986 til
1988 virðast allir vera nokkuð
undir meðallagi einkum árgangur
1987. Árgangarnir 1986 og 1988
eru hvor um sig áætlaðir 40 millj-
ónir tveggja ára nýliða og
árgangurinn frá 1987 35 milljónir.
Árgangur 1989 kom fram í stofn-
mælingunni 1990 sem eins árs
fiskur í mjög miklu magni. Bráða-
birgðamat á styrk hans bendir til
þess að um mjög stóran árgang sé
að ræða, eða um 100 milljónir
tveggja ára fiska.
Helstu niðurstöður
Sjávarhiti við botn var langt
undir meðallagi á norðurmiðum
miðað við meðaltal áranna 1985-
1990. Þá var sjávarhiti almennt í
lægra lagi á austurmiðum. Lengd-
ar- og aldursdreifingar sýna að
þorskárgangarnir frá 1983-85 sem
verið hafa uppistaðan í þorskstofn-
inum skera sig nú lítt úr á norður-
svæði. Sterkir árgangar virðast
ekki í uppvexti. Hvað ýsu varðar
er 5 ára ýsa frá 1985 meginuppi-
staðan í stofninum. Þessi árgangur
var mest áberandi á suðursvæði.
Eins árs ýsu af árgangi 1989 varð
mikið vart í stofnmælingunni og
virðist þar sterkur árgangur á ferð-
inni. Lengdardreifingar karfa,
steinbíts og skrápflúru eru í megin-
atriðum svipaðar og verið hefur og
breytingar hafa verið litlar. Meðal-