Fréttablaðið - 16.06.2010, Blaðsíða 18

18 16. júní 2010 MIÐVIKUDAGUR
Sótt hefur verið að kirkju og biskupi landsins í sambandi
við framkomið frumvarp um ein
hjúskaparlög sem nú er orðið að
lögum. Hver greinin á fætur ann-
arri hefur birst hér og ástæða
til að bregðast aðeins við. Nú er
um viðkvæmt mál að ræða sem
snertir djúpar tilfinningar, ann-
ars vegar samkynhneigðra og hins
vegar fólks sem vill taka trú sína
og trúarsannfæringu alvarlega í
þessu máli. Erfitt er að sætta þau
sjónarmið. Hluti af áróðrinum
hefur verið að vísa til 90 presta og
guðfræðinga, sem reyndar hefur
fækkað í 83, en ekki tekið fram að
vel á annað hundrað guðfræðing-
ar og prestar skrifuðu ekki undir
stuðning við ein hjúskaparlög þó
svo vissulega séu forsendur fólks
í því efni misjafnar. Málinu er
því ekki lokið þegar að kirkjunni
kemur og vonandi ber hún gæfu til
að fara eigin leið í því.
Í umræðum hefur mikið verið
lagt upp úr samanburði við ýmsar
breytingar sem hafa verið inn-
leiddar í aldanna rás. En ekki er
um sambærileg mál að ræða. Og
ekki hafa allar hugmyndir náð
að kalla á breytingar, sem betur
fer. Ástæðan til tregðu fólks við
umræddar breytingar er sú að
með nýjum lögum er grundvall-
arskilningi fólks á því hvað hjóna-
band er, þ.e. sambúðarform karls
og konu, breytt. Að mati margra
guðfræðinga og presta, fyrir utan
óteljandi leikmanna, var komið að
ákveðnum mörkum sem ekki hefði
átt að stíga yfir. Atburðir liðinna
ára hér á landi minna okkur á að
ekki eru allar breytingar og öll ný
hugsun til góðs. Jesús brást harka-
lega gegn þeim breytingum sem
orðið höfðu í musterinu og öllum
viðskiptunum þar í kring.
Sumum hefur ekki þótt við hæfi
lengur að tala um að hjónaband-
ið sé heilagt. Kannski á fólk erfitt
með þá hugsun af því hjónaskiln-
uðum hefur fjölgað og heimilisof-
beldi verið í sviðsljósinu. En þar
er það ekki stofnunin sem slík sem
á í vanda heldur fólkið innan henn-
ar. Með tali um heilagt hjónaband
var biskup ekki að vísa til þess að
hjónabandið sé sakramenti en að
leggja áherslu á að hjónabandið
hafi verið, samkvæmt kristnum
skilningi, frátekin stofnun til sam-
lífs karls og konu og einn sá besti
rammi sem börn geta alist upp við
ef því er að skipta.
Oft er vitnað til anda Jesú
Krists í þessari umræðu. Sé það
ætlunin hljótum við að taka vitn-
isburð Biblíunnar um hann alvar-
lega, enda er sú bók með því áreið-
anlegasta sem við getum fundið
meðal rita fornaldar. Þegar kemur
að samlífi fólks og hjónabandi er
alltaf vísað til karls og konu í
þeirri góðu bók, einnig í beinum
orðum Jesú þar sem hann vísar
til til upphafskafla 1. Mósebókar.
Hjónabandið hefur alltaf verið
borgaraleg stofnun, enda fylgja
því ákveðnar skyldur og rétt-
indi fyrir viðkomandi og hugsan-
leg börn. En kristin kirkja hefur
fram að þessu talið það vera sér-
stakt, þ.e. heilagt, og hefur þess
vegna einnig sérstaklega viljað
blessa það.
Það á að vera mælikvarði á
kjark kirkjunnar hvort hún skip-
ar sér í hóp með tveim kirkjum á
móti öllum öðrum kirkjum heims.
En við þurfum kirkju sem hefur
kjark til að standa gegn straumn-
um, sem þorir að hafa aðra skoð-
un en löggjafarvaldið, sem fer
sína leið í ljósi Biblíunnar. Við
þurfum kirkju sem hefur kjark
til að standa með sínu fólki sem
