Samtíðin - 01.07.1970, Blaðsíða 11
SAMTÍÐIN
1
koddinn lítill, og hollt er, að haft sé hátt
undir fótunum. Sextugur maður hefur,
þótt hraustur sé, legið um það bil 20 ár
í rúminu. Því varðar miklu, að þar fari
vel um hann. Það er skynsamlegra að eiga
gott rúm en fín föt, ef við höfum ekki
efni á hvoru tveggja. Svefnlyf eru neyð-
arúrræði, en eðlileg þreyta eftir vel unnið
dagsverk er holl forsenda þess, að við sof-
um vært að því loknu.
"k Ostagerð heimsins
FRAKKLAND hefur um aldaraðir átt
ullra landa flesta snillinga á sviði osta-
gerðar. Þeir framleiða ostategundir, svo
uð hundruðum skiptir, sem frægt er orð-
ið. Aðrar miklar ostagerðarþjóðir eru
Svisslendingar og Hollendingar.
Ostagerð hefur ávallt verið talin vanda-
söm, og mun ókleift að læra hana af bók-
um einvörðungu. Auk bóklegrar þekking-
ar þarfnast góður ostagerðarmaður langr-
ar reynslu í starfi sínu. Hann þarf einnig
að hafa glöggt auga og næman skilning
á eðli og eiginleikum hráefnisins.
Hér á landi eru nú framleiddar flestar
þekktustu ostategundir heimsins, og er
talið, að ísl. ostar standi erlendum ostum
ekki að baki að gæðum. Hér hefur á
skömmum tíma orðið bylting í ostagerð,
hvað gæði og fjölbreytni snertir. Má
þakka það stórbættum tækjaútbúnaði,
aukinni menntun og reynslu ostagerðar-
Wanna okkar og nytsamlegri aðstoð er-
lendra sérfræðinga. Hér hefur því mikið
a unnizt í þessum mikilsverða mjólkuriðn-
aði.
k 5 gerðir mæðra
1 HARVARDHÁSKÓLA í Bandaríkj-
unum fara um þessar mundir fram um-
fangsmiklar rannsóknir á uppeldi ung-
bania. Er þá m. a. beitt tækniaðferðum
til að ganga úr skugga um viðbrögð ung-
barnanna ganvart ýmsum vandamálum.
Hefur dr. Burton White, prófessor í
þroskasálarfræði, skipulagt þessar til-
raunir.
Annar bandarískur sálfræðingur, dr.
Robert Lacrosse, hefur á vegum sama
háskóla kynnt sér áhrif 200 mæðra á sál-
arlíf ungbarna sinna. Hefur hann við það
komizt að þeirri niðurstöðu, að mæðrum
þessum megi skipta í 5 mismunandi gerð-
ir, eftir því hvernig framkoma þeirra orki
á sálarlíf barna þeirra, ýmist á jákvæðan
eða neikvæðan hátt. Dr. Lacrosse skiptir
mæðrunum í eftirfarandi gerðir:
1. Fyrirmyndarmóðirin. — Hún er yf-
irleitt glaðlynd, mjög ástúðleg við ba.rn
sitt, sinnir því mikið dag hvern og hefur
mjög heillavænleg áhrif á sálarþroska
þess. Hún örvar það til sjálfstæðra at-
hafna og fær því sí og æ ný og heppileg
viðfangsefni við þess hæfi án þess að mis-
bjóða getu þess. Hins vegar ávítar hún
það ekki né refsar því fyrir mistök þess,
en lætur sem hún verði þeirra ekki vör.
■ 2. Metnaöargjarna móðirin. — Hún
hefur sí og æ áhyggjur af barni sínu, er
einlægt að rexa í einhverju við það og
misbjóða því með hóflitlum kröfum, sem
einkum varða hegðun þess, reglusemi og
þrifnað. Börn þess háttar mæðra verða
oft siðfáguð og komast vel af við aðra,
en verða fremur umkomulaus, ef þau eiga
að taka sjálfstæðar ákvarðanir, enda hafa
þau ekki vanizt því í bernsku.
3. Reikula móðirin. — Hún lætur sér
allajafna annt um, að barn hennar fái nóg
að borða og nægan svefn, en hefur lítinn
skilning á andlegum þörfum þess, sem
brátt hljóta að koma í ljós. Hún er hvorki
sérlega athafnasöm né skilningsrík og er
því fremur óvirk gagnvart andlegum
þroska barns síns. Hún hefur að vísu ekki
beinlínis ill áhrif á það, hvað uppeldi þess
snertir, en vanrækir að betrumbæta það.
Barn hennar kemst því sjaldan til meira