Samtíðin - 01.07.1935, Blaðsíða 7

SAMTÍÐIN
5
Geysi gjósa og ég minnist aldrei að
hafa séð neitt jafntilkomumikið. Eft-
ir að hverinn hætti að gjósa, gat ég
aldrei sætt mig við þá tilhugsun, að
hann yrði að venjulegum stöðupolli,
sem enginn virti framar viðlits. Leit-
aði ég nú álits ýmsra merkra manna
um hverinn, og voru svör þeirra yfir-
leitt á þá leið, að Geysir mundi aldrei
byrja að gjósa á ný nema með því
móti, að jarðskjálftar yrðu til þess að
vekja hann af dvala. Sjálfum datt
mér í hug, að ef vatni væri veitt úr
hvernum, mundi hann hitna og fara
síðan að gjósa á ný. í vetur sem leið
samdi ég blaðagrein, þar sem ég bar
fram þessa skoðun mína, og sýndi ég
hana Guðmundi Gíslasyni lækni. —
Hætti ég með hans ráði við að birta
greinina, en jafnframt bundumst við
Guðmundur því heiti, að reyna af
eigin ramleik að fá Geýsi til að gjósa.
Tókst mér að fá leyfi til að hrófla við
hvernum eftir vild, og að því leyfi
fengnu, fengum við félagar í lið með
okkur dr. Trausta Einarsson, sem
vann að þessu verki með miklum á-
huga, og með hans atbeina tókst okk-
ur að ræsa fram hverinn og fá hann
til að gjósa að nýju.
— Hverja þýðingu teljið þér, að
þessi atburður muni hafa fyrir þjóð
vora? spyrjum vér Jón frá Laug.
— Ég er viss um, segir Jón, — að
Geysir einn mun á komandi árum
verða orsök þess, að hingað til lands-
ins munu koma þúsundir erlendra
ferðamanna, sem munu færa oss mikl-
ar tekjur, ef vér erum menn til að
ráða ferðum þeirra og dvöl með aukn-
um og bættum skipakosti og með því
að reisa ný gistihús á réttum stöðum.
Á árunum 1907—’14 eða frá kon-
ungskomunni og þar til heimsstyrj-
öldin braust út, var geysilegur erlend-
ur ferðamannastraumur austur að
Geysi. Þá voru þar á söndunum tvö
hús, og var þar hægt að hýsa 60 næt-
urgesti í senn. Man ég oft til þess, að
hvert rúm í þessum húsum var full-
skipað vikum saman og ekki nóg með
það, heldur leitaði fjöldi manna næt-
urgistingar bæði í Austurhlíð og
Múla. Þá voru bílar enn óþekktir hér
á landi, og samgöngur afarbágbornar.
Nú er öldin önnur, því að nú er kom-
inn bæði sími og bílfær vegur austur
að Geysi. Þangað má fara úr Reykja-
vík á 21/2—3 tímum í bíl, en áður var
þetta tveggja daga ferð á hestum.
Við Geysi álít ég, að tafarlaust
verði að reisa gistihús, er fullnægi
kröfum nútímans í alla staði og geti
veitt viðtöku öllum þeim ferðamönn-
um, sem þangað vilja fara. Þar hlýt-
ur að verða gististaður þeirra, er
austur fara. En einnig væri stór nauð-
syn, að gerður yrði bílfær vegur frá
Þingvöllum til Geysis, svo að ferða-
mannastraumurinn á komandi árum
gæti farið austurleiðina í stórum
hring, en þurfi ekki að fara tvisvar
sömu leið. Nú er og að opnast bílfær
leið frá Gullfossi og alla leið norður
að Hvítárvatni með brú á Hvítá fyr-
ir norðan Bláfell, og er þar með opn-
uð ferðamannaleið til einhverra
þeirra fegurstu öræfa, sem til eru í
víðri veröld.
Það er vonandi, að hafist verði
handa á réttan hátt til þess, að þau
miklu tíðindi, sem hér hafa gerst,
megi verða öldum og óbornum hér á
landi til ómetanlegs gagns.