Fréttablaðið - 13.01.2010, Blaðsíða 6

6 13. janúar 2010 MIÐVIKUDAGUR
Lokað í dag
ÚTSALAN
hefst á morgun
Laugavegi 7 • sími 5513033
MILLJÓNIR BEINT Í VASANN
Tryggðu þér miða á www.hhi.is, í síma 8OO 6611
eða hjá næsta umboðsmanni.
EFNAHAGSMÁL Heildareignir líf-
eyrissjóðanna til greiðslu lífeyris
námu 1.763 milljörðum króna í lok
nóvember, samkvæmt upplýsing-
um Seðlabankans. Þetta jafngild-
ir eins prósents hækkun á milli
mánaða.
Eignir lífeyrissjóðanna drógust
saman um tólf prósent á milli
mánaða eftir þrot bankanna í okt-
óber í fyrra en þá hurfu 217 millj-
arðar króna úr bókum þeirra. Í
lok september áttu lífeyrissjóð-
irnir innlend hlutabréf og í hluta-
bréfasjóðum fyrir 150,7 milljarða
króna, sem jafngilti um níu pró-
sentum af heildareignum. Innlend-
ar hlutafjárstöður hrundu niður í
41,6 milljarða mánuði síðar. Grein-
ing Íslandsbanka bendir á í gær að
staða innlendra hlutabréfa sé enn
sáralítil, eða rétt rúm tvö prósent
af heildareignum. Tapið hefur þó
gengið að mestu til baka síðan í
hruninu og hefur heildareign sjóð-
anna aðeins lækkað um 7,9 millj-
arða, eða 0,48 prósent, frá lokum
september í hittifyrra.
Þá er bent á að eignir lífeyris-
sjóðanna hafi aukist um 140 millj-
arða króna frá í nóvember 2008,
eða um 8,6 prósent að nafnvirði.
Mestu muni um að innlend verð-
bréfaeign lífeyrissjóðanna jókst
um 21,5 milljarða á árinu og
erlend verðbréfaeign um 3,1 millj-
arð. Á móti hafi sjóðir og innstæð-
ur í bönkum lækkað um 6,5 millj-
arða.
Að teknu tilliti til verðbólgu sé
staðan hins vegar óbreytt á milli
ára. - jab
Lífeyrissjóðirnir komnir á sömu slóðir og fyrir hrun efnahagslífsins:
Staðan óbreytt frá í fyrra
SJÁVARÚTVEGUR Hafrannsóknastofn-
un leggur til að loðnuveiðar verði
ekki hafnar að svo stöddu þar sem
ekki mælist nægjanlegt magn til
að gefa út upphafskvóta.
Janúarmælingu Hafrannsókna-
stofnunar á loðnustofninum lauk á
mánudag en skip stofnunarinnar
hafa verið við loðnumælingar frá
5. janúar.
Aðstæður til mælinga hafa verið
góðar frá því að skipin fóru frá
Reykjavík, að undanskildu því að
hafís hamlaði leit á töluvert stóru
svæði vestur og norður af Vest-
fjörðum, sem kann að hafa haft
áhrif á niðurstöður. Útreikning-
ar sýna að alls mældust 360 þús-
und tonn af loðnu, þar af mæld-
ist hrygningarstofninn um 355
þúsund tonn. Út af Austfjörðum
mældust 180 þúsund tonn, allt
hrygningarloðna. Út af Norðaust-
urlandi mældust tæp 120 þúsund
tonn, mest hrygningarloðna. Út af
vestanverðu Norðurlandi mældust
61 þúsund tonn, þar af 56 þúsund
tonn af hrygningarloðnu.
Aflaregla við loðnuveiðar bygg-
ir á að skilja 400 þúsund tonn eftir
til hrygningar. Ofangreindar mæl-
ingar á stærð hrygningarstofnsins
eru undir því magni.
