Samtíðin - 01.07.1970, Blaðsíða 13
SAMTÍÐIN
9
Svcinn Sectnundssan :
7'et
merkiMjfinœli
EINS OG tímabil í þróunarsögu manns-
ins hafa verið nefnd steinöld, bronzöld
og eiröld, svo gæti okkar tímabil heitið
flugöld. Hún mundi að sjálfsögðu greinast
í smærri tímabil vissra áratuga, svo sem
tímabil flugtilrauna, flug-ofurhuga milli
landa, tíma hinna almennu farþegaflutn-
inga í lofti og tímabil vöruflutninga. öll
þessi tímabil höfum við Islendingar upp-
lifað í okkar eigin landi. Allt frá því er
flugvél sást hér fyrst á lofti hinn 3. sept-
ember árið 1919, hefur þjóðin sótt fram
á þessum vettvangi og nú er svo komið,
að flugmál og ferðamál eru snar þáttur
í þjóðarbúskapnum. Og á sumrinu 1970
þykir ekki umtalsvert, þótt landsmenn
geti valið um margar brottfarir til út-
landa dag hvern, né heldur þótt fleiri þús-
undir erlendra ferðamanna komi hingað
eftir vegum loftsins. Fyrir aldarfjórðungi
var þessu öðru vísi farið. Þá hafði stór-
styrjöld sú í Evrópu og víðar, sem kölluð
er heimsstyrjöldin II., staðið frá haust-
dögum 1939. Um þá ofboðslegu sóun
mannslífa og verðmæta verður ekki skrif-
að á þessum vettvangi, en segir ekki mál-
tækið, að fátt sé svo illt að ekki boði
nokkuð gott? Og í heimsstyrjöldinni síðari
fleygði tækninni mjög fram ekki hvað sízt
í gerð og smíði flugvéla og flugvélahreyfla.
Flugfélag Islands hafði sumarið 1945
flogið hér innanlands um sjö ára skeið.
Þrátt fyrir styrjöldina hafði félaginu tek-
izt að afla sæmilegs flugvélakosts. Nýjasta
farartækið var Katalinaflugbátur, sem
keyptur var í Bandaríkjunum, óinnrétt-
aður. Flaug Örn Ó. Johnson honum heim
til Islands ásamt amerískri og íslenzkri
áhöfn haustið 1944. Það var fyrsta flug
íslenzkrar flugvélar og íslenzks flugstjóra
yfir Atlantshaf. Þegar sá fyrir endi styrj-
aldarinnar í Evrópu vorið 1945, hófu for-
ráðamenn Flugfélagsins strax athuganir
á möguleikum til flugs milli landa. Við
ramman reip var að draga, því að styrj-
öldin geisaði enn í Asíu, og þær hömlur,
sem lagðar höfðu verið á samgöngur í
Evrópu, giltu enn. Vegna þessa frum-
kvæðis þeirra Flugfélagsmanna getum við
nú á þessu sumri haldið upp á aldarfjórð-
ungsafmæli millilandaflugs. Við, sem sjá-
um þotuna „Gullfaxa“ í broddi fylking-
ar íslenzka flugflotans koma og lenda
fullskipaða farþegum eftir hálfs annars
tíma flug frá Glasgow, eigum bágt með að
ímynda okkur, hvernig umhorfs var að
morgni hins 11. júlí sumarið 1945.
Snemma morguns kom áhöfn flugbátsins
TF-ISP niður að Skerjafirði. Þar voru