Stúdentablaðið - 01.02.2010, Blaðsíða 6

KOSNINGAR
Þann 3. og 4. febrúar fóru fram kosningar innan Háskóla íslands, til Stúdentaráðs annars vegar og háskólaráðs hins vegar. Sú
nýbreytni var í ár að kosningar fór fram rafrænt á Uglunni, innri vef Háskóla íslands. Kosningaþátttakan var 39,5% og er það 5%
aukning frá því í fyrra. Niðurstöður kosninganna urðu þær að Vaka og Röskva fengu jafnmarga menn kjörna og er því hið nýja
framboð Skrökva í lykilhlutverki þar sem það fékk einn mann kjörinn. Stúdentablaðið kynnti sér helstu baráttumál hinna tveggja
stríðandi fylkinga, Röskvu og Vöku, og fékk til viðtals forsvarsmenn framboðanna.
RÖSKVA: Sigurður Kári Árnason
Fyrir hvað stendur Röskva?
Röskva stendur fyrst og fremst fyrir jafnrétti,
heiðarleika og traust í hagsmunabaráttu stúdenta
við Háskóla íslands. Það eru allir velkomnir í
Röskvu sem vilja leggja sitt af mörkum við að verja
hagsmuni nemenda eða einfaldlega tengjast góðum
félagsskap.
Geturðu lýst kosningaferlinu?
Nú er kosið til Stúdentaráðs og háskólaráðs.
Kosið er um níu fulltrúa beint inn í Stúdentaráð
en helmingur Stúdentaráðsliða situr áfram þannig
að ráðið er aldrei alveg endurnýjað. Hinir níu
fulltrúarnir voru því kosnir í fyrra en sæti þeirra eru
þó aftur undir í þessum kosningum. Auk þessara 18
fulltrúa sitja í Stúdentaráði þeir tveir nemendur sem
kosnir eru í háskólaráð þannig að i heild eru þetta
20 fulltrúar.
Hver eru ykkar helstu baráttumál?
Ég tel að eitt allra mikilvægasta kosningamálið
að þessu sinni séu sjúkra- og upptökupróf við
skólann. í fyrra þegar Röskva var í meirihluta
Stúdentaráðs var því í fyrsta sinn komið til leiðar í
mörgum deildum að þessi próf væru í janúar. Nú ári
seinna hefur þessu aftur verið snúið við algerlega
án atbeina stúdenta sem er ólíðandi. Röskva vill
koma á fyrirkomulagi þar sem sjúkrapróf eru í lok
prófatímabils og upptökupróf svo fljótt sem
auðið er.
Einnig er hættan á skólagjöldum við HÍ orðin
raunveruleg aftur og Stúdentaráð verður að vera
leiðandi ( þeirri umræðu. Röskva hefur alltaf
barist af heilum hug gegn skólagjöldum og mun
leggja mikla áherslu á að þeim verði ekki komið á
bakdyramegin. Það hefur alltof oft gerst í vetur að
hagsmunir stúdenta hafa verið fótum troðnir.
Hverju hafið þið áorkað á síðustu árum?
Það er einfaldlega þannig að aðferðir Röskvu
svínvirka og við höfum því náð grfðarlega miklu í
gegn. Við ætlum nú ekki að þreyta lesendur með
því að fara yfir það í mjög ítarlegu máli heldur
einungis stikla á stóru! Þegar Röskva var í tvö ár í
meirihluta náðum við til dæmis að fá sjúkra - og
upptökupróf tekin upp í janúar og júní sem og frítt
í strætó fyrir alla stúdenta á höfuðborgarsvæðinu.
Þetta eru mikil hagsmunamál sem meirihlutanum
hefur því miður tekist að glopra úr höndunum. [
meirihluta náði Röskva líka sögulegum hækkunum
6 STÚDENTABLAÐIÐ
á námslánum í gegn og tekjuskerðingu í 10%
auk þess að ná því í gegn að nú þarf einungis
20 ECTS-einingar í stað 22 ECTS-eininga á önn
til þess að fá námslán. Röskva reddaði líka 600
nýjum stúdentaíbúðum og kom í veg fyrir 830
milljóna niðurskurð hjá LÍN og H( með grimmilegum
greinaskrifum og miklum pólitískum þrýstingi.
I minnihluta hefur Röskva einnig náð mörgum
af sínum baráttumálum í gegn, s.s. rafrænum
kosningum og afnámi ábyrgðarmannakerfisins hjá
L(N. Röskva gerði líka menntamál að kosningamáli
með borgarafundi um menntamál og stóð fyrir
setuverkfalli til þess að berjast fyrir sumarönnum -
sumarannir voru í kjölfarið teknar upp við HÍ.
Nú hefur umræðan um svokallaðan fléttulista
verið áberandi þar sem Röskva hefur sett
saman lista með tilliti til kyns. Geturðu sagt
mér svolítið frá þessu fyrirkomulagi?
Fléttulistar þekkjast víðast hvar þar sem listar
eru boðnir fram til kosninga. Þeir geta verið
mismunandi eins og þeir eru margir, t.d. paralistar
þar sem að í hverjum tveimur sætum hlið við hlið
þurfi að vera einn karl og ein kona. Þannig getur
fléttulisti verið kona, karl, karl kona. Annars er þetta
engin algild regla innan Röskvu, fléttulistarnir koma
bara af sjálfdáðum og það eru einnig sterkustu
listarnir sem samanstanda af báðum kynjum.
Nú hefur Stúdentaráð tekið upp rafrænar
kosningar. Telurðu að kjörsókn muni aukast í
kjölfarið og hve mikil hefur kjörsókn verið á
undanförnum árum?
Kjörsókn hefur verið lítil undanfarin ár eða um
þriðjungur. Ein af ástæðunum fyrir því hefur verið
griðarleg fjölgun fjarnema við H( sem og nema sem
ekki eru í fullu námi og eru þess vegna ekki oft í
skólanum. Þetta fólk hefur oft ekki séð sér fært
að mæta sérstaklega til þess að kjósa þannig að
vonandi verða kosningar á Uglunni til þess að þessi
stóri hópur taki frekar þátt.