finnst nú sem níutíumenningarnir
og löggjafarveldið hafi farið yfir
strikið, sem er sárt og hryggt og
sem upplifir þetta sem árás á trú-
arsannfæringu sína, það svikið og
yfir sig valtað í þessu máli. Margt
af þessu fólki er afar trúfast í að
sækja sína kirkju.
Við þurfum kirkju sem hefur
kjark og er tilbúin til að setja sig
í spor þeirra kirkna sem finnst að
þeim sótt með andlegri nýlendu-
stefnu Vesturlanda og þorir að
standa með þeim. Í huga níutíum-
annahópsins er viðbúið að ný lög-
gjöf valdi sigurgleði. En munum
að sigurgleði eins veldur oft sorg
annars. Málamiðlun sem marg-
ir féllust á til að friður fengist í
þessu máli hefur verið ýtt til hlið-
ar.
Ég þakka biskupi fyrir að hafa
talað skýrt í þessu máli. Þar tala
ég fyrir eigin hönd og margs ann-
ars fólks sem er virkt í kirkju-
starfi um land allt. En það hefur
ekki viljað ekki stíga fram opin-
berlega og standa í þessari bar-
áttu, að hluta til vegna þess að
allt útlit var fyrir að frumvarpið
yrði að lögum, sem varð reyndin,
og að hluta til vegna ásakana um
fordóma, óhróður og einelti sem
eru meðal þeirra vopna sem notuð
hafa verið í þessari baráttu. Því
miður vill svo fara að þegar bar-
ist er, jafnvel í nafni kærleikans,
að kærleikurinn týnist. Ef kirkjan
týnir honum eru hún búin að týna
miklu. En á þeim vettvangi mun
nú baráttan fara fram.
Kirkjan og hjónaband
Í samstarfsyfirlýsingu ríkis-stjórnarinnar frá maí 2009
segir: „Í nýafstöðnum kosningum
veitti meirihluti kjósenda jafnað-
armönnum og félagshyggjufólki
skýrt umboð til að halda áfram
og leiða til öndvegis ný gildi jöfn-
uðar, félagslegs réttlætis, sam-
hjálpar, sjálfbærrar þróunar,
kvenfrelsis, siðbótar og lýðræð-
is.“ Andi yfirlýsingarinnar er á
þá leið að hagsmunir alþýðu verði
hafðir að leiðarljósi við endur-
reisn efnahagskerfisins, svo sem
með því að verja velferðarkerfið
eftir föngum – það eigi sem sagt
ekki að endurreisa óbreytt það
kerfi sem hrundi.
Þannig fer yfirlýst stefna rík-
isstjórnarinnar saman við stefnu
og markmið verkalýðshreyfing-
arinnar, að verja kjör alþýðunnar.
Hrunið afhjúpaði gífurlegt arð-
rán auðstéttar á alþýðu. Gagnvart
þessari auðstétt þarf verkalýðs-
hreyfingin að veita stjórnvöldum
aðhald en jafnframt verða verka-
lýðshreyfingin og ríkisstjórnin að
taka höndum saman.
Vísir að slíku samstarfi varð
til með stöðugleikasáttmálanum
sem gerður var í júní 2009. Að
honum komu reyndar líka Samtök
atvinnulífsins, auk ríkisstjórnar-
innar, sveitarfélaga og verkalýðs-
hreyfingarinnar, og sáttmálinn
ber þess nokkur merki. Þau sögðu
sig frá sáttmálanum 22. mars síð-
astliðinn. Það þarf varla að fara í
grafgötur með það að auðstéttinni
með samtök sín og verkfæri, svo
sem Samtök atvinnulífsins, Við-
skiptaráð og Sjálfstæðisflokkinn,
er umhugað að grafa undan þess-
ari ríkisstjórn eða í það minnsta
hafa einhverja stjórn á henni.
Eitt af meginatriðum sáttmál-
ans var samkomulag um að ljúka
kjarasamningum sem skyldu
gilda til nóvemberloka 2010. Í
sáttmálanum segir: „Forsendur
stéttarfélaga á opinberum vinnu-
markaði fyrir gerð kjarasamn-
inga eru að ekki verði gripið til
lagasetninga eða annarra stjórn-
valdsaðgerða sem hafa bein
áhrif á innihald kjarasamninga
eða kollvarpa með öðrum hætti
þeim grunni sem kjarasamningar
