Fréttablaðið - 13.01.2010, Blaðsíða 12

12 13. janúar 2010 MIÐVIKUDAGUR
DÓMSMÁL Lögmaður um sjötugt,
Páll Skúlason, hefur verið dæmd-
ur í sex mánaða fangelsi, þar af
þrjá mánuði skilorðsbundna, fyrir
umboðssvik. Páll seldi sumarbú-
stað sem var í eigu annarrar mann-
eskju og hirti ágóðann sjálfur.
Forsaga málsins er sú að árið
1988 seldi Páll hjónum sumarbú-
stað á 300 þúsund krónur. Eigenda-
skiptin voru tilkynnt Fasteigna-
mati ríkisins og síðan hafa hjónin,
og konan ein eftir andlát mannsins,
greitt öll opinber gjöld af lóðinni.
Hins vegar láðist hjónunum
að þinglýsa kaupsamningnum.
Þegar kaupverðið hafði ekki verið
að fullu greitt nær tuttugu árum
síðar ákvað Páll að nýta sér þá
staðreynd og selja bústaðinn aftur.
Hann segist hafa litið svo á að ekki
hafi verið staðið við kaupsamning-
inn og að hann væri því fyrndur.
Úr því að honum hafði aldrei verið
þinglýst gat hann enn fremur þóst
eiga eignina enn og þannig selt
hana.
Dómurinn kemst að því að engu
máli skipti hvort kaupverðið var
að fullu greitt eða ekki. Við kaup-
samningsgerð hafi hjónin öðlast
eignarétt á húsinu, og Páli hafi þá
borið að nýta sér vanefndarúrræði
til að rifta samningnum eða krefj-
ast efnda væri hann óánægður.
Það hafi hann ekki gert.
Hann hafi misnotað aðstöðu sína
og valdið konunni umtalsverðu
fjárhagstjóni. - sh
Lögmaður dæmdur fyrir að selja sumarbústað sem hann átti ekki:
Í fangelsi fyrir umboðssvik
SUMARBÚSTAÐUR Maðurinn hefur í
tvígang selt sama sumarbústaðinn.
Myndin er úr safni.
EFNAHAGSMÁL Skattahækkanir
ríkisstjórnarinnar og aðstæð-
ur hér nú eru frábær efniviður
fyrir djúpa og langvinna kreppu.
Þetta er mat Ragnars Árnason-
ar, prófessors
við hagfræði-
deild Háskóla
Íslands.
Ragnar benti
á það í erindi
sem hann hélt
á þéttsetnum
skattadegi á
vegum Deloitte
í gær, að þjóð-
in stæði nú
frammi fyrir dýpstu kreppu sem
sést hafi hér frá stofnun lýðveld-
isins, ef ekki frá byrjun síðustu
aldar. Reikna megi með að sam-
anlagður eignabruni þjóðarinnar
á fasteigna- og hlutabréfamarkaði
frá miðju ári 2007, þegar Úrvals-
vísitala Kauphallarinnar náði
hámarki, nemi á milli þrjú til
fimm þúsund milljörðum króna,
sem jafngildi tveimur til þrem-
ur vergum landsframleiðslum. Á
sama tíma glími þjóðin við meiri
erlendar skuldaklyfjar en nokkru
sinni.
Ragnar sagði erfitt að komast
upp úr þessum aðstæðum, í raun
standi flestar aðgerðir stjórn-
valda í vegi fyrir því. „Ef við
sökkvum niður í kreppuna verð-
ur æ erfiðara fyrir ríkið að afla
tekna á komandi árum,“ sagði
hann og lagði áherslu á að við þær
aðstæður væri talsverð áhætta á
greiðsluþroti ríkisins.
