Búnaðarrit - 01.01.1986, Blaðsíða 133
SKÝRSLURSTARFSMANNA
111
áætlun, sem fyrirhuguð var fyrir bændur, sem voru þátttak-
endur í fjárhagskönnun. Á þessum tíma settum við upp
áætlanagerðarforrit, sem hlaut nafnið Búhagur, og hefur
síðan verið notað við gerð u.þ.b. 250 áætlana fyrir bændur.
Þeir, sem fluttu erindi auk okkar, voru Bjarni Guðmunds-
son, Guðmundur Sefánsson, Jóhann Guðmundsson, Gísli
Karlsson, Jónas Jónsson, búnaðarmálastjóri, Halldór
Árnason og Gísli Sverrisson. Námskeiðið var vel sótt og var
einn hlekkur í þeirri þekkingardreifingu, sem nú er í gangi
um búnaðarhagfræðileg málefni.
Fjármálaráðherra, Albert Guðmundsson, skipaði mig í
nefnd til þess að taka til endurskoðunar rekstarfyrirkomu-
lag Áburðarverksmiðju ríkisins. Formaður var Guðmundur
Sigþórsson, skrifstofustjóri landbúnaðarráðuneytisins og
að hálfu Áburðarverksmiðjunnar var Grétar Ingvarsson.
Nefndin skilaði áfangaskýrslu 22. maí.
Matthías A. Mathiesen, viðskiptaráðherra, skipaði mig í
nefnd um staðgreiðslu landbúnaðarafurða. Formaður var
Davíð Ólafsson, seðlabankastjóri. Aðrir í nefndinni voru
Ingi Tryggvason, formaður Stéttarsambands bænda, Helgi
Bachman, forstöðumaður, og Stefán Pálsson, bankastjóri.
Nefndin skilaði áfangaskýrslu í júlí um staðgreiðslu
sauðfjárafurða. Tillaga mín um að niðurgreiðslur og hluti
útflutningsbóta á mjólk, osti og öðrum mjólkurafurðum,
yrði breytt í beinar greiðslur til bænda samhliða stað-
greiðslu mjólkur, hlaut ekki undirtektir, sem ef til vill
orsakaðist af því að hún var ekki lögð skriflega fram og með
rökstuddri greinagerð. Samstaða náðist hins vegar um
kerfisbreytingar, samhliða staðgreiðslu sauðfjárafurða.
Ingi Tryggvason skilaði aftur á móti sér áliti. Lagt var til að
vaxta- og geymslugjald af lambakjöti og niðurgreiðslur
yrðu greiddar bændum beint, þannig að verð á kindakjöti
yrði mjög lágt að haustinu, en hækkaði síðan mánaðarlega
sem næmi vaxta- og geymslugjaldi.