Samtíðin - 01.02.1951, Blaðsíða 8

4
SAMTÍÐIN
boðsgestir íslendinga umhverfis Þing-
vallavatn og til Gullfoss og Geysis með til-
heyrandi veizluhöldum. Gagnvart slíkri
rausn haga sæmilega siðaðir menn orð-
um sínum af mikilli varúð á opinberum
vettvangi og beina talinu þá jafnvel að
fegurð himinsins og bláma fjallanna, ef
þeim ætlar að verða skotaskuld úr því að
svara barnalegum spurningum sjálfra
okkar um land okkar og þjóð.
En á heimleið í flugvélum hafa þessir
gestir okkar heyrzt ámæla okkur fyrir
drykkjuskap og ómennsku. Þá furða þeir
sig á, hve margir karlmenn sjáist á gangi
á götum Reykjavíkur með hendur í vös-
um að sumarlagi, þegar hlýtt er í veðri, og
þeim blöskrar alveg, hver kynstur við
drekkum af hinu rándýra áfengi, sem rík-
ið selur landsins börnum.
Okkur er vafalaust hollara að heyra
heilbrigða gagnrýni erlendra gesta en
staðlítið smjaður þeirra. Og það getur
sjálfsagt verið nytsamlegt að kynnast
sönnu mati greindra og aðgætinna útlend-
inga á okkur. Hvað sem líður íslenzku
tómlæti og ómennsku í höfuðstað lands-
ins, sem einkum blasir við gestsaugunum,
er hitt víst, að við þörfnumst engu síður
mikils starfs núna en við upphaf þessarar
aldar. Tilvera okkar byggist að verulegu
leyti á stóraukinni framleiðslu þjóðarinn-
ar og meiri starfsafköstum á ýmsum svið-
um en við höfum enn af að segja. Við
þurfum að komast í kynni við vélakost,
sem breytir viðhorfi okkar til ýmissa
starfa að miklum mun. Þetta er okkur
brýn nauðsyn, ef hér á að vera unnt að
lifa því menningarlífi, sem íslenzka þjóð-
in bæði gerir og á kröfur til.
Segið vinum yðar, live mikið og marg-
víslegl efni „Samtíðin“ flytur fyrir aðeins
25 kr. árgjald.
SIGURGEIR SIGURJÖNSSON
hæstaréttarmálaflutningsmaður.
Aðalstræti 8. — Símar 1043 og 80950.
Skrifstofutími 10—12 og 1—6.
VITIÐ ÞÉR ÞETTA?
Svörin eru á bls. 20.
1. Hver orti þessa vísu:
Ef einhver sér mig elcki vera’ að
moka,
þetta orða þannig lilýt:
þá er orðið hart um skit.
2. Hver er Armas Járnefelt?
3. Hvar er bærinn Kreuznach?
4. Hver er höfundm* skáldsögunnar
Jerúsalem?
5. Hvað heitir höfuðborg Bolivíu?
^ Það er sagt: +
að hugrekki sé hræðsla, sem eykur
mönnum kjark.
♦
að fornsala sé búð, þar sem keyptar
eru gamlar bækur og drasl, en
seldir fágætir forngripir.
♦
að gull sé málmur, sem menn grafa
upp úr holum, til þess að tann-
læknar og bankastjórar geti troð-
ið því i nýjar holur.
♦
að áróður sé úthverfan á sannleikan-
um, svo lík honum, að hún getur
gert fólk alveg ringlað.
♦
að heppni geri okkur unnt að fylgj-
ast með sumum og verða á undan
öðrum.
Vanti yður hollan og góðan mat,
erum við ávallt birgir.
KJÖT & GRÆNMETI
Snorrabraut 56. — Sími 2853