Tímarit lögfræðinga - 01.12.2004, Blaðsíða 96

inu með höfundartekjum lögfræðingafélagsins vegna sölu Lögfræðingatalsins,
var samþykkt af stjóminni á haustmánuðum.
7.2 Tímarit lögfræðinga
Stjórn LI hefur stefnt að því að setja ritrýnireglur fyrir Tímarit lögfræðinga.
Flestar greinar sem þar birtast eru ekki ritrýndar og greinamar því ekki metnar
á fullnægjandi hátt til fræðistarfa.
Nú er hægt að kaupa heildarsafn tímaritsins og er verð þess 86.000 kr. án
vsk. Stjómin hefur ákveðið að liafa það á tilboði og láta það kosta 35.000 kr.
með vsk. Til stendur að auglýsa safnið á þessu tilboði en þar sem lager TL var
á hrakhólum á árinu varð ekkert úr því í bili. Við misstum leiguhúsnæði sem við
höfðum á Seltjamamesi og komum lagemum fyrir til bráðabirgða um tíma. Nú
hefur lagerinn verið fluttur einu sinni enn og er nú í góðum geymslum í Kópa-
vogi sem vonandi verður til frambúðar.
Akveðið var á síðasta aðalfundi að skoða þyrfti stöðu Tímarits lögfræðinga
sérstaklega þar sem rekstur þess hefur gengið erfiðlega. Stjórnin ákvað að
hækka áskriftarverð blaðsins og hækka verð á styrktarlínum og er vonast eftir
að blaðið verði rekið án taps í ár.
8. Lokaorð
Svo sem skýrsla félagsins ber með sér hefur starfsemi lögfræðingafélagsins
verið öflug síðastliðið starfsár og það er ánægjuefni að málþing félagsins og
fræðafundir hafa almennt verið vel sóttir. Það hlýtur að vera meginhlutverk
félagsins að bjóða fræðsluefni sem höfðar til sem flestra félagsmanna og jafn-
framt að taka til umfjöllunar nýmæli í íslenskum rétti og þróun réttarins.
8.1 Næsta starfsár
Mig langar að horfa aðeins til næsta árs en mörg verkefni bíða félagsins.
Fyrst ber að nefna að rétta við fjárhag tímaritsins en því miður var tap af þeim
rekstri of mikið árið 2002. Það stefnir í mun betri afkomu á þessu ári þar sem
búið er að hækka áskriftargjald í 4.200 kr., sem mun leiða til þess að áskriftar-
gjöld hækka um tæplega 700 þúsund krónur.
Það er töluverð vinna í kringum tímaritið á skrifstofu félagsins og stjómin
hefur verið að velta því fyrir sér hvort ekki sé ástæða til að hafa annað áskriftar-
verð á tímaritinu til þeirra sem eru í félaginu. Margar stofnanir og fyrirtæki em
áskrifendur en leggja ekkert til skrifstofurekstrarins eins og hinn almenni
félagsmaður gerir. Auk þess hafa margir aðgang að TL hjá þessum stofnunum
sem gerir það að verkum að einstaklingarnir eru ekki áskrifendur að tímaritinu.
Gera þarf átak í að selja heildarsafn TL á tilboði, en félagið á til allt of
mikinn lager nteð kostnaði því tilheyrandi.
Fleimasíða lögfræðingafélagsins hefur legið niðri undanfarið, en fljótlega
verður farið í endurgerð hennar. Stefnt er að því að hún kosti sig sjálf með
auglýsingum.
554