Fréttablaðið - 10.03.2010, Blaðsíða 26

10. MARS 2010 MIÐVIKUDAGUR8 ● fréttablaðið ● fermingar
Fermingin er stór dagur í lífi
okkar flestra og lifir lengi í
minningunni. Þeirri minningu
er gjarnan haldið á lofti með
fermingarbarnamótum víða
um land.
Árgangur 1964 í Neskaupstað
hittist á fermingarbarnamóti árið
2008 þegar hann átti 30 ára ferm-
ingarafmæli.
„Við fermdumst 30. apríl árið
1978. Þetta var frekar stór hópur
eða um 40 krakkar og var fermt
bæði fyrir og eftir hádegið,“ segir
Eysteinn Þór Kristinsson, einn
þeirra heimamanna sem skipu-
lagði mótið. Hópurinn hefur hist
þegar fermingarafmælið hittir á
tug og segir Eysteinn ríka hefð í
Neskaupstað fyrir því að ferming-
arbörn haldi hópinn.
„Við héldum okkar mót um sjó-
mannadagshelgina og þá voru aðrir
fimm árgangar í bænum á ferm-
ingarbarnamóti. Það var vel mætt
þótt hópurinn sé dreifður um allt
land og allan heim og þarna komu
krakkar sem maður hafði ekki séð í
þrjátíu ár en við buðum líka krökk-
um sem voru með okkur í skóla en
fermdust ekki með hópnum. Við
settum mótið uppi á mjöl tönkunum
við Síldarverksmiðjuna þar sem er
gott útsýni yfir bæinn og borðuð-
um saman tvö kvöld. Heimsóttum
gamla skólann okkar og kirkjuna
og hittum séra Svavar Stefánsson
sem fermdi okkur.“
Þegar Eysteinn er beðinn að
rifja upp fermingardaginn segir
hann daginn nokkuð venjulegan í
minningunni en bjartan og falleg-
an. Haldin var kökuveisla heima
í stofu og fermingarpeningarnir
notaðir til kaupa á skrifborði. Ey-
steinn segir hópinn halda áfram að
hittast á tíu ára fresti og rifja upp
gamla tíma enda góðan hóp.
„Mótið tókst mjög vel og við
ætlum okkur líka að smala fólk-
inu saman einhvern sumardaginn
á höfuðborgarsvæðinu þar sem
margir búa þar,“ segir Eysteinn.
„Það sem er svo sérstakt og
yndislegt við þennan hóp er að
þau höfðu fyrir því að leita okkur
uppi sem vorum flutt burt,“ segir
Bryndís Baldursdóttir en hún flutti
frá Neskaupstað tíu ára og fermd-
ist því ekki með bekkjarfélögun-
um. Hún segir svona samkomur
hafa mikið gildi fyrir hópinn og
sérstaklega brottflutta sem bera
enn þá sterkar taugar til heima-
haganna.
„Ég saknaði alltaf félaganna og
þess að búa á staðnum. Þarna var
mér tekið eins og týndu systurinni
og fékk að heyra allar skemmti-
legu sögurnar sem ég hafði misst
af. Það hefur mikið að segja, þá
finnur maður fyrir því að maður
á enn þá rætur á staðnum.“ - rat
● ÍSLENSKT ÞEMA Í VEISL-
UNA Þjóðlegt þema virðist eiga
upp á pallborðið þessa dagana og
gaman að leika sér að því að láta
veisluna líta út fyrir að vera nógu „ís-
lenska“. Klassískt ráð er að skreyta
með borðum af íslenska fánanum
sem fást til að mynda í bókabúð-
um. Einnig mætti blása upp blöðrur
í fánalitunum – rauðum, bláum og hvítum og skreyta. Þá eru til serv-
íettur með lopapeysumynstri sem og kerti. Gömlu fallegu þjóðbún-
ingadúkkurnar eru líka alltaf skemmtilegar og þannig mætti fá lánað-
ar nokkrar slíkar í íslenskum búningi og stilla þeim upp á veisluborðið.
Hluti fermingarbarnanna 30. apríl árið 1978 en fermt var bæði fyrir og eftir hádegi.
Eysteinn er 3. frá vinstri í fremstu röð. MYND/ÚR EINKASAFNI
Hópurinn hittist á 30 ára fermingarafmælinu árið 2008. Eysteinn stendur lengst til hægri í 3. röð og Bryndís Baldursdóttir í miðið í
bleikri peysu. MYND/EYSTEINN ÞÓR KRISTINSSON
Fermingarbarnamót styrkja tengsl
● AFÞREYING FYRIR
YNGSTA FÓLKIÐ
Yngstu kynslóðinni getur
farið að leiðast þófið í ferm-
ingarveislum, sérstaklega
þegar sækja þarf fleiri en
eina sama daginn. Veislu-
haldarar ættu að hafa í
huga að hafa eitthvert
afþreyingarefni eða fönd-
ur í boði fyrir minnstu fermingargestina og vera búnir að undirbúa
eitthvert horn eða afdrep þar sem hægt er til að mynda að lita, skoða
myndabækur og annað slíkt.
Þannig er hægt að hvetja börn í veislunni til að lita mynd og gefa
svo fermingarbarninu teikninguna í lok veislunnar, um leið og fullorðna
fólkið skrifar í gestabókina.
● HEILAGT ALTARISBRAUÐ
Orðið obláta er komið úr latínu og
merkir „fórn“ eða „hið framborna“. Alt-
arisbrauðið vísar til brauðsins sem
Jesús Kristur braut með lærisveinum
sínum við síðustu kvöldmáltíðina.
Altarisbrauðið var bakað í sérstök-
um bakstursjárnum og ekki höfðu
allir leyfi til að baka altarisbrauð. Hér
á landi voru altarisbrauð bökuð á prestsetrinu allt til síðari hluta 19.
aldar og jafnvel lengur. Oblátur voru hins vegar ekki bakaðar á Íslandi
heldur keyptar frá Danmörku.
Annað heiti brauðsins er hostia. Það merkir sáttafórn eða friðþæg-
ingarfórn og minnir á fórn Krists til sáluhjálpar.
Á vefnum www.kvi.annall.is er að finna bæði fróðleik um altarisbrauð
og uppskrift þar sem segir að í altarisbrauðið skuli notað heilhveiti,
hveiti og ölkelduvatn.