Ægir - 01.01.1993, Blaðsíða 16

helmingur alls makrilútflutnings
Norðmanna er til Japans, en aukn-
ing á útfluttum frystum makríl til
Japans nam um 2.8 milljörðum
króna. Orsök verðfalls norska fiskút-
flutningsins er aðallega að finna í
þessu mikla framboði á makríl. Fryst
loðna jókst um 150% í magni og fór
í 5.393 tonn, en verðið hækkaði um
30%. Útflutningur á ferskum laxi
jókst um 25% og fór yfir 5.000 tonn,
en Japanir greiddu 6% lægra verð.
Um helmings samdráttur varð á út-
fluttum frystum karfa, auk þess var
samdráttur í útflutningi á frystri grá-
lúðu, óskelflettri rækju og síld. Sam-
tímis hefur einingarverð á rækju og
karfa hækkað nokkuð. Samdráttur-
inn í útfluttu magni hefur aðallcga
orsakast af verra ástandi þessara
fiskstofna.
Bandaríkin
Samdráttur í magni nam 223
tonnum (-1.4%), en verðmætasam-
dráttur nam um 383 milljónum
króna, eða 9.4%. Heildarútflutningur
nam um 3.7 milljörðum króna. Með-
alverð lækkaði um 8.7%. Þróunin á
Bandaríkjamarkaði vekur nokkurn
ugg. Eftir að Bandaríkin innleiddu
verndartolla á laxi hefur markaður-
inn fyrir ferskan norskan lax dottið
út. Árið 1989 keyptu Bandaríkja-
ntenn um 12.000 tonn af ferskum
norskum uppeldislaxi. Árið 1992
keyptu þeir einungis um 294 tonn.
Óhagstæð gjaldeyrisþróun hefur leitt
til þess að norskir útflytjendur hafa
misst áhugann á Bandaríkjamarkaði.
Verð á frystum þorskflökum var ó-
hagstætt sökum lágs dollars og sam-
keppni ódýrs bolfisks. Aukning út-
flutts magns á Bandaríkjamarkað
nam um 13.7% og fór í 2.833 tonn,
en útflutningsverðmæti dróst saman
þar sem meðalverð féll um 17.4%.
Danmörk
Útflutt magn jókst á þessum
markaði um 22.777 tonn (11.4%).
Verðmætasamdráttur riam um 2.2
milljörðum króna (-11.3%). Heildar-
útflutningur nam um 16.7 milljörð-
um króna. Meðalverð lækkaði um
2.3%. Magnaukning útflutnings
Norðmanna kemur ekki í veg fyrir
mikið verðfall í fiskútflutningi til
Danmerkur. Á næst þýðingarmesta
markaðnum varö verðmætasam-
dráttur á árinu 1992. Mikill samdrátt-
ur varð í sölu á frystum laxi eða
sem nam um 12.000 tonnum eða 4.2
milljörðum. Fyrir allan óunninn fisk
var um aukningu í útflutningi að
ræða sem nam 11.000 tonnum og
fór í 56.355 tonn. Útflutningur fersks
þorsks jókst um 9.000 tonn og fór í
11.337 tonn. Útflutningur á ferskum
ufsa jókst um 29.7% að magni og
fór í 16.979 tonn. Samtímis þessu
lækkaöi meðalverð á ufsa um 35%.
Útflutningur Norömanna á ferskum
laxi er þýðingarmesta afurð þeirra á
Danmerkurmarkaði og jókst útflutn-
ingur þangað um 300 tonn og fór í
17.893 tonn.
Frakkland
Útflutt magn þangað jókst um
15.408 tonn (23.3%). Verðmæta-
aukning nam um 2.9 milljörðum
(20.6%). Heildarútflutningur nam
um 17.2 milljörðum, en meðalverð
lækkaöi um 7.3%. Frakklandsmark-
aður er þýðingarmesti markaðurinn
og hefur þar með farið fram úr Jap-
ans- og Danmerkurmörkuðum.
Heildarverðmæti jókst um 20.5%,
aðallega vegna nýs lax, en útflutn-
ingur jókst um 5.700 tonn og nam
29.300 tonnum (23.3% aukning).
Verð á nýjum laxi hækkaði urn
10.6% þannig að hér varð urn út-
flutningsmet að ræða. Alls fóru uiri
26.6% af öllum ferskum laxi á
Frakklandsmarkað og var verðmæt-
ið 9.3 milljarðar króna.
Fró höfninni í Repseyju í Noregi.
12 ÆGIR l.TBL. 1993