Ragnar sagði einu sjáanlegu
leiðina út úr vandanum að búa í
haginn fyrir hagvöxt. Efla verði
fjárfestingu í fjármunum sem
muni skapa framleiðslugetu í
framtíðinni og gera vinnu ábata-
samari svo fólk leiti ekki í svarta
atvinnustarfsemi. Ekki megi
horfa til næstu fjögurra ára held-
ur þrjátíu. Þetta megi ýmist gera
með því að lækka skatta eða halda
þeim óbreyttum frá því sem áður
var og bæta rekstrarumhverf-
ið svo fjárfestar sjái hag í því
að færa fé í rekstur hér. „Lægri
skattar ýta undir atvinnuþátttöku
og hagvöxt.
Þetta er klassískt ráð gegn
kreppu og menn deila ekki um
það,“ sagði Ragnar og bætti við
að ofan á þetta verði að draga úr
útgjöldum ríkissjóðs. „Þetta á við
um velferðarkerfið. Við höfum
ekki efni á að reka það af svipuð-
um gæðum og á hinum Norður-
löndunum. Það er að drepa okkur.
Við verðum að skera það niður á
eins mannúðlegan og hagkvæm-
an hátt og við getum,“ sagði hann.
jonab@frettabladid.is
FRÁ SKATTADEGINUM Uppselt var á skattadag Deloitte í gær og setið í öllum sætum
Grand Hótels. Þeir sem ekki fengu pláss í aðalrýminu gátu fylgst með ræðumönnum
af skjávarpa í öðrum sal. FRÉTTABLAÐIÐ/GVA
Höfum ekki efni á að reka
norrænt velferðarkerfi
Hagvöxtur er eina leiðin til að koma landinu úr kreppunni. Því er mikilvægt að halda sköttum lágum og
lækka ríkisútgjöld. Dýpki kreppan aukast líkur á greiðsluþroti ríkisins, að mati háskólaprófessors.
RAGNAR ÁRNASON
VIÐSKIPTI Enginn áhugi er fyrir
því á meðal umsvifamestu far-
símafyrirtækja Póllands að
kaupa farsímafyrirtækið P4 yrði
það boðið falt á árinu. Þetta kom
fram í gær í fréttabréfi Wireless
Federation, alþjóðlegum samtök-
um fyrirtækja í þráðlausum sam-
skiptum.
Novator, félag að mestu í eigu
Björgólfs Thors Björgólfssonar,
á rétt tæpan helmingshlut í P4,
sem er fjórða umsvifamesta far-
símafyrirtæki Póllands.
Í fréttabréfinu kemur fram að
samkvæmt kaupréttarákvæðum
stjórnenda P4 verði söluréttir
ekki virkir fyrr en við sölu fyr-
irtækisins, sem miðað er við að
gangi í gegn á þessu ári. - jab
Stefnt að sölu P4 á árinu:
Enginn vill fyr-
irtæki Björgólfs
BJÖRGÓLFUR THOR Stærstu farsímafyrir-
tæki Póllands hafa ekki sýnt þann áhuga
á fyrirtæki Björgólfs Thors sem vænst
var. FRÉTTABLAÐIÐ/ANTON
SKÓLAMÁL „Þessi breyting felur
í sér mjög íþyngjandi skyldur
fyrir þau sveitarfélög sem veita
þessa þjónustu og telur nefndin
að hagsmunir fósturbarna hafi
ekki verið hafðir að leiðarljósi,“
segir fræðslunefnd Borgarbyggð-
ar um þann úrskurð mennta-
málaráðuneytisins að viðtöku-
sveitarfélög eigi að greiða allan
hefðbundinn kostnað af skóla-
göngu fósturbarna sem þar
dvelja tímabundið.
„Breytingin fer gegn þeirri
meginreglu að sveitarfélögum er
ekki skylt að veita íbúum annarra
sveitarfélaga þjónustu að kostn-
aðarlausu,“ segir nefndin. - gar
Fræðsluráð Borgarbyggðar:
Vilja ekki borga
fyrir fósturbörn
SUNDSPRETTUR Í FROSTI Hópur fólks
skrapp nýverið í hið árlega áramóta-
sund í vatninu Halensee í austanverðu
Þýskalandi, en ekki var synt lengi því
frost var úti. Þessi mætti í gervi sjávar-
guðsins Neptúnusar, með þrífork og
kórónu. NORDICPHOTOS/AFP