Rannsóknaskipið Árni Friðriks-
son verður áfram við athuganir og
mælingar á loðnustofninum ásamt
leitarskipi sem væntanlegt var á
miðin út af Norðurlandi í gær, mið-
vikudag. - shá
Loðnustofninn mælist ekki nægilega stór til að gefinn sé út upphafskvóti:
Engar veiðar að svo stöddu
SUÐUREY VE Hér kemur Suðurey inn til
löndunar í Vestmannaeyjum á loðnuver-
tíðinni 2007. FRÉTTABLAÐIÐ/ÓSKAR
2000
1900
1800
1700
1600
1500
makr.
Hrein eign lífeyrissjóðanna til
greiðslu lífeyris frá nóvember
2007 til nóvember 2009
2007 2008 2009
Eignir lífeyrissjóðanna
HEIMILD: SEÐLABANKI ÍSLANDS
JARÐHITI Samkvæmt viðnámsmæl-
ingum, sem greint er frá í nýrri
skýrslu Orkustofnunar, er nýt-
anlegt rafafl háhitasvæðisins á
Reykjanesi í mesta lagi 81 mega-
vatt, miðað við 50 ára nýtingar-
tíma. Nú þegar eru framleidd
100 megavött í Reykjanesvirkjun.
Orkustofnun hefur til meðferðar
umsókn um virkjanaleyfi fyrir allt
að 85 MW stækkun til viðbótar til
að knýja álver í Helguvík.
„Við erum einfaldlega ekki sam-
mála því mati sem þarna kemur
fram. Ef þeir trúa þessu er virkj-
analeyfið gagnslaust,“ sagði Júlíus
Jónsson, forstjóri HS Orku, í sam-
tali við Fréttablaðið. „Það er ekki
til orka til þess að knýja vélarnar
ef þetta er það sem menn fallast á
að sé rétt og satt.“
„Við ætlum að bæta við 50 mega-
vöttum og okkar sérfræðingar frá
ÍSOR, Vatnaskilum og Mannviti og
fleiri telja að það sé hægt án telj-
andi áhættu,“ segir hann. HS Orka
stefni að því að veita Orkustofnun
umbeðnar upplýsingar um ýmis
atriði sem snerta virkjanaleyfið
fyrir mánaðamót.
Hann segist telja að þessar mæl-
ingar skipti ekki sköpum, viðnáms-
mælingar nýtist aðallega til að
leggja mat á svæði þar sem engin
orkuvinnsla er hafin. Sérfræðing-
ar Orkustofnunar vildu ekki ræða
þessi mál í fjölmiðlum.
Jarðvísindamaður, sem Frétta-
blaðið ræddi við í gær, lagði
áherslu á að viðnámsmælingar
sé ekki hægt að leggja einar til
grundvallar við mat á ágengni
nýtingar. Þær nýtist best til að
gefa hugmynd um nýtingarmögu-
leika á óröskuðum svæðum. Eftir
að nýting hefst fáist fyrst upplýs-
ingar um ýmis önnur atriði, sem
geta haft áhrif á mat á mögulegri
hámarksnýtingu. Varðandi Reykja-
nes þurfi ásamt öðru að taka tillit
til þess að nálægð við sjó eykur
leiðni og nýtingarmöguleika vökv-
ans sem þar er dælt upp.
Raforkuvinnsla í Reykjanes-
virkjun hófst árið 2006. 100 MW
eru framleidd úr tveimur 50 MW
vélum. Árið 2006 bentu nýjustu
viðnámsmælingar, frá 1985, til
þess að háhitasvæðið væri tveir
ferkílómetrar að flatarmáli og
nýtanlegt afl svæðisins á 50 árum
væri 28 megavött. Hið nýja mat
Orkustofnunar gefur til kynna að
svæðið sé níu ferkílómetrar. Nýt-
anlegt afl sé að lágmarki 27 mega-
vött en að hámarki 81 megavatt.
