Stúdentablaðið - 01.02.2010, Blaðsíða 7

i kL—a | f» mf r 1 '
1 V
VAKA: Sigrún Ingibjörg Gísladóttir
Fyrir hvað stendur Vaka?
Vaka stendur fyrir virkt Stúdentaráð sem
einbeitir sér að hagsmunum stúdenta við
Háskóla (slands. Við f Vöku lítum á Stúdentaráð
sem framkvæmdarafl jafnt sem þrýstiafl.
Framkvæmdarafl þegar hægt er að nota
kraft og þekkingu stúdenta til þess að koma
hagsmunamálum þeirra í framkvæmd og
virkt þrýstiafl þegar hagsmunamálin eru af
þeirri stærðargráðu að þrýsta þarf á yfirvöld
að framkvæma þau. Vaka leggur áherslu á að
Stúdentaráð sé algjörlega óháð allri landspólitík.
Stúdentaráð á að vera virkt hagsmunaafl en ekki
litað pólitískt afl.
Geturðu lýst kosningaferlinu?
Kosningar fóru fram 3. og 4. febrúar og
kosið var til Stúdentaráðs og háskólaráðs.
Stúdentaráðskosningarnar virka þannig að kosið
er um framboðslista tveggja ára f senn þannig
að nú er kosið um listann 2009 og listann 2010.
Þegar talað er um að fylking fái 5 menn kjörna inn
í Stúdentaráð þýðir það að efstu 5 á framboðslista
ársins ( ár og 5 efstu á framboðslista sfðasta árs
eru kjörnir f ráðið. Háskólaráðsfulltrúinn er aftur á
móti kosinn til tveggja ára og situr í Stúdentaráði
og háskólaráði en það er æðsta stjórn Háskóla
íslands. Formaður Stúdentaráðs er sfðan kjörinn
eftir kosningar á fyrsta fundi Stúdentaráðs en það
getur verið hvaða stúdentaráðsliði sem er, almennt
úr meirihlutanum.
STÚDENTABLAÐIÐ
Hver eru ykkar helstu baráttumál?
Baráttumálin eru mörg og erfitt að velja úr en við
leggjum sérstaka áherslu á að verja Háskólann í
niðurskurðinum og sjá til þess að fjármagn fáist
fyrir alla nemendur skólans. Við höfnum alfarið
skólagjöldum. Við leggjum jafnframt þunga áherslu
á Lánasjóðsmálin en I ár fékkst sá áfangi í gegn f
Lánasjóðsviðræðunum að lánin voru hækkuð um
20%. Aftur á móti kom óásættanleg tekjuskerðing
(35% á tekjur yfir 750.000 kr á ári) inn og við
munum berjast fyrir því að ná henni niður I 0.
Menntamálin eru ofarlega í huga, einkunnaskil
kennara eru þar ofarlega á lista en þau eru alls ekki
nógu góð.
Hverju hafið þið áorkað á síðustu árum?
Vaka hefur komið mörgum af stærstu
hagsmunamálum stúdenta í gegn undanfarin ár. Á
þessu starfsári má nefna sumarannirnar, hækkun
námslánanna, niðurfellingu vanefndaálags á
skrásetningargjöldin, endurútgáfu réttindaskrár
stúdenta, upphitað strætóskýli á háskólasvæðinu,
neyðarnúmer fyrir nýnema og rafrænar
kosningar. Af málum undanfarinna ára má nefna
stúdentakortin, rafrænt prófasafn, kvörtun til
Umboðsmanns Alþingis vegna einkunnaskila
kennara, klukkur í prófstofur, rafvæðingu ýmissa
sala í skólanum og svo mætti lengi telja.
Nú hefur umræðan um svokallaðan fléttulista
verið áberandi þar sem Röskva hefur sett
saman lista með tilliti til kyns. Hver er ykkar
afstaða?
f Vöku er fólk valið eftir hæfileikum en ekki kyni.
Það má því segja að við séum komin á næsta stig
jafnréttisvitundar enda skiptir kyn ekki lengur máli.
Innan Vöku eru kynjahlutföll nokkuð jöfn og enginn
þurfti að setja upp kynjagleraugu til þess að ná því
í gegn. Þegar við veljum frambjóðendur á lista er
einungis litið til hæfni hvers og eins en ekki kyns.
Nú hefur Stúdentaráð tekið upp rafrænar
kosningar. Telurðu að kjörsókn muni aukast í
kjölfarið og hve mikil hefur kjörsókn verið á
undanförnum árum?
Það vona ég svo sannarlega! Kjörsókn hefur
verið breytileg síðustu ár en f kringum 35% af
heildarfjölda skráðra stúdenta f Háskóla fslands.
Gera má ráð fyrir því að sú tala sé ekki alveg lýsandi
fyrir raunverulega virka nemendur I skólanum
en engu að síður er þetta í lægri kantinum.
Vonandi nýta stúdentar sér þennan kost enda
gríðarlega mikilvægt að sú fylking sem stýrir starfi
Stúdentaráðs hafi stúdenta á bak við sig.