Búnaðarrit - 01.01.1986, Blaðsíða 242
220
BÚNAÐARRIT
verulegum hluta undanþeginn verðlagsákvörðunum,
28,1% og er eina greinin, sem nálgast landbúnaðinn í þeim
efnum.
A s. 1. ári endurskoðaði þjóðhagsstofnun að beiðni
Framleiðsluráðs uppsafnaðan söluskatt í þessum tilteknu
greinum, þ. e. almennum búrekstri, slátrun og mjólkur-
iðnaði.
Niðurstöður voru þessar:
Uppsafnaður söluskattur sem hlutfall af rekstrar^jöldum.
Bcinn sölusk. Óbcinn sölusk. Samtals
Almennur búrekstur.................. 2,9% 0,9% 3,8%
Slátrun ............................ 1,4% 2,4% 3,8%
Mjólkuriðnaður ..................... 1,4% 2,0% 3,4%
Þessar hlutfallstölur eru miðaðar við 24% söluskatt, en
skatturinn er nú 25%. Hlutfallstölurnar fyrir almennan
búrekstur og slátrun ættu því að hækka úr 3,8% í tæp 4% og
fyrir mjólkuriðnað úr 3,4% í 3,5%.
Lauslegar áætlanir benda til þess, að verðmæti nautgripa-
og sauðfjárafurða á verði til framleiðenda hafi á árinu 1985
verið um 5,3 milljarðar króna, þar af verðmæti mjólkur um
2,4 milljarðar. Samkvæmt því mætti ætla, að uppsafnaður
söluskattur í almennum búrekstri gæti verið rúmlega 200
millj. króna, og 45% eða 90 millj. króna mætti rekja til
mjólkurframleiðslunnar, en 110 millj. króna til sauðfjár-
framleiðslunnar.
Við mat á uppsöfnuðum söluskatti í slátrun og mjólkur-
iðnaði er miðað við framleiðslukostnaðarverð að viðbætt-
um 35% vegna vinnslu- og sölukostnaðar. Uppsöfnun
söluskattsins ykist þó ekki í beinum hlutföllum við það
vegna nokkru minni uppsöfnunar í mjólkuriðnaðinum en
hinum greinunum.
Með hliðsjón af því, sem hér að framan greinir, má ætla,
að uppsafnaður söluskattur í slátrun hafi á árinu 1985
numið 45 millj. kr. og 25 millj. kr. í mjólkuriðnaði eða