Dýraverndarinn - 01.11.1972, Side 22

Ljót saga
um mis-
þyrmingu
katta
Öðru hvoru má sjá í dagblöðum í lesendadálkum,
Ijótar lýsingar á meðferð dýra. Oftast eru það börn eða
unglingar sem af óvitaskap eða af óskiljanlegum kvala-
losta kvelja dýr. Kannski eiga sum þessarra atvika ræt-
ur að rekja til þess að borgarbörnin hafa fjarlægst dýr-
unum og eiga erfiðara með að gera sér grein fyrir að
dýrin eru einnig lifandi verur.
Dýraverndarinn ætlar að leifa sér að birta eitt slíkt
bréf, sem sent var einu dagblaðanna. Það má gjarnan
varpa því fram um leið, hvað til varnar megi verða, að
slíkt óþokkabragð sé ekki gert af óvitaskap eða öðrum
hvötum. Hvað heldur þú lesandi góður?
Bréfritarinn kallar sig íbúa við Kleppsveg:
„Ástæðan til þess að ég skrifa þessar línur er, að nú
haltrar bezti vinur dætra minna, grábröndóttur fress-
köttur um íbúðina á 3 fótum. Þegar hann kom heim
í gærkvöldi var búið að klippa allar klær af annarri
afturlöppinni upp í kviku svo blæddi úr.
Þetta er í annað sinn á stuttum tíma, sem slíkt kem-
ur fyrir. I fyrra skiptið voru klærnar klipptar af báð-
um afturlöppum og annarri framlöpp. Þrátt fyrir það,
að bólga hlypi í sárin tókst að græða þau með aðstoð
dýralæknis. Erfitt er að ímynda sér ástæðuna fyrir slík-
um gerðum og vonandi er hér um að ræða verk framið
í hugsunarleysi, en ekki verk sjúks manns.
Ef þú, sem fremur slíkan verknað, lest þetta, bið ég
þig að íhuga vel að vafasamt er, að slíkar hermdarráð-
stafanir breyti eðli kattarins, sem nú, þegar nóttu tekur
að lengja, kemur hvað hávaðasamast í ljós. Hitt er
víst, að verk þín hafa þegar haft varanleg áhrif á
stúlkurnar litlu. Þær fengu hann í jólagjöf, þegar hann
var lítill kettlingur, vegna þess að þær óskuðu sér
einskis fremur. Síðan hefur hann verið þeim góður leik-
félagi, borðað úr hendi þeirra, sofnað hjá þeim á kvöld-
in og án efa þykir þeim jafn vænt um hann og væri
hann litli bróðir þeirra. En nú er svo komið, að eigi
að hleypa honum út, taka þær hann grátandi og vilja
ekki lofa honum að fara. Þær eru hræddar um, að vondi
maðurinn nái honum og meiði hann. En innilokaður
getur köttur ekki þrifizt.
Á plötu, sem fest er á hálsbandið hans er letrað bæði
heimilisfang og símanúmer. Því vonast ég til þess, að
valdi hann einhverju ónæði í framtíðinni, hvort heldur
er að nóttu eða degi, þá verði hringt, og verður hann
þá sóttur tafarlaust.
Ibúi við Kleppsveg."
86
DÝRAVERNDARIN N