Samtíðin - 01.02.1951, Blaðsíða 17
SAMTÍÐIN
félagið ökuþór var stofnað haustið
1945. Formaður er Steindór Sigur-
steinsson. Iðnaðarmannafélagið á Sel-
fossi var stofnað vorið 1946. For-
maður er Guðmundur Jónsson.
Rotaiyfélagið á Selfossi var stofnað
vorið 1948. Formaður er Einar Páls-
son. Kvenfélagið á Selfossi var stofn-
að haustið 1948. Formaður er Una
Pétursdóttir.
Á Selfossi var í’eist barnaskólahús
1932, en það varð fljótt allt of lítið.
Nýtt barnaskólahús var þvi reist á
árunum 1944 og 5. Spáðu margir, að
þetta myndarlega hús mundi verða
óþarflega stórt, en nú er það að verða
of lítið. I barnaskólanum eru 4 bekk-
ir. Unglingaskóli í 3 bekkjum starf-
ar einnig í barnaskólahúsinu. Siðast-
liðið vor gengu nemendur hans undir
miðskólapróf (landspróf). Skóla-
stjóri beggja skólanna er Sigurður
Eyjólfsson frá Stokkseyri. Fastir
kennarar skólanna eru 5, en auka-
kennarar 3.
Iðnskóli hefur starfað á Selfossi síð-
an haustið 1943. Er hann til liúsa í
gamla barnaskólahúsinu, sem Iðnað-
armannafélagið á Selfossi byggði við
1949 og á nú að tveim þriðju hlutum.
Þess má geta, að Selfosshreppur á nú
þriðja hluta þessa liúss, og er þar
þingstaður hans. Skólastjóri Iðnskól-
ans er Bjarni Pálsson.
Héraðsbókasafn Suðurlands var
stofnað á Selfossi árið 1947, og er
það varðveitt i barnaskólahúsinu.
Forstöðumaður safnsins er Sigurður
Eyjólfsson. Aðallega hafa ein-
staklingar lagt fram fé til við-
gangs safninu, en einnig hefur það
fengið nokkurn fjárstyrk frá Sel-
13
fosshreppi og ríkinu. Safnið á nú um
400 bindi, eingöngu íslenzk rit.
Kirkja hefur enn eigi verið reist
á Selfossi, en undirbúningur er haf-
inn að kirkjubyggingu þar. Kirkju-
garður byggðarinnar er á fögrum
stað við ölfusá, í Selfosstúni, norð-
austan við bæinn. Var garðurinn
vígður árið 1945, og er fyrirhugaðri
kirkju ætlaður þar staður, en fjár-
söfnun til hennar hefur farið fram
með ýmsu móti síðustu árin. Guðs-
þjónustur hafa undanfarin ár farið
fram í Selfossbíó. Vonandi líður ekki
á mjög löngu, þar til sú ósk Selfoss-
búa rætist, að þar rísi vegleg kirkja,
enda þótt skortur á byggingarefni
og aðrir örðugleikar steðji nú að Is-
lendingum. Sóknarprestur Selfossliúa
er séra Sigurður Pálsson í Hraun-
gerði. Niðurlag i næsta hefti.
FRÆGUR IRLENDINGUR, James
Devane að nafni, hefur nýlega kom-
izt þannig að orði: „Það eru viss
sérkenni, sem einkenna öldina, er við
lifum á. Fvrst og fremst eru nú-
tímamennirnir sérfræðingar í því að
sundra öllu, en þeir megna ekki að
skapa samhengi eða heild. Þeir hafa
klofið frumeindina (atómið), en
þeir eru ekki færir um að setja það
saman á ný. Þeir hafa sundrað
Evrópu í landshluta, en þeir eru ekki
menn til að sameina þá aftur. Þeir
liafa greint manninn í fimm ólika
hlutá: hinn ])ólitíska, hagfræðilega,
vísindalega, fagurfræðilega og sið-
ferðilega mann. En það vantar eitt-
hvað, sem getur sameinað þessa
fimm hluta, þannig að úr verði
mannleg vera.