Búnaðarrit - 01.01.1986, Side 70
48
BÚNAÐARRIT
Hvanneyri til sæðistöku, en fella 6. Ég hafði áður óskað efir
því að vera leystur frá störfum í kynbótanefnd eftir þennan
fund. Var hann því síðasti fundur nefndarinnar, sem ég sat,
en ég hafði verið formaður kynbótanefndar frá stofnun
1968. Við formennsku tók samstarfsmaður minn, Erlendur
Jóhannsson, sem verið hefur ritari nefndarinnar árum
saman.
Nokkuð er síðan ég fór að hugleiða, að tímabært væri, að
ég drægi mig í hlé sem ráðunautur í almennri nautgripa-
rækt, en sneri mér eingöngu að ræktun holdanautgripa og
leiðbeiningum í framleiðslu nautgripakjöts. Undanfarinn
áratug hefur eftirspurn eftir kjöti af geldneytum farið
vaxandi. Samdráttur í mjólkurframleiðslu ásamt hreinrækt-
un Gallowaygripa í Hrísey, sem notaðir eru til framleiðslu
holdablendinga í landi, ýtir hvort tveggja undir það, að
kjötframleiðslu af nautgripum verði beint í ákveðnari
farveg en verið hefur og bændur velji framleiðslukerfi eftir
aðstæðum. Hún byggist m.a. á nýtingu ræktaðs lands, þ.e.
láglendis, til framleiðslu holdablendinga. Unnt ætti að vera
að skipuleggja framleiðsluna svo, að hún fari eftir eftir-
spurn árið um kring og spari því háan frystikostnað, þar
sem meginmagn kjötsins færi ferskt á markað.
Leiðbeiningar á þessu sviði hafa hins vegar verið litlar.
Þótt mál þetta hefði áður borið á góma, var erindi mitt um
auknar leiðbeiningar á þessu sviði ekki rætt formlega í
stjórn Búnaðarfélags íslands fyrr en 23. nóv. 1984, er ég
gekk á fund hennar og óskaði þessarar breytingar á starfi
mínu. Var orðið við ósk minni, og tók starfsbreytingin gildi
1. maí 1985. Var þá liðinn aldarþriðjungur, síðan ég réðst til
Búnaðarfélags íslands sem ráðunautur í nautgriparækt. Ég
þakka bændum gott samstarf öll þessi ár og öðrum sam-
starfsmönnum, svo sem héraðsráðunautum, kynbótanefnd-
armönnum og þeim félögum mínum í Búnaðarfélagi ís-
lands, er með mér hafa starfað og setið hafa fundi nefnd-
arinnar.