Samtíðin - 01.12.1951, Síða 22

16
SAMTÍÐIN
er höfuðnauðsyn, en það er róleg
setustofa, sem gestirnir geta haft út
af fyrir sig og notið næðis í.“
„Og fleira?“
„Já, því er ekki að leyna, að er-
lendum ferðamönnum finnst æði
torvelt að átta sig á skipun íslenzkra
áfengismála. Þeir eru vanir því að
geta fengið sér glas af hæfilega
sterkum bjór eða vínglas, hvenær
sem þeim býður svo við að horfa.
Þeim er alveg ofvaxið að skilja, að
jafn sjálfsögð lífsþægindi þurfi að
vera bundin við aðeins einn stað á
öllu Islandi, nema þeir kaupi vínið
í heilum flöskum. Eftir því sem mér
skilst, höfum við aðstöðu til að gera
bezta öl, sem hugazt getur. Þess
vegna finnst mörgum* óskiljanlegt,
hvað dvelur okkur í þeim efnum. En
hvað sem þessu líður, er enginn efi
á þvi, að ísland á sér takmarka-
lausa möguleika sem ferðamanna-
land,“ segir Guðmundur Jónmunds-
son að lokum.
Örn Ó. Johnson, forstjóri Flugfé-
lags íslands, sagði í ræðu, sem hann
hélt, er nýja upplýsingaskrifstofan
var opnuð í London, að ef álykta
mætti af ummælum hinna fjölmörgu
erlendu gesta, sem voru þar við-
staddir og flestir voru sérfræðingar
i ferðamálum, stæðu vonir til, að
skrifstofan ætti fyrir sér að auka
stórlega kynnin milli brezku og
islenzku þjóðanna og áhuga útlend-
inga fyrir íslandsferðum.
Islenzka þjóðin mun að sjálf-
sögðu sameinast um að lofa þetta
merkilega framtak og árna starf-
semi skrifstofunnar allra heilla.
-Atuóunn dór. J^ueLnóóon:
MIDSUMARKVÖLGI
Nú sólskinið sædjúpin ljómar
og sveipar í purpuratjöld.
ög heiðlóusöngurinn hljómar,
ó, himneska miðsumarkvöld.
Ég dvelst við þinn rósgullna roða,
þitt ríki er fagurt og bjart.
Mig langar þitt litband að skoða,
það ljómandi, töfrandi skart.
A hafdjúpin stari ég hljóður
og hlusta á sævarins nið.
Það bærist í brjósti mér óður
að blessa hinn dýrmæta frið.
Og lognaldan líður að sandi,
og lækurinn streymir að ós.
Nú fjarlægur finnst mér hver vandi
við fölnandi kvöldroðans ljós.
Hann: „Hvað, ég að giftast þér!
Það var nú ekki alveg sá gállinn
á þér um þetta leyti í fyrra, þegar
ég var að biðja þín og þú hrygg-
brauzt mig út frá þeim forsendum,
að þú hefðir tvö önnur mannsefni í
takinu.“
Hún: „En nú er komið á daginn,
að hvorugur þeirra vill mig.“
EF YÐUR vantar úr eða aöra
skrautgripi, þá munið:
Magnús E. Baldvinsson
Úra- og skrautgripaverzlun,
Laugavegi 12, Reykjavík.