Fréttablaðið - 19.05.2010, Blaðsíða 25
MIÐVIKUDAGUR 19. MAÍ 2010 3kjóstu með menntun ●
„Við stefnum nú
ekki að því að
skera niður í skóla-
málum,“ segir
Guðrún Ágústa
Guðmundsdóttir,
oddviti Vinstri
grænna í Hafnar-
firði. „Hins vegar má alveg taka til skoð-
unar með hvaða hætti við rekum
grunnskólann eða fræðslukerfið í heild
sinni.“
Guðrún segir að skoðað verði hvort
hægt sé að færa fjármagn úr yfirbygg-
ingu til að nýta það beint í þágu barn-
anna. „Þannig að það er hægt að skera
niður í yfirbyggingu ef það er einhvers
staðar hægt. Það kemur ekki til greina
að skerða þjónustu við grunnskóla-
börn,“ útskýrir Guðrún og bætir við að
hugsanlega sé hægt að nýta fjármagn-
ið betur með því að skoða hvernig
skólakerfið sé byggt upp.
● Hvað finnst þér skipta mestu máli í skólamálum?
● Ætlar þú að skera niður í skólamálum ef þú færð umboð eftir kosning-
ar?
● Ef þú ætlar að skera niður í menntun eftir kosningar, nákvæmlega
hvað ætlarðu þá að skera niður?
● Veist þú hvaða breytingum fjárframlög til skólahalds í sveitarfélaginu
þínu hafa tekið eftir 2008?
● Veist þú hvaða þættir hafa verið skornir niður og hvernig áhrif það
hefur á starf í skólunum?
● Mörg börn fá ekki aðstoð við heimanám heima hjá sér. Ætlar þú að sjá
til þess að þau fái það í skólanum?
● Í sumum löndum er leikskólinn gjaldfrjáls að öðru leyti en því að for-
eldrar borga fyrir máltíðir. Hvað finnst þér um þetta?
● Geta allir foreldrar í þínu sveitarfélagi keypt mat fyrir börnin sín í skóla-
mötuneyti?
● Eru ungmenni í þínu sveitarfélagi sem ekki komast í framhaldsskóla
vegna fjárhagserfiðleika foreldra þeirra?
● Ætlar þú að taka þátt í hækkun gjalda í skólum og á frístundaheimil-
um á næsta kjörtímabili?
● Hefur þú hugleitt hvað jafnrétti til náms þýðir?
● Ert þú vakandi yfir hvers kyns félagslegri mismunun barna og ung-
menna? Skiptir það þig máli að koma í veg fyrir hana?
● Hefur þú kynnt þér skólastarf í þínu sveitarfélagi? Með hvaða hætti?
● Þekkir þú löggjöf um skólastarf, hefurðu til dæmis kynnt þér vel
menntalögin frá 2008?
● Hver eða hverjir eru mikilvægustu málaflokkarnir í hverju sveitarfélagi
að þínu mati? Af hverju?
● Hvað finnst þér um list- og verkmenntun?
● Hver er þín skoðun á einstaklingsmiðuðu námi?
● Hvað vilt þú gera til að efla samstarf skóla og heimila?
● Fá öll ungmenni í þínu sveitarfélagi nám við hæfi?
● Samkvæmt 26. grein grunnskólalaga eiga grunnskólanemendur rétt
á að stunda nám í einstökum greinum á framhaldsskólastigi, hafi
þeir sýnt fram á fullnægjandi færni. Hvernig er þessu farið í þínu
sveitarfélagi?
● Samkvæmt nýjum lögum um skólastig eiga stig milli skólastiga að
vera sveigjanleg. Hvernig á að framkvæma það í kreppu?
● Hvernig er hægt að koma á nýjum lögum í kreppu?
● Fjölgun í bekkjum eða námshópum er lausn sem margir stjórnmála-
menn vilja grípa til, – hver er þín skoðun á því úrræði?
● Hefur þú hugleitt hvers virði sá mannauður er sem býr í starfsfólki
skóla í þínu sveitarfélagi?
