Búnaðarrit - 01.01.1986, Qupperneq 258

236
BÚNAÐARRIT
Þá er það í slíkum tilfellum óþolandi fyrir bændur í
viðkomandi dýralæknishéraði, að ekki er heldur
hægt að fá afgreidd lyf, vegna þess að enginn nema
dýralæknir má gefa út lyfseðil.
II. Aksturkostnaður, sem leiðir af dýralæknisvitjun, er stór
útgjaldaliður hjá flestum bændum. Vegna þess hve mishár
hann er milli bænda eftir því, hve langt þeir eru staðsettir
frá aðsetri dýralæknis, kemur þessi útgjaldaliður mjög
misjafnt niður á hverjum einstökum. Til þess að jafna
þennan útgjaldalið virðist ekki annar háttur nærtækari en
að ríkið hlaupi þarna undir bagga og greiði það, sem fram
yfir er vissa vegalengd og jafni með því að nokkru þennan
aðstöðumun.
Mál nr. 25
Erindi Sigurðar J. Líndals og Jóseps Rósinkarssonar um
vernd rjúpnastofnsins gegn ofveiði.
Málið afgreitt með eftirfarandi ályktun, sem samþykkt var
með 24 samhljóða atkvæðum:
Búnaðarþing felur stjórn Búnaðarfélags íslands að hlut-
ast til um það við ríkisstjórn og Alþingi, að breytt verði
ákvæðum e-liðar 2. töluliðar 8. gr. laga um fuglaveiðar og
fuglafriðun, þannig að í stað 15. óktóber komi 1. nóv-
ember.
Þingið bendir á, að á s.l. tveimur áratugum hafi ekki
komið fram hliðstætt hámark í stærð rjúpnastofnsins og
áður átti sér stað. Því má ætla, að stofninum sé haldið í
viðvarandi lægð og ofveiði sé aðalörsök þess.
Greinargerð:
Búnaðarþing telur, að margt bendi til þess, að rjúpan
hafi verið ofveidd á undanförnum árum og svo muni verða
á komandi árum nema til komi auknar aðgerðir til friðunar.
Nú er heimilað samkv. lögum um fuglaveiðar og fugla-