Fréttablaðið - 10.03.2010, Blaðsíða 42
22 10. mars 2010 MIÐVIKUDAGUR
sport@frettabladid.is
HANDBOLTI Vináttulandsleikirnir
við heims, Ólympíu- og Evrópu-
meistara Frakka í apríl fara ekki
fram í Egilshöllinni þar sem
kostnaður við flutning og leigu á
áhorfendapöllum er alltof mikill.
„Kostnaðurinn við að leigja
þessar stúkur er á milli ellefu og
tólf milljónir. Hugmyndin er alls
ekki slæm en stúkurnar þyrftu
að vera til í landinu ef þetta ætti
að geta gengið,“ segir segir Einar
Þorvarðarson, framkvæmda-
stjóri HSÍ. - óój
Frakkaleikirnir ekki í Egilshöll:
Var alltof dýrt
FRÁBÆRIR Frakkar eru handhafar allra
titla í handboltanum. MYND/DIENER
FÓTBOLTI „Hann er ógnvænlegur
maður, meint á jákvæðan hátt,“
segir David Beckham um Sir Alex
Ferguson, stjóra Manchester Unit-
ed. Beckham leikur í kvöld sinn
fyrsta leik á Old Trafford síðan
hann var seldur til Real Madrid
árið 2003.
Beckham hefur fyrirgefið
Ferguson eftir atvikið fræga þegar
sá gamli sparkaði í skó sem lenti
rétt fyrir ofan auga hans. Sauma
þurfti nokkur spor.
„Það verður gaman að hitta
hann aftur. Hann hefur verið mik-
ill áhrifavaldur í lífi mínu og hann
var mér sem faðir þegar ég var hjá
Man United. Ég verð alltaf þakk-
látur fyrir það,“ sagði Beckham
sem er nú í herbúðum AC Milan á
lánssamningi frá LA Galaxy.
Beckham og félagar eiga erfitt
verkefni fyrir höndum að reyna að
komast í átta liða úrslit Meistara-
deildarinnar enda unnu Englands-
meistararnir fyrri leikinn á Ítalíu
3-2. „Það er mjög erfitt að sækja
sigur á Old Trafford en ég er í fót-
boltanum til að takast á við áskor-
anir. Ég vona svo sannarlega að ég
fái tækifæri í þessum leik,“ sagði
Beckham sem var í byrjunarliðinu
í fyrri leiknum.
Wayne Rooney æfði með Unit-
ed í gær og verður með í kvöld
en hann hefur átt við smávægi-
leg meiðsli að stríða. Ryan Giggs
hefur enn ekki jafnað sig á meiðsl-
um og þá verður Michael Carrick
ekki með vegna leikbanns. United
hefur aldrei dottið út eftir að hafa
unnið fyrri leikinn á útivelli í Evr-
ópukeppni.
Hinn leikur kvöldsins í Meist-
aradeildinni er ekki síður athygl-
isverður. Lyon heimsækir Real
Madrid eftir að hafa unnið fyrri
leikinn 1-0. „Við skoruðum ekki
í fyrri leiknum en nú erum við
á heimavelli. Við munum leggja
okkur alla fram frá fyrstu mín-
útu til síðustu og sýna þeim hverj-
ir ráða ferðinni,“ sagði Cristiano
Ronaldo sem er bjartsýnn fyrir
leikinn.
„Ég vonast eftir góðum stuðn-
ingi áhorfenda. Þeir voru frábær-
ir gegn Sevilla og verða vonandi
ekki síðri í þessum leik. Lyon er
með líkamlega sterkt lið og þetta
verður alls ekki auðvelt,“ sagði
Ronaldo. Þess má til gamans geta
að Real Madrid hefur unnið alla
heimaleiki sína í spænsku deild-
inni í vetur. - egm
David Beckham mætir aftur á Old Trafford í kvöld þegar AC Milan reynir að snúa við úrslitunum á Ítalíu:
Ferguson er eins og ógnvænlegur faðir
FAÐIR OG SONUR David Beckham og Sir
Alex Ferguson hittast aftur í kvöld.
NORDICPHOTOS/GETTY
> Helena var valin best
Helena Sverrisdóttir hefur verið valin besti leik-
maður Mountain West-deildarinnar í bandaríska
háskólakörfuboltanum og komst auk þess í lið ársins
annað árið í röð. Helena er aðeins þriðji leikmaðurinn
í sögu TCU sem er kosinn leikmaður ársins en hún átti
frábært tímabil sem leiðtogi besta liðs deildarinnar en
hún var eini leikmaðurinn í Mountain West-
deildinni sem komst inn á topp fimmtán í
fjórum tölfræðiþáttum. Helena var númer
tvö í stoðsendingum (5,3 í leik), númer
þrjú í stolnum boltum (2,3), númer
sex í fráköstum (6,6) og númer níu í
stigaskorun (13,6).
„Það styttist í að mann fari að kitla í tærnar fyrst snjórinn
er farinn,“ segir Bjarki Gunnlaugsson sem segir alls ekki
ólíklegt að hann verði í eldlínunni í Pepsi-deildinni í
sumar.
„Maður sér til hvort og hvenær greddan kemur aftur.
Miðað við fyrri ár eru meiri líkur en minni á að hún komi.
Það er best að sleppa öllum yfirlýsingum, ég byrjaði
á þeim 2002 og nú er komið 2010,“ segir Bjarki.
„Fótboltinn hefur verið stór hluti af manni öll
þessi ár svo það er erfitt að slíta sig frá þessu.
Ég fer ekkert í þetta samt nema það sé 100
prósenta hugur á bak við það og skrokkurinn
líka. Þetta er krefjandi.“
Bjarki segist vera í fínu standi, hafi mætt á
eina og eina æfingu og æfi þar að auki sjálfur
aukalega. Arnar bróðir hans gekk til liðs við
nýliða Hauka snemma vetrar þar sem hann er
spilandi aðstoðarþjálfari. Bjarki segir að Arnar hafi alveg þrýst aðeins
á sig að koma í Hafnarfjörðinn.
„Hann gerir það. Það er erfitt að slíta eineggja tvíbura í sundur.
Það eru samt engar viðræður í gangi við neitt lið, við sjáum bara
hvort greddan komi eða ekki. Arnar er búinn að vera flottur hjá
Haukum, hann er duglegur kallinn,“ segir Bjarki sem mætti á eina
æfingu hjá Breiðabliki fyrir nokkrum vikum. Hann er greinilega
hrifinn af Ólafi Kristjánssyni, þjálfara Blika.
„Ég hafði mjög gaman af þessari æfingu. Þetta eru
hörkustrákar og svo er mjög góður þjálfari þarna líka.
Það eru ekki margir þjálfarar á Íslandi í dag sem eru með
svona fótboltalega hugsun og pælingar. Hitt er ekkert mál,
að stilla upp í varnarbolta og spila.“
Bjarki segir það ekki koma til greina að spila utan efstu
deildar ef hann ákveður að taka slaginn í sumar. „Maður er
alltaf með einhverjar grillur í hausnum að enda þetta eins
og maður,” segir Bjarki Gunnlaugsson.
BJARKI GUNNLAUGSSON: HEFUR ENN EKKI TEKIÐ FÓTBOLTASKÓNA AF HILLUNNI EN TELUR LÍKLEGT AÐ ÞAÐ GERIST
Það er erfitt að slíta eineggja tvíbura í sundur
1.780.0
F
í
t
o
n
/
S
Í
A
BRUNAÐU Á
Á MILLJÓNIR