byggja á. Þetta hindrar þó ekki að
sett verði lög sem kalla á breyt-
ingar á kjarasamningum enda sé
um slíkt samið milli aðila kjara-
samnings í framhaldinu.“
Aðrir aðilar sáttmálans en SA
hafa ekki sagt sig frá honum. Það
er hins vegar spurning hvort ekki
sé kominn tími til að gera nýjan
sáttmála milli ríkisstjórnarinnar
og hagsmunasamtaka alþýðu, og
þá með víðtækari aðild, svo sem
Öryrkjabandalagsins. Það er óþol-
andi að ríkisstjórnin, hvort sem
það eru einstakir ráðherrar eða
stjórnin í heild, komi með yfirlýs-
ingar um frystingu launa. Vandi
almennings er margþættur og það
verður að vera sameiginlegt verk-
efni stjórnvalda og hagsmuna-
samtaka alþýðu hvernig beri að
leysa hann. Laun og lífeyrir er
einn þáttur þessa vanda.
Það má benda á að frá 1. júní
2010 eru lágmarkslaun starfs-
manna Reykjavíkurborgar sam-
kvæmt kjarasamningum 170.000
krónur. Líklega er enginn fastur
starfsmaður á þessum launum, en
einhverjir eru þar rétt fyrir ofan
og allstór hópur er með laun á bil-
inu 172-190 þúsund krónur á mán-
uði. Ætli sumum þætti það ekki
ansi knappt til að lifa af. Á að
frysta slík laun umyrðalaust?
Laun skal ákveða
með kjarasamningum
Kjaramál
Einar
Ólafsson
bókavörður
Hjúskaparlög
Ragnar Gunnarsson
framkvæmdastjóri
Kristniboðs-
sambandsins,
guðfræðingur og prestur
Í ljósi umræðna síðustu mánuði um fíkniefnaleit í framhalds-
skólum langar mig að velta eftir-
farandi fram:
Er ekki hagur okkar allra og þá
ekki síst þeirra sem ekki neyta
fíkniefna að vera öruggir í sínu
umhverfi? Það að fíkniefnaleit
með hundum fari fram í fram-
haldsskólum landsins tel ég vera
góða leið til að skapa öryggi fyrir
þá sem ekki neyta fíkniefna.
Hingað til hefur markviss leit
á ungmennum ekki talist undir
mannréttindabrot, sbr. áfengisleit
fyrir framhaldsskólaböll. Hefur
þetta flokkast undir forvarnir. Er
markviss fíkniefnaleit eitthvað
annað? Þar erum við að tala um
ólögleg fíkniefni.
Flest okkar sem starfa í kring-
um ungt fólk vitum að fíkniefna-
sala fer fram mjög víða, fram-
haldsskólarnir eru þar engin
undantekning. Eigum við bara að
sætta okkur við það eða eigum
við að gera eitthvað í því? Fram-
haldsskólar landsins eru opinber-
ar byggingar, þar á fíkniefnasala
ekki að fara fram (frekar en ann-
arsstaðar). Til að sporna við því er
markviss fíkniefnaleit góð leið.
Sú leit sem framkvæmd var í
Tækniskóla Íslands í vetur hefur
verið umdeild. Var hún ekki fram-
kvæmd vegna rökstudds gruns um
að þar færi fram sala og neysla?
Hvar eru þessar upplýsingar?
Hver var niðurstaða leitarinnar,
fundust fíkniefni?
Við megum ekki sofna á verðin-
um, það sem verið er að tala um
eru ólögleg fíkniefni. Það að börn
og unglingar geti nálgast þessi
efni í skólanum sínum er ekki
ásættanlegt. Til þess að breyta
þessu verðum við öll að leggjast á
eitt og ræða þetta stóra og mikla
vandamál opinskátt. Það að þagga
málið niður og fordæma jafnvel
aðgerðir tel ég vera það sama og
samþykki.
Ég sem móðir og náms- og
starfsráðgjafi ætla ekki að þegja
um þetta og hvet aðra sem málið
snertir til að gera slíkt hið sama.
Þögn er samþykki
Forvarnir
Sólveig Þrúður
Þorvaldsdóttir
náms- og starfsráðgjafi í
Fjölsmiðjunni
Skoda Octavia amb. 1.9TDI beinsk. Verðmæti kr. 3.990.000,-
103458

