Tímarit lögfræðinga - 01.07.1978, Blaðsíða 45

þingið undirritaður og eiginkona hans. Forseti ráðstefnunnar var prófessor
E. Krings, en framkvæmdastjóri prófessor M. Storme. Allt var vandlega undir-
búið og framkvæmdin tókst með ágætum. Þingtíðindin eru komin út í 590 bls.
bók á vegum Kluwer forlagsins í Amsterdam.
Þór Vilhjálmsson.
FRÁ AÐALFUNDI DÓMARAFÉLAGS ÍSLANDS
Aðalfundur Dómarafélags íslands var haldinn í Tollhúsinu í Reykjavík dag-
ana 24.—25. nóvember s.l.
Formaður félagsins, Unnsteinn Beck borgarfógeti, setti fundinn og stjórnaði
honum. Tilnefndi hann sem fundarritara þá Friðjón Guðröðarson lögreglustjóra
og Kristin Ólafsson tollgæslustjóra.
Formaður ávarpaði fundargesti og minntist látinna félaga, Lárusar Jóhannes-
sonar fyrrverandi hæstaréttardómara og Sigurðar Guðjónssonar bæjarfógeta.
Baldur Möller ráðuneytisstjóri bar fundinum kveðju Ólafs Jóhannessonar
dómsmálaráðherra, sem ekki hafði tök á að vera viðstaddur setningu fundarins.
Formaður greindi frá embættaveitingum á árinu, skipun Barða Þórhallssonar
í embætti bæjarfógeta á Ólafsfirði og skipun Halldórs Kristinssonar í embætti
bæjarfógeta í Bolungavík. Flutti formaður síðan skýrslu stjórnar.
Ólafur St. Sigurðsson héraðsdómari greindi frá kynnisferð 25 dómara til
Noregs á árinu. Kvað hann ferð þessa hafa verið bæði lærdómsríka og ánægju-
lega, enda hefðu Norðmenn lagt sig alla fram um að gera þátttakendum í
ferðinni til hæfis. Formaður skýrði frá ráðstefnu í Strasbourg um Lýðræðis-
stofnanir Evrópuríkja og Steingrímur Gautur Kristjánsson héraðsdómari gaf
skýrslu laganefndar, sem fjallaði einkum um frumvarp um lögréttu. Síðasta
mál á dagskrá fyrri fundardagsins var erindi J. Ingimars Hanssonar rekstrar-
verkfræðings um meðferð dómsmála frá sjónarmiði stjórnunar og skipulagn-
ingar. Erindið var ítarlegt og fróðlegt, og þótti fundarmönnum fengur í að fá
slíkt mál tekið til meðferðar. Síðari fundardaginn flutti Ármann Snævarr hæsta-
réttardómari mjög athyglisvert erindi um tölvunotkun og verndun einkalífs.
Laugardaginn 26. nóvember bauð Ólafur Jóhannesson dómsmálaráðherra fund-
armönnum og mökum þeirra upp á veitingar í ráðherrabústaðnum.
í stjórn félagsins voru kjörnir: Ármann Snævarr hæstaréttardómari, formað-
ur, og meðstjórnendur: Ólafur St. Sigurðsson héraðsdómari, Jón Eysteinsson
bæjarfógeti, Hrafn Bragason borgardómari og Jón isberg sýslumaður. Endur-
skoðendur voru kjörnir: Björn Hermannsson tollstjóri og Gunnlaugur Briem
sakadómari.
Kristinn Ólafsson.
HEIMSÓKN BANDARÍSKRA DOMARA
Á síðastliðnu ári kom hingað til lands frú Adeline Donohue, framkvæmda-
stjóri Dómarafélags Ameríku (The American Judges Association), þeirra erinda
að undirbúa dómaraferð til Luxemborgar með viðkomu á islandi. í því skyni
39