Ægir - 01.02.2000, Blaðsíða 13
FRÉTTIR
Samstarfsvettvangur sjávarútvegs og iðnaðar:
Nýr verkefnisstjóri ráðinn
- samstarfsgrunnur sem ætlað er að flýta tækniþróun í sjávarútvegi
Samstarfsvettvangur sjávarútvegs og iðn-
aðar hefur með samstarfssamningi við
Fiskifélag Islands ráðið Guðberg Rúnars-
son sem verkefnisstjóra vettvangsins.
Starf Guðbergs skiptist að jöfnu milli
vettvangsins og Fiskifélags Islands, þar
sem hann veitir Tæknideild Fiskifélags-
ins forstöðu. Samstarfsvettvangur sjávar-
útvegs og iðnaðar tók til starfa í ársbyrj-
un 1994. Stofnaðilar voru Samtök iðnað-
arins, Landssamband íslenskra útvegs-
manna, Samtök fiskvinnslustöðva og
ráðuneyti sjávarútvegs- og iðnaðar.
Guðbergur er fæddur 11. júlí 1951.
Hann er vélvirki og vélfræðingur frá Vél-
skóla Islands árið 1973, vélaverkfræðing-
ur frá Háskólanum í Alaborg 1987 og
hefur sótt fjölda námskeiða eftir verk-
fræðinám, þ.á.m. sjávarútvegsfræði hjá
endurmenntunarstofnun HI. Starfs-
reynsla Guðbergs er víðtæk og hefur
hann m.a. starfað við fiskvinnslu, við
fiskveiðar, í orkuverum og hjá iðnfyrir-
tækjum.
Stuðlað að auknu vinnsluvirði
Markmið Samstarfsvettvangsins er að
stuðla að auknu vinnsluvirði í sjávarút-
vegi og þróun tæknibúnaðar fyrir útgerð
og fiskvinnslu. Vettvangurinn myndar
samstarfsgrunn fyrir fyrirtæki í sjávarút-
vegi og iðnaði til að auka við tækniþróun
í sjávarútvegi. Samstarfsvettvangurinn
leitar eftir hugmyndum meðal sjávarút-
vegs- og iðnfyrirtækja, samtaka þeirra og
rannsóknastofnanna um ný verkefni sem
eru unnin í samstarfi sjávarútvegs og iðn-
aðar. Þegar verkefni eru valin er tekið
mið af nýnæmi verkefnisins, virðisauka
og mikilvægi fyrir atvinnugreinarnar,
sköpun nýrra atvinnutækifæra og árang-
urslíkur í útflutningi.
Verkefnisstjórn Samstarfsvettvangsins
hefur á undanförnum sex árum haldið um
90 formlega fundi auk fjölda funda þar
sem farið er yfir áhugaverð verkefni með
umsækjendum. Verkefnisstjórn er skipuð
fulltrúum frá hagsmunasamtökum, ráðu-
neytum, sjávarútvegi og iðnaði auk full-
trúa Nýsköpunarsjóðs atvinnulífsins. A
þessum fimm árum hefur Samstarfsvett-
vangurinn komið að fjölmögum verkefn-
um og stuðlað að samstarfi fyrirtækja í
iðnaði og sjávarútvegi sem mörg hver
hafa skilað góðum árangri.
Meðal þeirra verkefna sem Samstarfs-
vettvangurinn hefur komið að má nefna:
• Aðstoð vegna umsókna á
styrkjum hjá ESB vegna
stærri verkefna.
• Rannsóknaverkefni sem
eru undanfari hagnýtra verk-
efna og eru nauðsynleg til að
hagnýt verkefni nái fram að
ganga.
• Vöruþróun og markaðs-
setning sem er umfangsmesti
flokkurinn sem Samstarfs-
vettvangurinn hefur styrkt og
nema styrkirnir til þessa
flokks rúmlega 70% af úthlutuðu heild-
arfjármagni.
I fréttatilkynningu frá Samstarfsvett-
vangnum segir að það sé von þeirra sem
standi að starfsemi Samstarfs-
vettvangsins, að með samstarfi
fyrirtækja í iðnaði og sjávarút-
vegi komi fram áhugaverð
verkefni sem stuðli að fram-
þróun og aukinni framleiðni í
útgerð og fiskvinnslu.
Samstarfsvettvangurinn hef-
ur verið til húsa frá upphafi
hjá Samtökum fiskvinnslu-
stöðva að Austurstræti 18,
101 Reykjavík. Nánari upp-
lýsingar varðandi starfsemi
Samstarfsvettvangsins veitir
verkefnisstjóri í síma 562-3102.
Guðbergur Rúnarsson.
Samstarfsvettvangur sjávarútvegs og iónaðar myndar samstarfsgrunn fyrir fyrirtæki í sjávarútvegi
og iðnaði til að auka við tæniþróun í sjávarútvegi.
Aukinn krabbaveiðikvóti
í Norðursjó xiivx
Á sama tíma og trollveiðar minnka í Dan-
mörku fjölgar togurum sem eru gerðir út
á krabba og þorsk. Þorskkvótinn minnkar
en krabbakvótinn eykst. í Skagerrak og
Kattegat er heildarkvóti krabba (ein-
búakrabba) 5000 tonn, sem skiptist milli
Dana og Svía. Danir fá 3.675 tonn en
Svíar 1.325 tonn.
Krabbakvótinn i Noróursjó hefur verið
REVTINGUR
aukinn úr 795
tonnum í 900
tonn. Flestir Danir
sem stunda krabba-
veióar á stórum bátum veiða í Noregs-
hluta Norðursjávarins þar sem enginn
kvóti hefur verið settur. Þar er krabbinn
yfirleitt stærri og fyrir hann fæst hærra
veró en fyrir smákrabbann.