● Á hvern hátt telur þú best að standa vörð um að auka við fagmennsku
í skólastarfi?
● Ert þú sáttur/sátt við þann aðbúnað sem þitt sveitarfélag býr nem-
endum og starfsfólki skóla? Ef ekki, hvar telur þú brýnast að bæta úr í
þeim efnum?
● Hvaða náms- og félagsleg úrræði eru í boði fyrir fötluð ungmenni í
þínu sveitarfélagi?
● Hvaða náms- og félagsleg úrræði eru í boði fyrir ungmenni af erlend-
um uppruna í þínu sveitarfélagi?
● Hvaða náms- og félagsleg úrræði eru í boði fyrir atvinnulaus ung-
menni í þínu sveitarfélagi?
● Hvaða aðstoð og þjónustu býður sveitarfélagið þitt nemendum með
sérþarfir?
● Fá nemendur í skólunum í þínu sveitarfélagi náms- og starfsráðgjöf?
● Hvað telur þú að þurfi að gera til að efla tengsl grunnskóla og fram-
haldsskóla?
● Geta framhaldsskólar veitt nemendum þá menntun sem þeir eiga rétt
á samkvæmt nýjum framhaldsskólalögum?
● Vilt þú beita þér fyrir því að nemendur fái umönnun og kennslu í for-
föllum?
● Finnst þér mikilvægt að verja stjórnunarstöður í skólum til að skólarnir
haldi styrk sínum?
Spurðu frambjóðendur
UNNIÐ Í ÞÁGU BARNA
„Ef Samfylk-
ingin nær því
takmarki sínu
að leiða nýjan
meirihluta
á Akranesi
hyggst hún
skila til baka
þeim niðurskurði sem skólarnir
hafa þurft að þola frá því á síðasta
ári,“ segir Sveinn Kristinsson, odd-
viti Samfylkingarinnar á Akranesi.
Sveinn telur að niðurskurðurinn
í skólamálum frá því á síðasta ári
hafi verið of mikill og að hann hafi
komið niður á grunnþjónustunni.
„Við teljum að með réttum ráðstöf-
unum í fjármálum kaupstaðarins
sé þetta vel hægt,“ segir Sveinn
og bætir við að góðir skólar séu
grunnþáttur í hverju samfélagi.
„Og við ætlum okkur að styrkja
hann.“
ÆTLA AÐ SKILA NIÐURSKURÐINUM
„Engin áform
eru uppi hjá mér
sem frambjóð-
anda að ráðast
að grunnskólum
Ísafjarðar og
skera niður,“ segir
Eiríkur Greipsson
sem skipar fyrsta sæti framboðslista
Sjálfstæðisflokks á Ísafirði. „Ekki er hægt
að lofa neinu í sambandi við þjónustu
sveitarfélaga ef tekjur hrynja, þá verða
menn að taka meira til í garðinum
sínum. Skólar eru þjónusta á vegum
sveitarfélaga og þeir sem þurfa að
draga saman í rekstri þeirra verða að
skoða mögulega skerðingu þjónustu
þar. Ég veit ekki hvort grunnskólar verða
fyrir ofsakenndari niðurskurði en aðrir,
vegna þess að ég hef ekki skoðað það.
Það hefur ekki verið rætt á vegum fram-
boðslista Sjálfstæðisflokksins á Ísafirði að
draga úr þjónustu grunnskólanna.“
EKKI DREGIÐ ÚR ÞJÓNUSTU
● GRUNNÞJÓNUSTA –
LÖGBUNDIN ÞJÓNUSTA
Stjórnmálamenn ræða oft um
„að standa vörð um grunnþjón-
ustu“. Þetta er nýlegt hugtak í ís-
lenskri umræðu. Í desember
2009 skilgreindi grunnþjónustu-
hópur Velferðarvaktarinnar hug-
takið. Þar segir meðal annars:
„Þannig er grunnþjónusta í fyrsta
lagi lögbundin þjónusta, í öðru
lagi tiltekið þjónustustig lögbundinnar þjónustu, sem hefð hefur skapast
um að einstaklingum og fjölskyldum standi til boða þrátt fyrir að þjón-
ustustigið sé ekki lögbundið, en telja verður nauðsynlega þjónustu, og í
þriðja lagi ólögbundin þjónusta sem einstaklingar með sérþarfir vegna
fötlunar eða heilsubrests þurfa á að halda við athafnir daglegs lífs og til
að vera virkir þátttakendur í samfélaginu.“ Í aðdraganda kosninga hafa
stjórnmálamenn heyrst tala um grunnþjónustu og lögbundna þjónustu
eins og einn og sama hlutinn. Svo er ekki. Við hvetjum fólk til að spyrja
hvað við er átt þegar rætt er um grunnþjónustu.
