Vesturland - 24.12.1974, Blaðsíða 7
Að friði jóla
§6)
m
OI»
Hefurðu ekki heyrt söguna um jólanóttina á
vígstöðvunum? Tveir hermenn óvinveittra
þjóða komu upp úr skotgröfunum hvor sínu
megin við víglínuna, en voru svo fylltir friði
jólanæturinnar að hvorugur hleypti af skoti
heldur skiptust þeir á jólakveðjum.
Mætti hinn djúpi friður hinnar heilögu
nætur fylla hjörtu okkar allra, lyfta okkur
upp yfir hversdagsleikann. Fylla okkur kær-
leika og hátíðleika. Mætti sá friður varpa
birtu yfir alla daga ársins. Mér finnst það
alltaf svo stórkostlegt að lesa boðskap Gamla
testamentisins um hvíldardagshald Israels-
manna, hvernig Guð bauð þeim að undirbúa
hvern hvíldardag og halda hann í hátíðleika
og friði hver með öðrum og fyrst og fremst
með Drottni.
Mér dettur þetta tíðum í hug þegar menn
eru að mæla á móti jólaundirbúningnum. Ég
held að við eigum að undirbúa jólin og njóta
bæði undirbúningsins og jólahaldsins í þakk-
læti og fögnuði.
Amerískur prestur, Norman Vincent Peele,
gefur sárþreyttum og lífsleiðum mönnum það
ráð að setjast daglega í góðan stól, láta fara
vel um sig og hugsa um grænar grundir
æskustöðvanna eða klukkuna, sem tifaði kyrr-
látlega á veggnum, svo þeir mættu fyllast
friði, friði, sem er svo mikilvægur í allri
steitu nútímans.
Eins held ég það sé okkur öllum til góðs
að hugleiða í kyrrð og næði eftirvæntinguna
og gleðina, sem við áttum sjálf á jólunum —
og lifa enn aftur þann hátíðleika. Ég held að
við ættum að nota aðventuna og jóladagana til
Séra
Auður Eir
Vilhjálms-
dóttir
liVí
I
1
að syngja með sjálfum okkur og öðrum, góðu
fallegu jólasálmana, til að njóta jóladaganna
í friði, gleði og þakklæti til Guðs.
En kannski gætirðu sagt sem svo að svona
hugleiðingar séu reyndar skammgóður verm-
ir og auk þess sefjun ef ekki yfirborðstrú,
án allrar dýptar, án raunverulegs og varan-
legs samfélags við Krist sjálfan. Það kann
að vera. Sannast sagna.
En ég er ekki að mæla með hughrifum
nokkurra stunda heldur því, að nota þær
stundir, sem eru undirbúnar, oft með mikilli
vinnu, nota þær til friðar og hljóðlátrar gleði,
til að hitta Krist, finna frið hans, fyllast friði
hans. Ég held að það skapi hjá okkur löngun
til sannara helgihalds, til fleiri friðarstunda
allan ársins hring, til að umgangast Krist á
hverjum degi.
Ef við leitumst við að lifa hvern dag í
návist Krists er það áreiðanlegt að við finn-
um að friður jólanna, friðurinn, sem engl-
arnir sungu um á Betlehemsvöllum stendur
okkur til boða alla aðra ársins daga.
Gleðileg jól.
Auður Eir Vilhjálmsdóttir.
m
i
|
m
m
W-
'IÍ