Volkswagen Polo Comfortline 1.4MPI beinsk. Verðmæti kr. 2.990.000,-
104123

Ferðavinningar frá Heimsferðum. Hver að verðmæti kr. 500.000,-
3592 16210 52436 77198 119099
4482 22496 59805 79738 121752
9362 23694 60627 101159 128420
15511 30774 61915 105310 146355
15747 47409 66765 114511 150137

Ferðavinningar frá Heimsferðum. Hver að verðmæti kr. 250.000,-
108 19207 28181 44615 52833 63944 82670 92769 123118 140851
1739 19228 30028 44723 54063 65646 82945 98952 126702 141557
2825 21503 30827 44919 55702 68200 83952 99794 127880 142977
5421 21524 33227 45060 55786 69581 85387 101026 129243 145004
5897 21976 36798 46325 56387 69722 86675 104797 132775 145635
6334 25081 37176 48931 57347 72583 86748 105397 133034 146711
9506 25267 38619 50019 60802 73223 88197 108589 134854 149903
13033 26048 39721 50246 61454 73475 89849 118891 139117 150348
16940 27310 40350 50324 63099 77208 90030 120647 139803 151476
18537 27714 42205 51029 63533 77750 91751 122060 139997 151768

Gistivinningar ásamt morgunverði í fjórar nætur fyrir 2 auk tveggja kvöldverða hjá einhverju
Fosshótelanna. Hver að verðmæti kr. 115.000,-
11036 45331 66853 102181 125798
18309 55471 78709 107691 126297
27884 65219 98009 108806 136296
34619 66142 99879 110313 151694

Gistivinningar ásamt morgunverði í tvær nætur fyrir 2 auk kvöldverðar annað kvöldið hjá
einhverju Fosshótelanna. Hver að verðmæti kr. 60.000,-
2137 12299 26067 29611 41460 65787 90997 101434 121281 132861
9511 12567 26591 32589 45632 68716 92210 101824 122627 135430
10372 15201 28375 33118 49321 77054 92966 103427 123710 144604
10658 23534 28803 33517 51897 85192 95967 108004 125636 147053
10872 25492 28850 36320 55697 85502 98308 120039 132719 150858

Alls 197 skattfrjálsir vinningar að verðmæti kr. 49.780.000
Vinninga ber að vitja innan árs – Upplýsingasími 525 0000
Vinningaskrá birt í textavarpi sjónvarpsins á síðu 290 og á heimasíðu Blindrafélagsins. www.blind.is

Birt án ábyrgðar
VINNINGASKRÁ
Vorhappdrætti Blindrafélagsins 2010 – dregið 11. júní