Aukið samstarf milli kennara á
ýmsum stigum skólakerfisins
og möguleikar á mismunandi
hraða nemenda gegnum
það ætti að tryggja samfellu
í skólastarfinu, að mati Ólafs
Loftssonar, formanns Félags
grunnskólakennara, og Magn-
úsar Þorkelssonar, skólameist-
ara í Flensborg.
„Eitt af stefnumálum Kennara-
sambandsins er að auka samfellu
í skólastarfi og miðað við breyt-
ingar á lögunum sem fóru í gegn
í fyrra þá var lagður grunnur að
því. Það felur í sér að leikskóla-
kennarar geti hugsanlega komið
inn í grunnskólann og kennt í sex
og sjö ára bekk og kennarar í elstu
bekkjum grunnskólans fylgt 10.
bekknum sínum inn í framhalds-
skólann. Allt með hagsmuni nem-
enda að leiðarljósi til að minnka
brottfall og bæta árangur,“ segir
Ólafur. Hann hefur áhyggjur af
þessari þróunarvinnu vegna nið-
urskurðar fjármagns til stuðn-
ingskennslu og yfirvinnu á sama
tíma og skólarnir séu börnun-
um athvarf frá Icesaveumræðu
og bankabulli. „Það hefur sjald-
an verið mikilvægara en nú að
krakkarnir finni fyrir öryggi og
rótfestu,“ bendir hann á og kveðst
skora á sveitarstjórnarmenn að
hugsa um skólana og standa vörð
um þá.
Magnús kveðst líta svo á að nem-
endur eigi að geta komist í gegnum
skólakerfið án þess að taka marg-
ar beygjur og segir framhaldsskól-
ana gera sitt besta til bjóða upp á
nám fyrir hvern og einn. „Sumir
krakkar eiga við námserfiðleika að
stríða, aðrir eru eldheitir og koma
eins og vel smurð hjól inn í keðj-
una hjá okkur. Svo er allt þarna
á milli,“ lýsir hann og nefnir sem
dæmi að í Flensborg sé starfsbraut
fyrir fatlaða nemendur, hægferð-
ir og hraðferðir, heimanámsstuðn-
ingur, lestrarráðgjöf og alls konar
leiðir til að styðja nemendur áfram
á sinni braut. Sístækkandi hópur
fari gegnum skólann á styttri tíma
en áður, aðrir taki sér lengri tíma
en séu sómasamlegir og vel und-
irbúnir námsmenn þegar þeir fari
þaðan.
Mikil fagmennska er í grunn-
skólakennslunni að mati Magnúsar
en krakkarnir viti að þeir fari þar
milli ára hvernig sem þeir standi
sig og eigi rétt á framhaldsskóla-
vist. „Okkur er hins vegar gert að
undirbúa nemendur undir háskól-
ann eins og hann vill fá þá,“ bend-
ir hann á. „Því er fjölbreytt náms-
framboð og sveigjanleiki í kerfinu
nauðsynlegt.“
Sveigjanleiki nauðsynlegur
„Sjaldan hefur verið mikilvægara en
nú að krakkarnir finni fyrir öryggi og
rótfestu,“ segir Ólafur. FRÉTTABLAÐIÐ/GVA
Sumir eiga við námserfiðleika að stríða, aðrir koma eins og vel smurð hjól inn í keðjuna,“ segir Magnús. FRÉTTABLAÐIÐ/GVA