Miðgildi nýtanlegs afls til fimm-
tíu ára sé 45 megavött.
peturg@frettabladid.is
Mæla nýtanlegt afl
á Reykjanesi 81 MW
Viðnámsmælingar Orkustofnunar benda til að miðað við 50 ára nýtingu afkasti
háhitasvæðið á Reykjanesi 81 MW. Okkar sérfræðingar ósammála þessu mati,
segir forstjóri HS Orku. Aðferð sem hentar best við mat á óröskuðum svæðum.
REYKJANESVIRKJUN Raforkuframleiðsla hófst á háhitasvæðinu á Reykjanesi árið 2006 með tveimur vélum sem framleiða 50
megavött hvor. Lögð hefur verið fram umsókn um að framleiða allt að 85 megavött til viðbótar á svæðinu. FRÉTTABLAÐIÐ/GVA
FÉLAGSMÁL Útgerðir og fisk-
vinnslur á Íslandi í samstarfi
við SM Kvótaþing og Eimskip
gefa Mæðrastyrksnefnd og Fjöl-
skylduhjálp Íslands þrettán tonn
af fiski. Það jafngildir 52 þúsund
matarskömmtum að því er segir í
tilkynningu. Að auki gaf Eimskip
Mæðrastyrksnefnd 1.750 þúsund
krónur sem söfnuðust í skötu-
veislu fyrirtækisins.
Leitað var fyrir jólin til útgerð-
arfyrirtækja og fiskverkenda og
annarra fyrirtækja sem tengj-
ast sjávarútvegi til að safna fiski
fyrir Íslendinga í fjárhagsvanda.
Auk fisksins fengust 700 flöskur
af lýsi. - gar
Útgerðir og fiskvinnslur:
Gefa þrettán
tonn af fiski til
bágstaddra
KJÖRKASSINN
Telur þú að stjórn og stjórnar-
andstaða nái saman í Icesave-
málinu?
Já 33,4
Nei 66,6
SPURNING DAGSINS Í DAG
Borgar þú öðrum fyrir að farga
þínu jólatré?
Segðu þína skoðun á visir.is
HEILBRIGÐISMÁL Matvælastofnun
hefur borist tilkynning frá Við-
vörunarkerfi Evrópu fyrir mat-
væli og fóður þar sem varað er við
japönskum sojadrykk, Bonsoy soy
milk, sem inniheldur alltof mikið
af joði. Ástæða joðmagnsins er
sú að drykkurinn inniheldur þara
sem nefnist kombu.
Drykkurinn er seldur í net-
verslunum svo hugsanlegt er að
hann hafi verið fluttur til lands-
ins. Hann hefur til að mynda verið
í dreifingu í Danmörku og á Bret-
landi. Í Ástralíu veiktust tíu manns
af völdum drykkjarins. Joð í miklu
magni hefur áhrif á skjaldkirtilinn
og þar með á hormóna. - jss
Matvælastofnun:
Varað við soja-
drykk með joði
Séra Bjarni í prófkjör
Séra Bjarni Karlsson, sóknarprestur í
Laugarneskirkju, sækist eftir 4. sæti á
lista Samfylkingarinnar fyrir borgar-
stjórnarkosningarnar í vor. „Nú varðar
öllu að við hugsum tíu, tuttugu,
þrjátíu ár fram í tímann og einsetjum
okkur að missa ekki sjónar hvert af
öðru heldur viðurkennum að við
tilheyrum einum stórum samfélagsvef
þar sem hver er öðrum háður,“ segir í
tilkynningu frá Bjarna.
Talsmaður í framboð
Gísli Tryggvason, sem starfar sem
talsmaður neytenda, býður sig fram
til að taka 1. sæti lista Framsóknar-
flokksins fyrir bæjarstjórnarkosningar í
Kópavogi í maí. „Kosningar í vor fela í
sér tækifæri til umbóta, bættra stjórn-
arhátta og heilbrigðari stjórnmála í
þágu allra Kópavogsbúa – eins og ég
vil gjarnan stuðla að,“ segir í tilkynn-
ingu frá Gísla.
SVEITARSTJÓRNARKOSNINGAR